follow us:
కన్నడ సూపర్ హిట్ సినిమా ‘కాంతార’ ఇండియన్ బాక్సాఫీస్ వద్ద చేసిన హంగామా అంతా ఇంతా కాదు. చిన్న చిత్రంగా రిలీజైన ఈ మూవీ.. వసూళ్లలో అనేక రికార్డులు క్రియేట్ చేసింది. తొలుత కన్నడలో విడుదలైన ఈ ఫిల్మ్ బంపర్ హిట్ టాక్ తెచ్చుకుంది. ఆ తర్వాత తమిళం, తెలుగు, హిందీల్లో అనువాదమైంది. ఈ మూడు భాషల్లోనూ ‘కాంతార’ సంచలన విజయాన్ని సొంతం చేసుకుంది. ముఖ్యంగా తెలుగులో రూ.60 కోట్లకు పైగా కలెక్షన్లతో వావ్ అనిపించింది. థియేట్రికల్ రన్ పూర్తయిన తర్వాత ఓటీటీలోకి వచ్చిన ‘కాంతార’.. అక్కడ కూడా మంచి వ్యూస్‌తో దూసుకెళ్తోంది.
కన్నడ స్టార్ యాక్టర్ రిషబ్ శెట్టి స్వీయ దర్శకత్వంలో రూపొందించిన ‘కాంతార’ ఆస్కార్ నామినేషన్లకూ అర్హత సాధించింది. దక్షిణ కర్ణాటకలో కనిపించే భూతకోళ సంప్రదాయం నేపథ్యంలో ఈ మూవీని రిషబ్ తెరకెక్కించారు. సినిమా మొత్తం ఫన్నీగా, ఎంటర్‌టైనింగ్‌గా సాగినప్పటికీ.. క్లైమాక్స్ సీన్స్ మాత్రం ఒళ్లు గగుర్పొడిచేలా ఉండటంతో ప్రేక్షకులు థ్రిల్ అయ్యారు. ఆఖర్లో హీరో పాత్ర భూతకోల ఆడే సన్నివేశాలు సినిమాను నెక్స్ట్ లెవల్‌కు తీసుకెళ్లాయి. పోలీసు అధికారితోపాటు గ్రామస్థులను ప్రేమగా దగ్గరకు తీసుకునే సన్నివేశాలు ప్రేక్షకుల హృదయాలను తాకాయి. చాలామంది ఈ సీన్స్ చూసి కన్నీళ్లు పెట్టుకున్నారు. అయితే, ఇదే అనుభవం రియల్ లైఫ్‌లో ‘కాంతార’ మూవీ యూనిట్‌కు ఎదురైంది. ఈ విషయాన్ని తెలియజేస్తూ మూవీని నిర్మించిన హోంబలే ఫిల్మ్స్ తాజాగా ఒక వీడియోను షేర్ చేసింది.
రిషబ్ శెట్టి, సప్తమి గౌడతోపాటు ఇతర చిత్రబృందం, హోంబలే ప్రొడ్యూసర్స్ కలసి తులునాడులో పంజుర్లీ ఉత్సవానికి హాజరయ్యారు. ఆ ప్రాంతానికి చెందిన ఒక వ్యక్తి భూతకోల ఆడేందుకు సిద్ధమవడం, అతడ్ని పంజుర్లి ఆవహించడం.. లాంటి ఘట్టాలను వాళ్లందరూ దగ్గరుండి చూశారు. పంజుర్లీ ఆవహించే సమయంలో భూతకోల ఆడే వ్యక్తి.. రిషబ్‌ను ఆత్మీయంగా పట్టుకోవడం, మూవీ యూనిట్‌ను దగ్గరకు తీసుకుని సంతోషంతో చిరునవ్వులు చిందించడం లాంటి సీన్స్‌తో సాగే ఈ వీడియో వైరల్ అవుతోంది.
ಹರಕೆ ತೀರಿಸಿದ ಕ್ಷಣಗಳು.
You surrender to the nature & worship the God, who has bestowed you with such success n freedom in life. #Kantara team witnessed the divine in real form & took the blessings of Daiva!@shetty_rishab #VijayKiragandur @gowda_sapthami @ChaluveG @Karthik1423 pic.twitter.com/vPn8mOoenR— Hombale Films (@hombalefilms) January 20, 2023
