follow us:
నిధి అగర్వాల్‌.. టాలీవుడ్‌ ప్రేక్షకుల్లో ఈ పేరు తెలియనివాళ్లు ఉండరు అనడంలో ఎలాంటి అతిశయోక్తి లేదు. తన అందం, అభినయంతో ఎంతో మంది కుర్రకారును ఫ్యాన్స్‌ గా చేసుకుంది. సినిమా ఇండస్ట్రీలో ఎంతో ప్లానింగ్‌, పక్కా ప్రణాళికతో ముందుకెళ్తున్న తార నిధి అగర్వాల్‌. మున్నా మైఖేల్ అనే హిందీ సినిమాతో తన కెరీర్‌ ప్రారంభించింది. టైగర్‌ షార్ఫ్‌ సరసన నటించి మెప్పించిన ఈ భామ ఆ తర్వాత టాలీవుడ్‌లో అడుగుపెట్టింది. అక్కినేని నాగచైతన్య సవ్యసాచి సినిమాతో తెలుగు ప్రేక్షకులను పలకరించింది. పూరీ జగన్నాథ్‌- రామ్‌ కాంబోలో వచ్చిన ఇస్మార్ట్‌ శంకర్ సినిమాతో హీరోయిన్‌గా కెరీర్‌ని స్ట్రాంగ్‌ చేసుకుంది. తమిళ్‌ సినిమాల్లోనూ నటించి తన అదృష్టాన్ని పరీక్షించుకుంది. కోలీవుడ్‌లోనూ అభిమానులను సొంతం చేసుకుంది.
ఈ భామ తాజాగా ఓ ఇంటర్వ్యూలో పలు ఆసక్తికర విషయాలను పంచుకుంది. ఇండస్ట్రీ, తన కెరీర్‌కి సంబంధించి కొన్ని ఓపెన్‌ కామెంట్స్‌ కూడా చేసింది. అవి ప్రస్తుతం సోషల్ మీడియాలో వైరల్‌గా మారాయి. “ఇండస్ట్రీలో టాలెంట్‌ చూసి అవకాశాలు ఇచ్చేవారు చాలా తక్కువ మంది ఉంటారు. అందరూ హీరోయిన్‌ అందంగా ఉందా లేదా? అనేదే చూస్తారు. ప్రస్తుతం వస్తున్న సినిమాల్లో హీరోయిన్‌ పని గ్లామర్‌ షో చేయడమే. ప్రేక్షకులు కూడా థియేటర్లకు వచ్చేది కూడా గ్లామర్‌ కోసమే. అందుకే నేను కూడా గ్లామర్‌ షో చేసేందుకు వెనుకాడను, కాదని చెప్పను. ఎవరైనా డైరెక్టర్‌ పెద్ద హీరోల సినిమాల్లో అవకాశం ఇచ్చేందుకు వస్తే నేను రెమ్యూనరేషన్‌ కోసం డిమాండ్‌ చేయను. వాళ్లు ఎంత ఇస్తే అంత తీసుకుంటాను. కాకపోతే నా మినిమం అమౌంట్‌ ఇంత అని చెప్తాను. ఎందుకంటే పెద్ద హీరోతో సినిమా చేస్తే తర్వాత తప్పకుండా అవకాశాలు వస్తాయని నాకు తెలుసు” అంటూ నిధి అగర్వాల్‌ తన సక్సెస్‌ మంత్రాన్ని బయటపెట్టింది.
View this post on Instagram
ఇంక సినిమాల విషయానికి వస్తే.. నిధి అగర్వాల్‌ ప్రస్తుతం ఫుల్‌ జోష్‌లో ఉంది. పవన్‌ కల్యాణ్‌ సరసన హరిహర వీరమల్లు సినిమా చేస్తున్న విషయం తెలిసిందే. ఆ సినిమాలో నర్తకీ మణిగా కనిపించబోతోంది. పవన్‌ మూవీ వచ్చే మార్చ్‌ నెలలో విడుదల కానుందని చిత్రబృందం ప్రకటించింది. ఇంక తమిళంలో ఉదయనిధి స్టాలిన్‌తో కలగ తలైవన్‌ అనే సినిమాలో నటించబోతోంది. అంతేకాకుండా నిధి అగర్వాల్‌ ఇంకో బంపర్‌ ఆఫర్‌ కూడా కొట్టేసిందని చెబుతున్నారు. అదేంటంటే.. ప్రభాస్‌ తో కలిసి నటించే ఛాన్స్‌ ఈ అమ్మడుకు దక్కిందని తెలుస్తోంది. ప్రభాస్‌- మారుతి సినిమాలో మాళవిక మోహనన్‌, నిధి అగర్వాల్‌ హీరోయిన్లుగా ఫైనల్‌ అయినట్లు టాలీవుడ్‌ వర్గాల్లో టాక్‌ జోరుగా సాగుతోంది. అదే జరిగితే ఈ అమ్మడు త్వరలోనే స్టార్ హీరోయిన్‌ హోదాని పొందటం ఖాయంగా కనిపిస్తోంది.
View this post on Instagram
View this post on Instagram
View this post on Instagram
View this post on Instagram
View this post on Instagram
