follow us:
కుటుంబంలో ఒక్కరు మృతి చెందితేనే.. ఆ బాధ నుంచి బయటపడటానికి.. ఎంతో కాలం పడుతుంది.. అలాంటిది.. ఒకే ఏడాది.. నెలల వ్యవధిలో వరుసగా కుటుంబంలో ముగ్గురు మృతి చెందితే.. ఇక ఆ కుటుంబ సభ్యుల బాధ వర్ణణాతీతం. ప్రస్తుతం ఘట్టమనేని కుటుంబంలో ఇలాంటి పరిస్థితే నెలకొంది. ఏడాది వ్యవధిలోనే ఘట్టమనేని కుటుంబంలో ముగ్గురు సభ్యులు మృతి చెందారు. అన్న, తల్లి, తండ్రి మృతితో మహేష్ కుటుంబంలో తీవ్ర విషాదం నెలకొంది. ఈ ఏడాది ప్రారంభంలోనే అనగా జనవరి 8న మహేష్ బాబు కుటుంబంలో మొదటి విషాదం చోటు చేసుకుంది. ఆయన సోదరుడు రమేష్ బాబు.. లివర్‌ సంబంధిత వ్యాధితో కన్ను మూశారు. మహేష్ బాబుకు అన్నంటే అంతులేని అభిమానం. తనను నాన్నలా చూసుకునేవాడని పలు సందర్భాల్లో మహేష్ బాబు అన్న గురించి చెప్పుకొచ్చాడు. ఇక రమేష్ బాబు మృతి చెందిన సమయంలో మహేష్ బాబు కరోనా వల్ల క్వారంటైన్‌లో ఉన్నాడు. దాంతో కనీసం అంత్యక్రియలకు కూడా హాజరుకాలేని పరిస్థితి.
ఇక మహేష్ బాబు తల్లి ఇందిరా దేవి కూడా ఇదే ఏడాది కన్ను మూశారు. వయో సంబంధిత వ్యాధితో మహేష్ బాబు తల్లి ఇందిరా దేవి సెప్టెంబర్‌ 28న కన్నుమూశారు. తల్లి మరణం మహేష్ బాబునే కాక.. కృష్ణను కూడా బాగా కుంగదీసింది. తన కళ్ల ముందే పెద్ద కొడుకు రమేష్ మృతి చెందడం.. భార్య కూడా కన్నుమూయడంతో.. కృష్ణ ఎంతో కుంగిపోయారు.
ఇందిరా దేవి మృతి చెంది.. పట్టుమని రెండు నెలలు కూడా గడవకముందే.. కృష్ణ కూడా మృతి చెందారు. నవంబర్‌ 15 మంగళవారం ఉదయం నాలుగు గంటల సమయంలో ఆయన ఆస్పత్రిలో చికిత్స పొందుతూ కన్ను మూశారు. సోమవారం గుండెపోటు కారణంగా.. ఆస్పత్రిలో చేరిన కృష్ణకు డాక్టర్లు 20 నిమిషాల పాటు సీపీఆర్‌ చేసి.. ప్రాణాలు కాపాడారు. అయితే ఆయన పరిస్థితి విషమంగానే ఉందని.. 48 గంటలు గడిస్తే కానీ ఏం చెప్పలేమని వైద్యులు వెల్లడించారు. అన్నట్లుగానే మంగళవారం ఉదయం ఆయన కన్నుమూశారు.
ఇలా ఏడాది వ్యవధిలోనే మహేష్ బాబు ఇంట వరుసగా ముగ్గురు మృతి చెందడంతో.. ఘట్టమనేని కుటుంబంలో తీవ్ర విషాద ఛాయలు అలుముకున్నాయి. ఇందిరా దేవి సూపర్ స్టార్ కృష్ణకు స్వయానా మేనమామ కూతురు. సినిమాల్లోకి వచ్చిన కొన్ని రోజులకే ఇందిరా దేవిని పెళ్లి చేసుకున్నారు కృష్ణ దంపతులకు ఇద్దరు కొడుకులు, ముగ్గురు కూతుళ్లు సంతానం ఉన్నారు. కుమారులు రమేష్ బాబు, మహేష్ బాబు కాగా, ప్రియదర్శిని ఘట్టమనేని (సుధీర్ బాబు భార్య), మంజుల ఘట్టమనేని, పద్మావతి ఘట్టమనేని కుమార్తెలు. వీరిలో రమేష్ బాబు, మహేష్ బాబు, మంజుల సినీ పరిశ్రమలో రాణిస్తున్నారు.
💔💔💔💔 We lost Ghattamaneni Super Star Siva Rama Krishna garu 😭😭😭😭😭
you will remembered forever #Legend 😭😭
#RipSuperStarKrishna pic.twitter.com/aoV24mQvT1— SSMB Trends 🔔 (@SSMBTrends16) November 15, 2022
