follow us:
బుల్లితెర మీద మోస్ట్‌ పాపులర్‌ ఎంటర్‌టైన్‌మెంట్‌ షోగా నిలిచింది జబర్దస్త్. సుమారు పదేళ్లుగా ఈ షో ప్రేక్షకులను అలరిస్తోంది. జబర్దస్త్ సాధించుకున్న క్రేజ్‌ను దృష్టిలో పెట్టుకుని.. ఎక్స్‌ట్రా జబర్దస్త్ కూడా స్టార్ట్‌ చేశారు. ప్రస్తుతం ఈ రెండు షోలు టాప్‌ రేటింగ్స్‌తో దూసుకుపోతున్నాయి. ఈ షోలు ప్రేక్షకులకు ఎంటర్‌టైన్‌మెంట్‌ ఇవ్వడంతో పాటు.. ఎంతో మంది ప్రతిభావంతులను తెర మీదకు తీసుకువచ్చింది. హైపర్‌ ఆది, ఫైమా, సుడిగాలి సుధీర్, గెటప్‌ శ్రీను, చమ్మక్‌ చంద్ర వంటి వాళ్లకు ఈ షో లైఫ్‌ ఇచ్చిందని చెప్పవచ్చు. ఇక జబర్దస్త్ షో ప్రారంభంలో కేవలం మేల్‌ కమెడియన్లు మాత్రమే ఉండేవారు. ఆడవారి గెటప్‌లు కూడా వాళ్లే వేసేవారు. అయితే ప్రస్తుతం ట్రెండ్‌ మారింది. లేడీ కమెడియన్లు కూడా జబర్దస్త్, ఎక్స్‌ట్రా జబర్దస్త్ షోలలో లేడీస్‌ కూడా రాణిస్తూ.. లేడీ కమెడియన్లుగా గుర్తింపు పొందుతున్నారు. వీరిలో రోహిణి, ఫైమా, పవిత్రల పేర్లు ప్రధానంగా చెప్పవచ్చు.
అలాగే ‘జబర్దస్త్’లో ప్రేమ జంటలకు కూడా ఫుల్ క్రేజ్ ఉంటుంది. సుధీర్-రష్మీ జోడీకి ఎంత గుర్తింపు వచ్చిందో ప్రత్యేకంగా చెప్పాల్సిన పని లేదు. ఆ తర్వాత ఇమ్మాన్యూయేల్-వర్ష జంట కూడా ఆరేంజ్‌లోనే ఫేమస్‌ అయ్యింది. ఇలాంటి జంటల్లో కొందరు నిజ జీవితంలో పెళ్లిళ్ళు కూడా చేసుకుంటున్నారు. రాకింగ్‌ రాకేష్‌-సుజాత త్వరలోనే పెళ్లి చేసుకోబోతున్నట్లుగా ప్రకటించిన సంగతి తెలిసిందే. తాజాగా మరో జబర్దస్త్ జోడీ పెళ్లికి రెడీ అవుతోందట. ప్రస్తుతం ఇందుకు సంబంధించిన వీడియో వైరలవుతోంది. ఇంతకు పెళ్లి చేసుకోబోతున్న ఆ జంట ఎవరంటే.. పవిత్ర, తేజ. ఇదేంటి వీరిద్దరూ పెళ్లి చేసుకోవడం ఏంటి.. కనీసం ప్రేమలో ఉన్నట్లు ఎప్పుడు చెప్పలేదు కదా.. ఇంత సడెన్‌గా పెళ్లి ఏంటి అంటూ నెటిజనులు ఆశ్చర్యపోతున్నారు.
‘జబర్దస్త్’లో చిన్న కంటెస్టెంట్‌గా వచ్చి మంచి కమెడియన్స్‌గా గుర్తింపు తెచ్చుకున్నారు తేజ, పవిత్ర. షోలతో పాటు.. యూట్యూబ్‌లో చానెల్‌ ఒపెన్‌ చేసి.. వీడియోలు చేస్తూ.. ప్రేక్షకులను అలరిస్తుంది. కొన్ని రోజుల క్రితమే.. పవిత్ర తన ఇంటిని రినోవేట్‌ చేసిన వీడియోని షేర్‌ చేయగా.. అది తెగ వైరలయ్యింది. ఇక తాజాగా మా పెళ్లి షాపింగ్ పేరుతో మరో వీడియోని పోస్ట్‌ చేసింది పవిత్ర. దీనిలో ఆమెతో పాటు తేజ కూడా ఉండటంతో.. వీరిద్దరూ పెళ్లి చేసుకోబోతున్నారేమో అనుకున్నారు నెటిజనులు.
ఈ క్రమంలో వీరిద్దరూ కలిసి ఓ షాపింగ్ మాల్‌కు వెళ్తారు. ‘‘మాకు పెళ్లి కుదిరింది. అందుకే పెళ్లి చీరలు కోసం షాపింగ్ చేయడానికి వచ్చాం’’ అంటూ వీడియోని ప్రారంభిస్తారు. ఇక అక్కడ వీరు చేసిన కామెడీ అంతా ఇంతా కాదు. పవిత్రను టార్గెట్ చేసి.. వరుస పంచ్‌లు వేస్తూ తేజ చేసిన కామెడీ సూపర్‌.. అంతేకాక షాపింగ్ మాల్‌ సిబ్బందికి వీరికి మధ్య జరిగిన సంభాషణలు కూడా కామెడీగా సాగాయి.
తేజ ఎంత చిరాకు తెప్పించినా పవిత్ర మాత్రం.. షాపింగ్ పూర్తి చేసి.. తేజకు తెలియకుండా.. అతడి కార్డ్‌ నుంచే బిల్లు కట్టి.. రివేంజ్‌ తీర్చుకుంది. ఇక వీడియో చూసిన వారు నిజంగానే వీరిద్దరూ పెళ్లి చేసుకోబోతున్నారా ఏంటి అంటూ అనుమానం వ్యక్తం చేయసాగారు. అయితే ఈ వీడియో మొత్తం చూసిన తర్వాత వీరికి నిజంగా పెళ్లి ఫిక్స్ అవ్వ లేదని, ప్రమోషన్‌ వీడియో కోసం ఇలా పెళ్లి పేరుతో షాపింగ్ చేశారని అర్థం అవుతోంది. దీనిపై కొందరు విమర్శలు చేస్తున్నారు. పెళ్లిని ఎగతాళి చేయడం మీకు బాగా అలవాటయ్యింది అంటూ కామెంట్స్‌ చేస్తున్నారు.
