follow us:
నందమూరి నటసింహం బాలకృష్ణకున్న ఫ్యాన్‌ ఫాలోయింగ్‌ గురించి ప్రత్యేకంగా చెప్పక్కర్లేదు. చిన్నారులు మొదలు.. ముసలి వారు వరకు బాలయ్యకు అభిమానులు ఉన్నారు. ఆయన పేరు విపడితే చాలు.. పూనకంతో ఊగిపోతారు. బాలయ్య అనగానే భారీ యాక్షన్‌ సీన్లు, మాస్‌ డైలాగ్‌లు ఇవే గుర్తుకు వచ్చేవి కొన్నాళ్ల క్రితం వరకు. కానీ ఆహా ఓటీటీ వేదికలో ప్రసారం అయిన అన్‌స్టాపబుల్‌ షో కొత్త బాలయ్యను ప్రేక్షకులకు పరిచయం చేసింది. ఆయనలోని హ్యూమర్‌ యాంగిల్‌ని ప్రపంచానికి తెలియజేసింది. బాలకృష్ణ హోస్ట్‌గా షో అనగానే చాలా మంది.. ఆశ్చర్యపోయారు. ఆయన యాంకర్‌గా రాణించగలడా అని అనుమానం వ్యక్తం చేశారు. కానీ ప్రారంభం అయిన తర్వాత షో ఏ రేంజ్‌లో హిట్‌ అయ్యిందో ప్రత్యేకంగా చెప్పక్కర్లేదు. దేశవ్యాప్తంగా ఈ షోకి మంచి పేరు వచ్చింది. ప్రఖ్యాత ఐఎండీబీ( ఇంటర్నెట్ మూవీ డేటాబేస్) లో కూడా టాప్ రేటింగ్ నమోదు చేసిన తెలుగు షోగా రికార్డులు సృష్టించింది.
అనస్టాపబుల్‌ మొదటి సీజన్ సూపర్ సక్సెస్ అవ్వడంతో సీజన్ 2 ని మరింత గ్రాండ్‌గా ప్లాన్ చేస్తుంది ఆహా టీం. ఇక సీజన్ 1లో మహేష్ బాబు, అల్లు అర్జున్, రవితేజ, నాని, విజయ్ దేవరకొండ వంటి స్టార్లు పాల్గొన్నారు. సీజన్ 2కి కూడా మరికొందరు స్టార్‌ హీరో, హీరోయిన్లను తీసుకురావడానికి ఆహా టీం ప్రయత్నాలు చేస్తున్నట్లు తెలుస్తోంది. ఇప్పటికే సీజన్ 2లో మెగాస్టార్‌ చిరంజీవి, పవన్‌ కళ్యాణ్‌ పాల్గొంటారని టాక్‌ రాగా.. తాజాగా అన్‌స్టాపబుల్‌ సీజన్ 2కి సంబంధించి మరో క్రేజీ అప్డేట్‌ నెట్టింట వైరలవుతోంది. అదేంటంటే.. బాలయ్య షోలో అనుష్క పాల్గొనబోతున్నట్లు వార్తలు జోరుగా ప్రచారం అవుతున్నాయి.
టాలీవుడ్‌లో స్టార్‌ హీరోయిన్‌ క్రేజ్‌ సంపాదించుకుంది అనుష్క. అరుధంతి, బాహుబిలి రెండు పార్ట్స్‌లో కీలక పాత్రలో నటించి.. లేడీ సూపర్ స్టార్‌గా గుర్తింపు తెచ్చుకుంది. ప్రస్తుతం సినిమాలకు కాస్త బ్రేక్‌ ఇచ్చింది. దాంతో మీడియాకు దూరంగా ఉంటుంది. సినిమాల సంగతి ఎలా ఉన్నా సరే అనుష్కకు చాలా మంది ఫ్యాన్స్‌ ఉన్నారు. ఆమెకు సంబంధించిన చిన్న అప్డేట్‌ అయిన సరే నిమిషాల్లో వైరలవుతోంది. జేజేమ్మ క్రేజ్‌ను దృష్టిలో పెట్టుకుని.. ఆమెని అన్‌స్టాపబుల్‌ సీజన్ 2కి తీసుకువచ్చేందుకు ఆహా టీం విశ్వ ప్రయత్నాలు చేస్తున్నట్లు సమాచారం. మరి ఇంతకు అనుష్క ‘అన్ స్టాపబుల్’ లో పాల్గొనడానికి ఒప్పుకుంటుందా.. లేదా.. అనేది డౌటే. ఒకవేళ అనుష్క ఈ షోకి హాజరైతే మాత్రం ప్రేక్షకులకు పండగే అని చెప్పవచ్చు. మరి ఇంతకు అనుష్క అనస్టాపబుల్‌ షోకి వస్తుందా.. లేదా.. దీనిపై మీ అభిప్రాయాలను కామెంట్స్‌ రూపంలో తెలియజేయండి.
