గుత్తా జ్వాలకు భర్త విడాకులు? అసలు విషయం చెప్పిన హీరో

భార్యాభర్తలు అన్నాక మనస్పర్థలు రావడం, విడిపోవడం సహజమే. అప్పటి వరకూ కనిపించిన దంపతుల ఫోటోలు.. సడన్ గా సోషల్ మీడియా నుంచి మాయమైపోతాయి. సోలోగా తీయించుకున్న ఫోటోలు మాత్రమే వారి వారి ఖాతాల్లో ఉంటాయి. దీంతో సోషల్ మీడియా థియేటర్స్ లో ‘అవును వాళ్లిద్దరూ విడిపోయారు’ అనే సినిమా తెగ ఆడేస్తుంటుంది. విడిపోవడమే కాదు.. కొన్ని ట్వీట్స్, పోస్టులు చూసి కూడా నెటిజన్స్ ‘అవును వాళ్లిద్దరూ విడిపోతున్నారు’ అంటూ వార్తలు ప్రచారం చేస్తారు. తాజాగా కోలీవుడ్ హీరో విష్ణు విశాల్, బ్యాడ్మింటన్ ప్లేయర్ గుత్తా జ్వాల విషయంలో ఇదే జరిగింది. వీరిద్దరూ విడిపోతున్నారంటూ గత కొన్ని రోజులుగా సోషల్ మీడియాలో వార్తలు వస్తున్నాయి. దీనికి కారణం విష్ణు విశాల్ చేసిన ట్వీటే.

‘నేను ఎంతో ప్రయత్నించాను. కానీ ఓటమి చెందుతూనే ఉన్నాను. అయినా పర్లేదు. ఓటమి నుంచి గుణపాఠం నేర్చుకున్నాను. ఇదేమీ ఓటమి కాదు. పూర్తిగా నాదే తప్పు. అది ఒక మోసపూరిత ద్రోహం’ అంటూ లైఫ్ లైసెన్స్ హ్యాష్ ట్యాగ్ తో ఒక ట్వీట్ ని వదిలారు హీరో విష్ణు విశాల్. ఆ ట్వీట్ చూసి నెటిజన్స్ విడాకుల కథలు అల్లేశారు. విష్ణు, జ్వాల మధ్య ఏదో జరిగిందని.. విడాకులు తీసుకోబోతున్నారంటూ రూమర్లు సృష్టించారు. అయితే దీనిపై విష్ణు విశాల్ స్పందించారు. తన పాత ట్వీట్ ఉద్దేశం వేరే అని చెబుతూ ఒక ట్వీట్ చేశారు. కొన్ని రోజుల క్రితం తాను చేసిన ట్వీట్ ను చాలా తప్పుగా అర్థం చేసుకున్నారని, ఆ ట్వీట్ కేవలం తన వృత్తిపరంగా చేసిందని, వ్యక్తిగత జీవితం గురించి ట్వీట్ చేయలేదని అన్నారు.

ఎవరికైనా మనం ఇవ్వగలిగే ఒక పెద్ద బహుమతి నమ్మకం మాత్రమే అని, ఒకవేళ ఆ నమ్మకాన్ని ఇవ్వడంలో ఫెయిల్ ఐతే మనల్ని మనమే నిందించుకుంటాం అని, మన పట్ల మనం మరీ కఠినంగా ఉండకూడదని, అదే మునుపటి ట్వీట్ అర్థమని అన్నారు. మొత్తానికి గుత్తా జ్వాల, విష్ణు విశాల్ విడిపోతున్నరని వస్తున్న రూమర్లకు చెక్ పెడుతూ క్లారిటీ ఐతే ఇచ్చారు. ఇక విష్ణు విశాల్ ప్రస్తుతం లాల్ సలాం అనే సినిమాలో నటిస్తున్నారు. ఈ చిత్రంలో మరో హీరోగా విక్రాంత్ నటిస్తుండగా ఈ చిత్రాన్ని ఐశ్వర్య రజనీకాంత్ డైరెక్ట్ చేస్తున్నారు. కాగా ఈ సినిమాలో రజినీకాంత్ ముఖ్య పాత్రలో కనిపించబోతున్నారు. లైకా ప్రొడక్షన్స్ బ్యానర్ లో తెరకెక్కుతున్న ఈ సినిమాకి ఏఆర్ రెహమాన్ సంగీత దర్శకుడిగా పని చేస్తున్నారు. ఇక గుత్తా జ్వాల నితిన్ తో గుండెజారి గల్లంతయ్యిందే సినిమాలో ఒక పాటలో నర్తించిన విషయం తెలిసిందే.

Hey all
My tweeet few days back has been terribly misinterpreted..
It was on proffessional front n not personal at all..
The biggest gift that we give someone is TRUST
And when we fail we always blame ourselves..
We shudn be hard on ourselves
THATS ALL I MEANT
ALL IS WELL

— VISHNU VISHAL (VV) (@TheVishnuVishal) March 26, 2023