టాలీవుడ్ దర్శకుడు, నిర్మాత గుణశేఖర్ కుమార్తె నీలిమ గుణ వివాహ వేడుక అంగరంగ వైభవంగా జరిగింది. హైదరాబాద్ లోని ఫలక్ నుమా ప్యాలెస్ లో నీలిమ.. రవి ప్రఖ్యాల వివాహ వేడుక జరిగింది. ఈ వేడుకకు మెగాస్టార్ చిరంజీవి, అల్లు అరవింద్, మంత్రి తలసాని శ్రీనివాస్ యాదవ్ సహా పలువురు సినీ, రాజకీయ ప్రముఖులు హాజరై.. నూతన వధూవరులను ఆశీర్వదించారు. పెళ్లి వేడుకకు సంబంధించిన లైవ్ స్ట్రీమింగ్ ను గుణశేఖర్ యూట్యూబ్ ఛానల్ లో ప్రసారం చేశారు. ప్రస్తుతం ఈ వేడుకకు సంబంధించిన ఫోటోలు నెట్టింట వైరల్ అవుతుండగా.. నీలిమను పెళ్లాడిన వరుడు ఎవరు? ఆయన బ్యాక్ గ్రౌండ్ ఏంటి? ఆయన ఏం చేస్తారు? అని నెటిజన్లు సెర్చ్ చేయడం మొదలుపెట్టారు.
గుణశేఖర్ అల్లుడు హైదరాబాద్ కి చెందిన ప్రముఖ విద్యావేత్త, బిజినెస్ మేన్ కుమారుడు. శ్రీ శక్తి గ్రూప్ అధినేత డాక్టర్ రామకృష్ణ పింజల, సత్య పింజల కుమారుడు ఈ రవి ప్రఖ్యా. రామకృష్ణ పింజలకు హైదరాబాద్ లో పలు విద్యాసంస్థలు, వ్యాపార సంస్థలతో పాటు కోట్లాది రూపాయల ఆస్తులు ఉన్నాయి. తండ్రికి సంబంధించిన వ్యాపార సంస్థలు, విద్యాసంస్థల బాధ్యత రవి ప్రఖ్యపై ఉన్నట్లు తెలుస్తోంది. ఇక నీలిమ విషయానికొస్తే.. సినిమాలపై ఉన్న ఆసక్తితో తండ్రి బాటలోనే నిర్మాణ రంగంలో అడుగుపెట్టారు. అనుష్క లీడ్ రోల్ లో నటించిన రుద్రమదేవి సినిమాకి సహ నిర్మాతగా వ్యవహరించారు. ఇప్పుడు సమంత లీడ్ రోల్ లో నటిస్తున్న శాకుంతలం సినిమాకి నిర్మాతగా వ్యవహరిస్తున్నారు.
Director GunaseKhar’s Daughter Marriage – Gallery
#GunaseKhar https://t.co/rhAYT72rXN pic.twitter.com/wfEmGdU9XD
— Social News XYZ ® (@SocialNewsXYZ) December 2, 2022
