ఈ ఫోటోలో అబ్బాయిని గుర్తుపట్టారా? ఓ 15 ఏళ్ళ వయసు ఉంటుందేమో. ఓటు హక్కు రాని సమయంలో ఇండస్ట్రీలో అడుగుపెట్టి.. రికార్డులకు కేరాఫ్ అడ్రస్ గా నిలిచిన హీరో. చిన్న వయసులోనే వయసుకు మించిన కథలను చేసి శభాష్ అనిపించుకున్న హీరో. అప్పుడు ఫ్యాక్షన్, యాక్షన్ సినిమాలు చేసి.. ఇప్పుడు లవర్ బాయ్ పాత్రలు చేయడం అతనికే చెల్లింది. తెలుగు సినిమా ఇండస్ట్రీలో నటన, డ్యాన్స్, కామెడీ ఇలా అన్ని రకాల ఎమోషన్స్ ని పండించగల ఆల్ రౌండర్ గా పేరు తెచ్చుకున్న ప్రస్తుత తరం హీరో. మ్యాన్ ఆఫ్ మాసెస్ గా, బాక్సాఫీస్ కా బాప్ గా విపరీతమైన క్రేజ్ ఉన్నటువంటి హీరో. ఇతని సినిమా రిలీజ్ అయితే బాక్సాఫీస్ కడుపు నిండిపోతుంది. నటన చూసి అభిమానుల ఆకలి తీరిపోతుంది. ఎవరో ఐడియా వచ్చిందా?
వాచ్ లంటే చిన్నప్పటి నుంచి ఇష్టమే అనుకుంట. ఆ చేతికి వాచ్ చూశారా? వాచ్ లన్నా, బైక్ లన్నా బాగా ఇష్టం. అతను మరెవరో కాదు.. నందమూరి తారక రామారావు. ఇండస్ట్రీలో స్టూడెంట్ నంబర్ వన్.. అల్లరి రాముడు, థియేటర్ లో సీటీ కొట్టించగల సింహాద్రి, అభిమానుల మనసు దోచుకున్న యమదొంగ, ఏ పాత్ర అయినా అదుర్స్ అనిపించే నటుడు, బృందావనంలో కృష్ణుడు, బాక్సాఫిస్ బాద్ షా, టెంపర్ తోనూ మెప్పించగల సమర్థుడు.. వాట్ నాట్.. అతనొక ఆల్ రౌండర్. తెలుగు సినీ పరిశ్రమలో తన నటనతో తెలుగు వారి మనసులు గెలుచుకున్న యంగ్ టైగర్. ఈ పులికి ఆకలి ఎక్కువ. నటనకు ప్రాధాన్యత ఉన్న కథలను వేటాడడంలో దిట్ట. సింహాద్రి నుంచి మొన్న వచ్చిన ఆర్ఆర్ఆర్ వరకూ ఆ పులి వేట ఎలా ఉంటుందో చూసాం.
తెలుగు వాళ్ళు మాత్రమే చూసిన ఎన్టీఆర్ నట విశ్వరూపాన్ని.. ఆర్ఆర్ఆర్ సినిమాతో మొత్తం ప్రపంచమే చూసింది. ప్రపంచమే గొప్ప నటుడిగా ఎన్టీఆర్ ని కీర్తించింది. ఆస్కార్ పెర్ఫార్మెన్స్ అని అభిమానులు, సినీ ప్రముఖులు సైతం ప్రశంసించారు. అది తారక్ స్థాయి. అయినా గానీ ఒదిగి ఉండడం ఎన్టీఆర్ లక్షణం. ఎన్టీఆర్ ప్రస్తుతం కొరటాల శివ డైరెక్షన్ లో ఒకటి, ప్రశాంత్ నీల్ డైరెక్షన్ లో ఒకటి సినిమా చేస్తున్నారు. ఈ సినిమాలకు సంబంధించి అప్ డేట్స్ వచ్చేవరకూ ఎన్టీఆర్ పాత ఫోటోలు, సినిమా పోస్టర్లు చూసుకుంటూ కాలం గడుపుతుంటారు.
ఈ క్రమంలోనే ఎన్టీఆర్ పాత ఫోటోని ఒకటి సోషల్ మీడియాలో వైరల్ చేస్తున్నారు. సెలబ్రిటీలకు సంబంధించిన చైల్డ్ హుడ్ ఫోటోలు, త్రో బ్యాక్ ఫోటోలను అభిమానులు సోషల్ మీడియాలో షేర్ చేస్తుంటారు. ఈ క్రమంలో తారక్ కి సంబంధించిన రేర్ ఫోటో ఒకటి సోషల్ మీడియాలో వైరల్ అవుతోంది. వెరైటీ మ్యాగజైన్ చేసిన టాప్ 10 బెస్ట్ యాక్టర్ ప్రిడిక్షన్స్ ఫర్ ఆస్కార్స్ లో తారక్ 10వ స్థానంలో నిలవడం గర్వించతగ్గ విషయం. మరి దీనిపై మీ అభిప్రాయమేమిటో కామెంట్ చేయండి.
