follow us:
మెగాస్టార్ చిరంజీవి సినిమా వచ్చిందంటే చాలు థియేటర్లలో జాతరే. గత రెండు చిత్రాల విషయంలోని నిరాశపరిచిన ఆయన.. ఈసారి మాత్రం ఎలాంటి పొరపాటు చేయలేదు. దసరా పండగకు ‘గాడ్ ఫాదర్’గా వచ్చి బాక్సాఫీస్ ని షేక్ చేస్తున్నారు. కాసుల గలగల అంటే ఏంటో చూపిస్తున్నారు. పొలిటికల్ థ్రిల్లర్ గా తెరకెక్కిన ఈ సినిమా.. ఇప్పుడు అద్భుతమైన కలెక్షన్స్ సాధిస్తూ ముందుకెళ్తోంది. అందుకు తగ్గట్లే కోట్లకు కోట్ల వసూళ్లు వచ్చిపడుతున్నాయి. ప్రస్తుతం ఈ విషయం కాస్త ఇండస్ట్రీలో హాట్ టాపిక్ అయింది.
ఇక వివరాల్లోకి వెళ్తే.. చిరు తన సెకండ్ ఇన్నింగ్స్ ని ‘ఖైదీ నంబర్ 150’తో మొదలుపెట్టారు. గ్రాండ్ రీఎంట్రీ ఇచ్చారు. ఆ తర్వాత ‘సైరా’, ‘ఆచార్య’ చిత్రాలు చేశారు. అవి రెండు కూడా అభిమానుల్ని నిరాశపరిచాయి. దీంతో ‘లూసిఫర్’ రీమేక్ చేస్తున్నారనగానే ఎక్కడలేని డౌట్స్ వచ్చాయి. దానికి తోడు ప్రచారం కూడా పెద్దగా ఏం చేయలేదు. ఈ క్రమంలో ఫ్యాన్స్ తలో రకంగా ఆలోచించారు. బాస్ గ్రేస్ ముందు అవేవి అస్సలు ఆలోచనలోకి రాకుండా పోయాయి. బాస్ గర్జిస్తే బాక్సాఫీస్ ఎలా షేక్ అవుతుందో ‘గాడ్ ఫాదర్’ ప్రూవ్ చేసింది. కేవలం నాలుగు రోజుల్లోనే ప్రపంచవ్యాప్తంగా రూ.100 కోట్ల గ్రాస్ కలెక్షన్స్ సాధించింది. ఈ విషయాన్ని నిర్మాణ సంస్థ కొణిదెల ప్రొడక్షన్స్ ట్వీట్ చేసింది.
Megastar @KChiruTweets‘s domination at the Box Office 🔥
HUMONGOUS BLOCKBUSTER #GodFather crosses 100 CR gross and going strong❤️🔥
Book your tickets now!
–https://t.co/qO2RT7dqmM#BlockbusterGodfather@BeingSalmanKhan @jayam_mohanraja #Nayanthara @MusicThaman @ActorSatyaDev pic.twitter.com/40GWlz24Lk— Konidela Pro Company (@KonidelaPro) October 9, 2022
ఇదిలా ఉండగా మెగాస్టార్ చిరంజీవి హీరోగా చేసిన ఈ సినిమాలో సత్యదేవ్ విలన్ గా చేశాడు. నయనతార, మురళీశర్మ, సముద్రఖని తదితరులు కీలకపాత్రలు చేశారు. చాలారోజుల తర్వాత తెలుగులో సినిమా చేసిన దర్శకుడు మోహన్ రాజా.. గ్రాండ్ కమ్ బ్యాక్ ఇచ్చాడు. మెగా ఫ్యాన్స్ కాలర్ ఎగరేసుకునేలా చేశాడు. ఇక తమన్ బ్యాక్ గ్రౌండ్ మ్యూజిక్ కూడా చిరు సీన్స్ ని నెక్స్ట్ లెవల్లో ఎలివేట్ చేసింది. ఇందులో బాలీవుడ్ స్టార్ హీరో సల్మాన్ ఖాన్ కూడా అతిథి పాత్రలో కనిపించి తళుక్కున మెరిశాడు. ప్రస్తుతం నార్త్ లోనూ రోజురోజుకీ ‘గాడ్ ఫాదర్’ ఆడుతున్న థియేటర్ల సంఖ్య పెరుగుతుండటం విశేషం. సరే ఇదంతా పక్కనబెడితే ‘గాడ్ ఫాదర్’ కలెక్షన్స్ పై మీ అభిప్రాయాన్ని కామెంట్స్ లో పోస్ట్ చేయండి.
