క్యాస్టింగ్‌ కౌచ్‌పై ఇనయా ఒపెన్‌ కామెంట్స్‌.. ‘దానికి ఒప్పుకుంటే పెద్ద స్టార్‌ని అయ్యుండేదాన్ని’

మీటూ ఉద్యమం ద్వారా ఇండస్ట్రీలో తాము ఎదుర్కొన్న లైంగిక వేధింపుల గురించి ఎందరో నటీమణులు వెల్లడించారు. ఇప్పటికి కూడా ఇలాంటి వేధింపులు ఉన్నాయి. ఇండస్ట్రీలోకి వచ్చిన చాలా మందికి ఇలాంటి అనుభవాలు ఎదురవుతుంటాయి. తనకు కూడా ఇలాంటి పరిస్థితి ఎదురయ్యిందని.. ఇండస్ట్రీలోకి వచ్చిన కొత్తల్లో తనను కమిట్‌మెంట్‌ అడిగారని వెల్లడించింది బిగ్‌బాస్‌ సీజన్‌ 6 ఫేమ్ ఇనయా సుల్తానా. చివరి వరకు ప్రతి ఒక్క టాస్క్ లో గట్టి పోటీగా ఇస్తూ స్ట్రాంగ్ కంటెంట్ గా ఉన్నటువంటి ఇనయా.. 14వ వారం హౌస్ నుంచి ఎలిమినేట్ అయ్యారు. ఇలా బిగ్ బాస్ నుంచి బయటకు వచ్చిన తర్వాత పలు ఇంటర్వ్యూలకు ఈ బ్యూటీ హాజరవుతున్నారు. ఈక్రమంలోనే ఇండస్ట్రీలో ఉన్నటువంటి క్యాస్టింగ్ కౌచ్ గురించి సంచలన కామెంట్స్ చేశారు. ఆ వివరాలు..

బిగ్‌బాస్‌ హౌస్‌లో టాప్‌ కంటెస్టెంట్‌గా దూసుకెళ్లిన ఇనయ.. తప్పుకుండా టాప్‌ 5లో ఉంటుందని అందరు భావించారు. అయితే చివరి వారంలో ఎలిమినేట్ అయింది. బిగ్‌బాస్‌ కన్నా ముందు ఇనయా ఏవమ్‌ జగత్‌, బుజ్జీ ఇలా రా, నట రత్నాలు వంటి చిన్న సినిమాల్లో యాక్ట్‌ చేసింది. అయితే వాటి వల్ల రాని గుర్తింపు బిగ్‌ బాస్‌ ద్వారా సొంతం చేసుకుంది. ఇక ఆర్జీవీతో ఇనయా చేసిన డ్యాన్స్‌ వీడియో ఆమె పాపులారిటీని మరింత పెంచింది. ఆ సంగతి పక్కకు పెడితే.. ఇండస్ట్రీలో తనకు ఎదురైన చేదు అనుభవాల గురించి వెల్లడించింది ఇనయా.

ఈ సందర్భంగా ఇనయా మాట్లాడుతూ.. ‘‘ఇండస్ట్రీలో క్యాస్టింగ్‌ కౌచ్‌ లేదని నేను చెప్పను. ఉంది కానీ.. మనకు ఇష్టం లేకుండా బలవంతంగా మనతో ఏం చేయించలేరు. అలా నాకు చాలా ఆఫర్లు వచ్చాయి. కానీ నాకు అవసరం లేదనుకుని వదిలేసుకున్నాను. ఎవరు డైరెక్ట్‌గా అడగరు. కానీ వాళ్ల మాటలు వింటే మనకు అర్థం అవుతుంది. నన్ను కమిట్‌మెంట్‌ అడిగారు. ఒప్పుకుంటే ఈపాటికి స్టార్‌ హీరోయిన్‌ని అయ్యుండేదాన్ని. కానీ నేను నా సొంత.. టాలెంట్‌తో నటిగా ఎదగాలని నా కోరిక. చిన్న చిన్న ప్రాజెక్ట్స్‌ చేసుకుంటున్నాను. నేనేం ఫీలవ్వడం లేదు.. చాలా సంతోషంగా ఉన్నాను’ అని చెప్పుకొచ్చింది.

‘‘ఎలాంటి కమిట్‌మెంట్‌లు లేకుండా సినిమాలు చేసుకుంటున్నాను. అయితే చాలా మంది ఇండస్ట్రీలో ఉన్న వారంతా కమిట్‌మెంట్‌కు ఓకే చెబుతారని భావిస్తారు. కానీ అందరి విషయంలో అది నిజం కాదు. ఎలాంటి ప్రలోభాలకు లొంగకుండా ఇండస్ట్రీలో కొనసాగవచ్చని నేను నిరూపిస్తాను’’ అని ఇనయా చెప్పుకొచ్చింది.  మరి.. బిగ్ బాస్ హౌస్ నుంచి బయటకి వచ్చిన ఇనయాకి ముందు ముందు కెరీర్ ఎలా ఉండబోతుందో చూడాల్సి ఉంది. బిగ్ బాస్ ద్వారా వచ్చిన ఫేమ్ తో ఆమెకు బాగానే అవకాశాలు వస్తాయని సినీ విశ్లేషకులు అభిప్రాయం వ్యక్తం చేస్తున్నారు. అయితే తాజాగా ఇనయా సుల్తానా చేసిన ఈ  కామెంట్స్ పై మీ అభిప్రాయాలను కామెంట్స్ రూపంలో తెలియజేయండి.