follow us:
సెలబ్రిటీలకు సంబంధించిన వార్తలు, వారి వ్యక్తిగత జీవితాల మీద సామాన్యులకు విపరీతమైన ఆసక్తి ఉంటుంది. ఇక సోషల్‌ మీడియా వినియోగం పెరిగాక.. సెలబ్రిటీలు, అభిమానుల మధ్య దూరం తగ్గిందని చెప్పవచ్చు. అయితే ఈ సోషల్‌ మీడియా మాధ్యమాల వల్ల లాభం ఎంతుందో.. నష్టం కూడా అదే రేంజ్‌లో ఉంటుంది. మరీ ముఖ్యంగా కేటుగాళ్లు కొందరు సాంకేతికతను తప్పుడు పనుల కోసం వినియోగిస్తూ.. ఇతరుల పరువు, మర్యాద మంటగలిపే పనులు చేస్తుంటారు. ఇలాంటి బాధితుల్లో సామాన్యులు, సెలబ్రిటీలు అనే తేడా ఉండటం లేదు. తాజాగా ఓ హీరోయిన్‌కు ఇదే అనుభవం ఎదురయ్యింది.
భోజ్‌పురి బిగ్‌బాస్‌ ద్వారా ఫేమస్‌ అయ్యి.. ప్రస్తుతం హీరోయిన్‌గా మారిన అక్షరా సింగ్‌ పేరుతో వీడియో ఒకటి సోషల్‌ మీడియాలో వైరలయ్యింది. దీనిపై నెటిజనులు పెద్ద ఎత్తున ఆగ్రహం వ్యక్తం చేస్తున్నారు. ఈ క్రమంలో తాజాగా వీడియోపై స్పందించింది అక్షరా సింగ్‌. ఆ వీడియో తనది కాదని.. తన మీద కోపంతో ఎవరో మార్ఫ్‌ చేశారని పేర్కొన్నది. తనది కానీ వీడియో గురించి తాను ఎందుకు బాధపడాలని ప్రశ్నించింది.
ఈ సందర్భంగా అక్షరా సింగ్‌ మాట్లాడుతూ.. ‘‘నా ప్రైవేట్‌ వీడియో ఒకటి సోషల్‌ మీడియాలో వైరలవుతుంది అని తెలిసింది. కానీ అది నా వీడియో కాదు. ఎవరో కావాలనే నా ఫోటోను మార్ఫింగ్‌ చేసి చూపించారు. దీనిపై కొందరు నన్ను ట్రోల్‌ చేస్తూ.. విమర్శిస్తున్నారు. కానీ నాది కానీ వీడియో గురించి నేను ఎందుకు బాధపడాలి.. భయపడాలి. అసలు ఆ వీడియోను నేను చూడలేదు. ఆ అవసరం కూడా నాకు లేదు. నా మీద కోపంతో ఎవరో ఇలాంటి పనులు చేసి ఉంటారు. కానీ ఇలాంటి పనులు నన్ను బాధించలేవు.. భయపెట్టలేవు అంటూ ఘాటుగా రియాక్టయ్యింది అక్షరా. ఆమె రియాక్షన్‌ చేసి కొందరు నెటిజనులు ప్రశంసిస్తున్నారు. తప్పు చేయనప్పుడు భయపడాల్సిన అవసరం లేదు అంటున్నారు.
