రాష్ట్రంలోని నిరుద్యోగులకు తెలంగాణ ప్రభుత్వం వరుస పెట్టి శుభవార్తలు చెబుతోంది. ఇప్పటికే 9,168 గ్రూప్-4 ఉద్యోగాల భర్తీకి నోటిఫికేషన్ విడుదల చేసిన ప్రభుత్వం.. తాజాగా మరికొన్ని ఉద్యోగాల భర్తీకి గ్రీన్ సిగ్నల్ ఇచ్చింది. తెలంగాణలోని వివిధ ప్రాంతాల్లో కొత్తగా ఏర్పాటు చేసిన మెడికల్ కాలేజీల్లో 3,897 పోస్టులను భర్తీ చేసేందుకు తెలంగాణ ప్రభుత్వం సిద్ధంగా ఉంది. డైరెక్టర్ మెడికల్ ఎడ్యుకేషన్ కింద వివిధ కేటగిరీలలో ఉన్న 9 మెడికల్ కళాశాలలు, వాటి అనుబంధ ప్రభుత్వ ఆసుపత్రుల్లో 3,897 పోస్టులను భర్తీ చేసేందుకు ప్రభుత్వం సిద్ధంగా ఉంది. విభాగాల వారీగా ప్రొఫెసర్, అసోసియేట్ ప్రొఫెసర్, అసిస్టెంట్ ప్రొఫెసర్ వంటి పలు పోస్టుల భర్తీకి తెలంగాణ ప్రభుత్వం గ్రీన్ సిగ్నల్ ఇచ్చింది.
9 మెడికల్ కాలేజీలు, అలానే రాజన్న సిరిసిల్ల, కామారెడ్డి, వికారాబాద్, ఖమ్మం, కరీంనగర్, జయశంకర్ భూపాలపల్లి, కొమరం భీం ఆసిఫాబాద్, జనగామ, నిర్మల్ ప్రాంతాల్లో మెడికల్ కాలేజీలకు అనుబంధంగా ఉన్న ప్రభుత్వ ఆసుపత్రుల్లో ఉద్యోగాలను భర్తీ చేయనుంది. ఈ మేరకు అనుమతులు ఇస్తూ.. ఆర్థిక శాఖ ఉత్తర్వులు జారీ చేసింది. ఈ విషయాన్ని మంత్రి హరీష్ రావు ట్విట్టర్ వేదికగా వెల్లడించారు. ఆరోగ్య తెలంగాణ లక్ష్యంగా.. అందరికీ వైద్యం అందించాలన్న లక్ష్యంతో విజనరీ నాయకత్వం కలిగిన సీఎం కేసీఆర్ నేతృత్వంలోని ఈ ఉద్యోగాల భర్తీ నిర్ణయం తీసుకున్నారని మంత్రి హరీష్ రావు ట్విట్టర్ వేదికగా వెల్లడించారు.
ఇవి 9 మెడికల్ కాలేజీల్లో ప్రొఫెసర్, అసిస్టెంట్ ప్రొఫెసర్ వంటి పోస్టులకి సంబంధించిన వివరాలు. 9 మెడికల్ కాలేజీల్లో మొత్తం 405 పోస్టులు భర్తీ చేస్తుండగా.. ఇవి కాకుండా మెడికల్ కాలేజీల అనుబంధ ప్రభుత్వ ఆసుపత్రుల్లో మరిన్ని పోస్టులను భర్తీ చేయనుంది. మొత్తం మీద కొత్తగా 3,897 పోస్టులను ప్రభుత్వం సృష్టించింది. త్వరలోనే ఈ భర్తీకి సంబంధించిన నోటిఫికేషన్ విడుదల చేయనుంది. తెలంగాణ ప్రభుత్వం కొత్తగా మెడికల్ పోస్టుల భర్తీకి గ్రీన్ సిగ్నల్ ఇవ్వడంతో నిరుద్యోగులు సంతోషం వ్యక్తం చేస్తున్నారు.
Big Boost to #AarogyaTelangana, Under visionary leadership of #CMKCR garu to provide accessible Healthcare for all. TS Govt accorded sanction for creation of 3897 posts in various categories 9 Medical Colleges & attached Govt General Hospitals under Director Medical Education 1/2 pic.twitter.com/7Olsdoc1ae
— Harish Rao Thanneeru (@trsharish) December 1, 2022