Railway Jobs: రైల్వేలో ఉద్యోగాలు.. రాత పరీక్ష లేదు.. ఇంటర్వ్యూ ద్వారా అభ్యర్థుల ఎంపిక!

Railway Jobs: ప్రభుత్వ ఉద్యోగం తెచ్చుకోవాలని ప్రతిఒక్కరు కోరుకుంటారు. అందుకోసం ఏళ్లతరబడి కష్టపడుతుంటారు. నోటిఫికేషన్ పడిందంటే చాలు, కుప్పలు తెప్పలుగా అప్లికేషన్లు వస్తుంటాయి. ఇందులో విజయం సాధించేవారు కొందరైతే.. మరో నోటిఫికేషన్ కోసం ఎదురుచూసేవారు మరికొందరు. పోస్టుల సంఖ్య భారీగా ఉన్నప్పుడు అందరి కళ్లు, ఆ నోటిఫికేషన్ పైనే ఉంటుంది. అదే పోస్టుల సంఖ్య తక్కువుగా ఉంటే.. అప్లై చేసే వారి సంఖ్య తక్కువుగా ఉంటుంది. ఇలాంటి సమయంలో జాబ్ కొట్టడం చాలా సులభం. అందువల్లనే.. తక్కువ పోస్టులైనా ఖాళీల వివరాలను మీ ముందుంచుతున్నాం..

రైల్వే స్కూల్‌లో 22 టీచర్‌ పోస్టుల భర్తీకి సెంట్రల్ రైల్వే నోటిఫికేషన్ విడుదల చేసింది. ఈ పోస్టులకు ఎలాంటి రాత పరీక్ష లేదు. ఇంటర్వ్యూ ద్వారా అభ్యర్థుల ఎంపిక ఉంటుంది. అర్హత, ఆసక్తి గల అభ్యర్థులు నేరుగా ఇంటర్వ్యూకు హాజరుకావచ్చు. నోటిఫికేషన్ ప్రకారం.. వాక్-ఇన్ ఇంటర్వ్యూలు అక్టోబర్ 4న ఉదయం 10 నుండి సాయంత్రం 5 గంటల వరకు నిర్వహిస్తారు.

ముఖ్య వివరాలు:

మొత్తం ఖాళీలు : 22

విభాగాలు:

• పీజీటీ: 5 (కెమిస్ట్రీ, ఇంగ్లీష్, హిందీ, మ్యాథ్స్, ఎకనామిక్స్- ప్రతీ సబ్జెక్ట్ ఒక్కో పోస్టు చొప్పున..)
• టీజీటీ: 8 (సైన్స్ & మ్యాథ్స్ -1), (ఇంగ్లీష్ & SST – 6, హిందీ -1)
• పీఆర్‌టీ: 9 (మ్యూజిక్ -1, PTI -1, కౌన్సెలర్ -1, PTI -1, ఆర్ట్స్ & క్రాఫ్ట్ -1, ఇంగ్లీష్ -2, మ్యాథ్స్ -2,మరాఠీ- 1)

విద్యార్హతలు:

• పీజీటీ: సంబంధిత సబ్జెక్టులో NCERT ప్రాంతీయ విద్యలో రెండేళ్ల పోస్ట్ గ్రాడ్యుయేట్ (MSC) లేదా కనీసం 50% మార్కులతో గుర్తింపు పొందిన యూనివర్సిటీ నుండి పీజీ పూర్తి చేసి ఉండాలి. అంతే కాకుండా.. BEd లేదా తత్సమాన డిగ్రీ కలిగి ఉండాలి. హిందీ మరియు ఇంగ్లీషు మీడియం బోధనలో ప్రావీణ్యం ఉండాలి.
• టీజీటీ: గ్రాడ్యుయేట్ మరియు ఎలిమెంటరీ ఎడ్యుకేషన్‌లో 2 సంవత్సరాల డిప్లొమా లేదా కనీసం 50% మార్కులతో గ్రాడ్యుయేషన్ కలిగి ఉండాలి. దీనితో పాటు.. BEd /12th , BA/BSc లేదా BAEd/BSc కలిగి.. టెట్‌లో ఉత్తీర్ణులై ఉండాలి.
• పీఆర్‌టీ: డిప్లొమాతో 12వ తరగతి లేదా BEd తో 12వ తరగతి లేదా డిప్లొమా PRT సంగీతంలో గ్రాడ్యుయేషన్ ఉండాలి.
  ఆర్ట్స్ అండ్ క్రాఫ్ట్స్ పోస్టులకు- డిప్లొమా ఇన్ ఆర్ట్స్ అండ్ క్రాఫ్ట్స్ చేసి ఉండాలి.

వయోపరిమితి: నోటిఫికేషన్ జారీ చేసిన తేదీ నాటికి 18 మరియు 65 సంవత్సరాల మధ్య ఉండాలి.

జీతభత్యాలు:

• పీజీటీ – రూ. 27,500
• టీజీటీ – రూ. 26,250
• పీఆర్‌టీ – రూ. 21,250

ఇంటర్వ్యూ వేదిక: మహారాష్ట్రలోని DRM కార్యాలయం (భుసావల్‌)

• ఇదీ చదవండి: India Post Recruitment 2022 Notification: 8వ తరగతి అర్హతతో పోస్ట్ ఆఫీస్ ఉద్యోగాలు.. రూ. 60 వేలకు పైగా జీతం!
• ఇదీ చదవండి: SBI Recruitment 2022 Notification: డిగ్రీ అర్హతతో ఉద్యోగాలు.. 40 వేలకు పైగా జీతం!

More jobs News

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.