ప్లేఆఫ్స్​కు క్వాలిఫై అయ్యే టీమ్స్ ఇవే.. ఏయే జట్టుకు ఎంత ఛాన్స్ ఉందంటే..!

ఈ ఏడాది ఐపీఎల్​ రసవత్తరంగా సాగుతోంది. దాదాపు ప్రతి జట్టు 10 నుంచి 11 మ్యాచ్​లు ఆడేయడంతో ఏ టీమ్ ప్లేఆఫ్స్​కు చేరుతుందనేది ఆసక్తికరంగా మారింది. అయితే ఇన్ని మ్యాచ్​లు అయిపోయినా, ప్లేఆఫ్స్​కు ఏయే జట్లు చేరతాయనేది స్పష్టంగా చెప్పలేని పరిస్థితి. పాయింట్ల పట్టికలో టాప్​లో ఉన్న గుజరాత్ టైటాన్స్ (11 మ్యాచుల్లో 8 విజయాలు), రెండో పొజిషన్​లో ఉన్న చెన్నై సూపర్ కింగ్స్ (11 మ్యాచుల్లో 6 విజయాలు) సులువుగా ప్లేఆఫ్స్​లో చోటు సంపాదించేలా ఉన్నాయి. అయితే మిగిలిన రెండు పొజిషన్ల కోసం మాత్రం గట్టిపోటీనే ఎదురువుతోంది. ముంబై ఇండియన్స్ జట్టు​ (11 మ్యాచుల్లో 6 విజయాలు) పాయింట్ల పట్టికలో మూడో స్థానంలో ఉంది. లక్నో సూపర్ జెయింట్స్, రాజస్థాన్ రాయల్స్, కోల్​కతా నైట్ రైడర్స్, రాయల్ ఛాలెంజర్స్ బెంగళూరు, పంజాబ్ కింగ్స్ చెరో 11 మ్యాచులు ఆడి ఐదేసి విజయాలు సాధించాయి.

ప్లేఆఫ్స్​లో రెండు స్థానాల కోసం ఈ ఆరు జట్ల మధ్య తీవ్ర పోటీ నెలకొంది. ఈ నేపథ్యంలో ఏయే జట్ల ప్లేఆఫ్స్ ఛాన్సులు ఎంతమేర ఉన్నాయో తెలుసుకుందాం.. పాయింట్ల టేబుల్​లో టాప్​లో ఉన్న గుజరాత్​కు ప్లేఆఫ్ అవకాశాలు 99.7 శాతం ఉన్నాయని క్రికెట్ విశ్లేషకులు చెబుతున్నారు. టేబుల్​లో సెకండ్ పొజిసన్​లో ఉన్న చెన్నై ప్లేఆఫ్స్​కు చేరుకునేందుకు 82 శాతం అవకాశం ఉంది. ఆ తర్వాత ప్లేఆఫ్స్​లో నిలిచే ఛాన్స్ అధికంగా ఉన్న జట్లుగా ముంబై ఇండియన్స్​ (62 శాతం), లక్నో సూపర్ జెయింట్స్ (45 శాతం)ను క్రికెట్ అనలిస్టులు అంచనా వేస్తున్నారు. ఇక, రాజస్థాన్ (26 శాతం), కేకేఆర్ (24 శాతం), ఆర్సీబీ (23 శాతం) వరుస విజయాలు సాధిస్తూ నెట్ రన్​రేట్ మెరుగుపరుచుకుంటే తప్ప ప్లేఆఫ్స్​ రేసులో నిలిలే అవకాశాలు లేవని చెబుతున్నారు. పంజాబ్ (15 శాతం), ఎస్​ఆర్​హెచ్​ (13 శాతం), డీసీ (11 శాతం) జట్లు ఏదైనా అద్భుతం జరిగితే తప్ప ప్లేఆఫ్స్​కు చేరే సూచనలు కనిపించడం లేదు.

IPL 2023 Playoffs Chances:

GT – 99.7%.
CSK – 82%.
MI – 62%.
LSG – 45%.
RR – 26%.
KKR – 24%.
RCB – 23%.
PBKS – 15%.
SRH – 13%.
DC – 11%.

— Mufaddal Vohra (@mufaddal_vohra) May 9, 2023