గవాస్కర్‌- రాయుడు కోల్డ్ వార్! క్లారిటీ ఇచ్చిన రాయుడు!

క్రికెట్‌ ప్రేక్షకులకు అంబటి రాయుడు గురించి ప్రత్యేకంగా చెప్పాల్సిన అవసరం లేదు. తెలుగు ప్రేక్షకులకు అయితే అసలు పరిచయమే అక్కర్లేదు. టీమిండియాలో స్థానం కోల్పోయినా కూడా ఐపీఎల్ లో మాత్రం చెన్నై సూపర్ కింగ్స్‌ తరఫున ఇరగదీస్తున్నాడు. అయితే గత కొన్ని మ్యాచుల్లో మాత్రం అంబటి రాయుడు కాస్త పేలవంగా బ్యాటింగ్ చేస్తున్న విషయం తెలిసిందే. రాజస్థాన్ తో గత మ్యాచ్ లో తలపడినప్పుడు కూడా రాయుడు కేవలం 2 బంతులు మాత్రమే ఎదుర్కొని డకౌట్ గా పెవిలియన్ చేరాడు. ఆ సమయంలో గవాస్కర్ కామెంట్రీ చేస్తూ చెన్నై ఆటగాళ్లపై ఆగ్రహం వ్యక్తం చేశారు. అప్పటి నుంచి రాయుడు- గవాస్కర్ మధ్య కోల్డ్ వార్ నడుస్తోందని కామెంట్లు వినిపిస్తున్నాయి.

అసలు ఏం జరిగిందంటే.. రాజస్థాన్ జట్టు చెన్నైకి 203 పరుగుల టార్గెట్ ఇచ్చింది. ఆ మ్యాచ్ లో చెన్నై 32 పరుగుల తేడాతో ఓడిపోయింది. ఈ మ్యాచ్ లో అంబటి రాయుడు అవుటైన సమయంలో సునీల్ గవాస్కర్‌ కామెంటరీలో ఉన్నారు. బ్యాటు తీసుకుని మైదానంలోకి రావడం మాత్రమే కాదు.. బ్యాటింగ్ కూడా చేయాలి అంటూ కామెంట్ చేశారు. కానీ, ఇక్కడ అలా జరగడంలేదన్నారు. ఇప్పటికే పృథ్విషా పరుగులు చేయకుండా అవుటవ్వడం చూస్తున్నాం. ఇప్పుడు రాయుడు కూడా ఫేస్ చేసిన రెండో బంతికే డకౌట్ గా పెవిలియన్ చేరాడు అంటూ సన్నీ వ్యాఖ్యానించాడు. అయితే మ్యాచ్ తర్వాత అంబటి రాయుడు ఒక ట్వీట్‌ చేశాడు. అది సన్నీ కోసమే అంటూ నెట్టింట అభిప్రాయాలు వెల్లువెత్తాయి.

In life and sport ups and downs are a constant part. We need to be positive and keeping working hard and things will turn around.. results are not always a measure of our effort. So always keeping smiling and enjoy the process.. pic.twitter.com/1AYAALkGBM

— ATR (@RayuduAmbati) April 28, 2023

మ్యాచ్ తర్వాత అంబటి రాయుడు.. “జీవితమైనా ఆటైనా గెలుపోటములు సహజం. పరిస్థితులు ఎప్పుడూ మారుతూనే ఉంటాయి. అలాంటి సమయాల్లోనే మనం పాజిటివ్ గా ఆలోచించాలి. రిజల్ట్‌ అనేది మన ప్రయత్నానికి కొలమానం కాదు. ఎప్పుడూ కష్టపడుతూనే ఉండాలి” అంటూ ట్వీట్ చేశాడు. అది గవాస్కర్‌ కోసమే చేశాడంటూ ప్రచారం మొదలైంది. దానిపై రాయుడు క్లారిటీ ఇచ్చాడు. తాను ఆ ట్వీట్‌ చేసింది దిగ్గజ క్రికెటర్‌ గవాస్కర్‌ ని ఉద్దేశించి కాదంటూ చెప్పుకొచ్చాడు. తన ఫీల్డింగ్ విషయంలో సన్నీ అభిప్రాయాలను గౌరవిస్తానంటూ తెలిపాడు. కానీ, ఫీల్డింగ్ కి రావాలా? వద్దా? అనేది ప్లేయర్‌ డెసిషన్ తీసుకోలేడు అంటూ పోస్ట్ చేశాడు. అంబటి రాయుడు– గవాస్కర్ ని ఉద్దేశించి అనలేదు అని క్లారిటీ ఇచ్చినా కూడా. కొందరు మాత్రం కావాలనే రాయుడు అలా అన్నాడు అంటూ ప్రచారం చేస్తున్నారు.

What nonsense… my tweet has nothing to do with the great mr Gavaskars comments.. his opinions are well respected and in regards to my fielding . A player doesn’t decide if he wants to field or not.

— ATR (@RayuduAmbati) April 28, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.