IPL 2022 క్యూరేటర్లు, గ్రౌండ్‌మెన్లకు కూడా ప్రైజ్‌మనీ ప్రకటించిన బీసీసీఐ!

ఐపీఎల్‌ చరిత్రలో తొలిసారి క్యూరేటర్లు, గ్రౌండ్‌మెన్లకు కూడా బీసీసీఐ ప్రైజ్‌మనీ ప్రకటించింది. మొత్తం ఆరు వేదికల్లో పనిచేసిన గ్రౌండ్‌మెన్లు, క్యూరేటర్లకు భారీ నజరానా అందించనున్నట్లు బీసీసీఐ కార్యదర్శి జైషా ట్వీట్‌ చేశారు. గ్రౌండ్‌మెన్లు, క్యూరేటర్లను ‘అన్‌సంగ్ హీరోలు’గా పేర్కొంటూ సోమవారం ₹1.25 కోట్ల ప్రైజ్ మనీని వారికి అందించనున్నట్లు జైషా వెల్లడించారు. ‘టాటా ఐపీఎల్ 2022లో అత్యుత్తమ గేమ్‌లు అందించిన క్యూరేటర్లు, గ్రౌండ్స్ మెన్‌కు రూ.1.25 కోట్ల ప్రైజ్ మనీని ప్రకటించినందుకు నేను సంతోషిస్తున్నాను. ఈ సీజన్‌లో 6 స్టేడియాలను మ్యాచ్‌ల కోసం అద్భుతంగా తీర్చిదిద్దిన మా క్యూరేటర్లు, గ్రౌండ్స్‌మెన్ నిజంగా అన్ సంగ్ హీరోలు’ అని బీసీసీఐ ప్రధాన కార్యదర్శి జయ్ షా ట్వీట్‌లో తెలిపారు.’ ఈ ఐపీఎల్‌లో కొన్ని అత్యుత్తమ, ఉత్కంఠభరిత మ్యాచ్ లు చూశాం. అందుకు తగ్గ పిచ్‌లను రెడి చేసిన గ్రౌండ్స్ మెన్, క్యూరెటర్ల కృషికి నేను కృతజ్ఞతలు చెప్పాలనుకుంటున్నాను.

బ్రబౌర్న్, వాంఖడే, డివై పాటిల్, పూణేలోని ఎంసీఏ స్టేడియాల్లో ఒక్కో స్టేడియం గ్రౌండ్స్ మెన్, క్యూరేటర్లకు రూ.25 లక్షల చొప్పున నజరానా అందించడానికి సంతోషింస్తున్నాం. ఈడెన్ గార్డెన్స్, నరేంద్ర మోడీ స్టేడియాల్లో పనిచేసిన క్యూరేటర్లు, గ్రౌండ్స్ మెన్‌లకు 12.5లక్షల చొప్పున నజరానా అందిస్తాం.’ అని జైషా ట్వీట్లో పేర్కొన్నారు. తొలిసారిగా గ్రౌండ్స్‌మెన్‌లకు బీసీసీఐ భారీ ప్రోత్సాహకాలు ఇస్తోంది. ఇకపోతే ఐపీఎల్లో మొత్తం 70లీగ్ మ్యాచ్‌లు మహారాష్ట్రలోని నాలుగు వేదికలలో జరిగాయి. ముంబైలోని వాంఖడే స్టేడియం, బ్రబౌర్న్ స్టేడియం, నవీ ముంబైలోని డీవై పాటిల్ స్టేడియం, పూణేలోని మహారాష్ట్ర క్రికెట్ అసోసియేషన్ స్టేడియం లీగ్ మ్యాచ్‌లకు ఆతిథ్యం ఇచ్చాయి. కోల్‌కతాలోని ఈడెన్ గార్డెన్స్, అహ్మదాబాటైటిల్‌ను గుజరాత్ ద్‌లోని నరేంద్ర మోదీ స్టేడియంలో ప్లే ఆఫ్ మ్యాచ్‌లు జరిగాయి. తక్కువ వేదికలు, వరుస మ్యాచ్‌లు ఉండడంతో క్యూరేటర్లు, గ్రౌండ్‌మెన్లు నిర్విరామంగా పనిచేసి ఐపీఎల్‌ సాఫీగా అద్భుతంగా జరిగేందుకు ఎంతో కృషి చేశారు. అందుకే వారికి ఈ భారీ ప్రైజ్‌మనీతో కృత​జ్ఞతలు తెలిపింది బీసీసీఐ. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Hardik Pandya: రోహిత్ కెప్టెన్సీకి ఎసరు పెట్టిన హార్దిక్ పాండ్యా..!

I’m pleased to announce a prize money of INR 1.25 crores for the men who gave us the best games in #TATAIPL 2022. The unsung heroes – our curators and groundsmen across 6 IPL venues this season.

— Jay Shah (@JayShah) May 30, 2022

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.