Paytm నుంచి కొత్త పేమెంట్ ఆప్షన్.. ఇక నుంచి పిన్ లేకుండానే..!

నగదురహిత లావాదేవీలు దేశంలో ఎంతగానో పెరిగిపోయాయి. ఎలా అయితే లావాదేవీల కోసం నోట్లు లేకుండా డిజిటల్ చెల్లింపులు పెరగాలని కేంద్రం కోరుకుందో.. అలాగే డిజిటల్ చెల్లింపులు ఎంతగానో పెరిగిపోయాయి. అయితే ఇప్పుడు టీ షాప్ దగ్గర కూడా ఈ డిజిటల్ చెల్లింపులే చేస్తున్నారు. అంటే రోజులో ఏ చిన్న అవసరం ఉన్నా కూడా యూపీఐ చెల్లింపులే చేస్తున్నారు. అన్నిసార్లు పిన్ కొట్టడం అంటే కాస్త ఇబ్బందనే చెప్పాలి మరి. అందుకే ఇప్పుడు పేటిఎం ఒక కొత్త పేమెంట్ విధానాన్ని తీసుకొచ్చింది. కేవలం ఒక్క క్లిక్ తోనే మీరు పేమెంట్ చేయచ్చు. అయితే ఆ విధానం ఏంటి? పేమెంట్ ఎలా చేయాలి? ఎంత వరకు పేమెంట్ చేసేందుకు ఆస్కారం ఉంది అనే విషయాలు తెలుసుకుందాం.

పేటీఎం పేమెంట్స్ బ్యాంక్‌ ఒక కొత్త పేమెంట్ విధానాన్ని అందుబాటులోకి తీసుకొచ్చింది. నేషనల్ పేమెంట్స్ కార్పొరేషన్ సహాయంతో యూపీఐ లైట్ అనే పేమెంట్ విధానాన్ని తీసుకొచ్చింది. ఈ విధానం ద్వారా మీరు కేవలం ఒకే ఒక్క క్లిక్ తో డబ్బు పంపవచ్చు. అందుకు ఎలాంటి పిన్ ఎంటర్ చేయాల్సిన అవసరం లేదు. ఈ యూపీఐ లైట్ ద్వారా ఒకసారి గరిష్టంగా రూ.200 వరకు పంపవచ్చు. ఈ విధానాన్ని చిన్న మొత్తంలో చేసే చెల్లింపుల కోసమే ప్రత్యేకంగా ప్రవేశ పెట్టారు. ఈ యూపీఐ లైట్ వాలెట్ లో మీరు గరిష్టంగా రూ.2 వేలు యాడ్ చేసుకోవచ్చు. రోజులో రెండుసార్లు వాలెట్ లో నగదు యాడ్ చేయవచ్చు. ఒక రోజులో గరిష్టంగా మీరు రూ.4 వేలను ఈ యూపీఐ లైట్ ద్వారా చెల్లింపులు చేసేందుకు వీలుంటుంది.

ఈ లైట్ వల్ల మరో ముఖ్యమైన ఉపయోగం కూడా ఉంది. అదేంటంటే.. మీరు చేసే లావాదేవీలు మీ బ్యాంక్ ఖాతాలో కచ్చితంగా కనిపిస్తాయి. అయితే మీరు చేసే రూ.5, రూ.20, రూ.100 వంటి చిన్న లావాదేవీలు మీ ఖాతా పుస్తకంలో కనపడాలి అనుకోరు. దానివల్ల పాస్ బుక్ మొత్తం ఈ చిన్న చిన్న చెల్లింపులే ఉంటాయి. అయితే మీరు ఈ యూపీఐ లైట్ ని వాడటం వల్ల మీరు వాలెట్ నుంచి చెల్లింపులు చేస్తారు. మీ కోర్ బ్యాంక్ తో సంబంధం లేకుండా ఈ చెల్లింపులు జరుగుతాయి. ఇవి మీ బ్యాంక్ అకౌంట్ లో కూడా కనిపించవు. పైగా ఈ యూపీఐ లైట్ ద్వారా చెల్లింపులు కూడా ఫెయిల్ అవకాశం ఉండదని పేటీఎం చెబుతోంది. మరి.. ఈ యూపీఐ లైట్ అనేది వినియోగదారులకు ఉపయోగంగా ఉంటుందా? మీ అభిప్రాయాలను కామెంట్స్ రూపంలో తెలియజేయండి.

UPI Lite Launched :

Make payments of upto Rs.200 without entering UPI Pin using UPI Lite

For now it’s available for selected bank accounts like HDFC and selected UPI Apps like Paytm (Version 10.23.0)#UPILite pic.twitter.com/xJexnHn6S0

— TechGlare Deals (@Tech_glareOffl) February 20, 2023