follow us:
బిగ్ బాస్ తెలుగు సీజన్‌ 6.. నాలుగు వారాలు పూర్తి చేసుకుంటోంది. నాలుగో వారం కొత్త కెప్టెన్‌గా కీర్తీ భట్‌ ఛార్జ్‌ తీసుకుంది. హోటల్ వర్సెస్‌ హోటల్, పంచ్‌ పడుద్ది, బ్లాక్‌ బస్టర్‌ ఇలా మూడు లెవల్స్‌ లో ఈ కెప్టెన్సీ టాస్క్‌ సాగింది. ఈ టాస్కుల్లో అద్భుతమైన ప్రదర్శనతో కీర్తీ భట్‌ బిగ్ బాస్ హౌస్ కొత్త కెప్టెన్‌గా అవతరించింది. ఆదిరెడ్డి దగ్గరి నుంచి పగ్గాలు అందుకుని కెప్టెన్‌గా బాధ్యతలు ప్రారంభించింది. ఇంక మూడోవారంలో ఆదిరెడ్డి కెప్టెన్సీ విషయానికి వస్తే.. కామన్‌ మ్యాన్‌ నుంచి కంటెస్టెంట్‌గా, కంటెస్టెంట్‌ నుంచి కెప్టెన్‌ అయ్యాను, లవ్‌ యూ కవిత అంటూ ఎంతో ఎమోషనల్ అయిపోయాడు. మరి.. కెప్టెన్సీ విషయానికి వస్తే మాత్రం ఉడాల్‌ మామ ఢమాల్‌ అనిపించాడని టాక్‌ వచ్చింది. ఆదిరెడ్డి గేమ్‌ మైండ్‌తో కాకుండా మనసుతో ఆడుతున్నాడంటూ కామెంట్‌ చేస్తున్నారు.
కెప్టెన్సీ విషయానికి వస్తే.. ఆదిరెడ్డి హిట్‌ మాత్రం కాలేదనే చెప్పాలి. ఎందుకంటే ఆదిరెడ్డి పనులు చక్కగా చేయించాడేమో గానీ, పనిష్మెంట్ల విషయంలో మాత్రం తేలిపోయాడు. రేవంత్ అయితే నిద్రపోయి కూడా నేను పడుకున్నా అని ప్రూఫ్‌ ఏంటి అంటూ వాదించాడు. అంతేకాకుండా.. నిన్న చేసినదానికి ఇప్పుడు ఎందుకు పనిష్మెంట్‌ ఇస్తావ్? ఇలా ఆర్గూ చేసుకుంటూ పోయాడు. ఆదిరెడ్డి ఏమో టాస్క్‌ ఆడున్నారు.. అప్పుడు పనిష్మెంట్‌ అంటే ఎలా అని లైట్‌ తీసుకున్నాడు. ఆ పాయింట్‌నే రేవంత్ లేవనెత్తాడు. ఆ ఒక్కటే కాకుండా ఆదిరెడ్డి చాలా సందర్భాల్లో చూసీ చూడనట్లుగా వ్యవహరించాడు. అంతేకాదు.. అసలు కెప్టెన్‌ ఆదిరెడ్డినేనా అనే అనుమానం కూడా కలగక మానదు. అయితే ఇప్పుడు ఆ అతి మంచితనమే ఆదిరెడ్డికి క్లాస్‌ పీకేదాకా తీసుకెళ్లింది.
View this post on Instagram
విషయం ఏంటంటే.. హౌస్‌లో గత కొద్ది రోజులుగా ఆర్జే సూర్య- ఆరోహీల మధ్య ఏదో నడుస్తోంది. వాళ్లు ఊరికే తిట్టు కుంటున్నారు, తెగ ఏడ్చేస్తున్నారు. అయితే ఇటీవల తినే సమయంలో సూర్య- ఆరోహీకి గొడవ జరిగింది. ఆరోహీ తినకుండా ప్లేట్ తీసుకుని పక్కన పెట్టుకుంటుంది. ఏందుకు అని అడిగితే నేను తర్వాత తింటా అంటూ వెళ్లిపోతుంది. ఇంక కోపంతో ఊగిపోయిన సూర్య తినే తినే అన్నం తీసుకెళ్లి డస్ట్ బిన్‌లో పడేశాడు. ఆ విషయం నెగెటివ్ అవుతుందని ఆరోహి అనగా.. నేను తినేదేగా పడేశాను. నాకేగా ఆకలి అంటూ మాట్లాడాడు. అయితే ఆ విషయంపై నాగార్జున క్లాస్‌ పీకాడు. ఒక్క సూర్యాకే కాదు.. ఆదిరెడ్డికి కూడా పడింది. తినే విషయంలో నేను పనిష్మెంట్‌ ఇవ్వలేను.. తినడానికి సరిగ్గా తిండి లేదు అని చెప్పావ్. మరి.. సూర్యా అలాగ అన్నం పారేస్తుంటే కెప్టెన్‌గా ఉండి నువ్వు ఏం పీకుతున్నావ్? అంటూ నాగార్జున ఫుల్ ఫైర్‌ అయిపోయాడు. అయితే అందుకు ఏం సమాధానం చెప్పాలో అర్థంకాక ఆదిరెడ్డి అలా చూస్తూ ఉండిపోయాడు.
