follow us:
Viral Video: తమకు న్యాయం చేయాలంటూ ఓ ఇద్దరు లేడీ ఫిజికల్‌ ట్రైనింగ్‌ ఇన్‌ట్రక్టర్లు వినూత్న నిరసనకు దిగారు. ఏకంగా పెట్రోల్‌ బాటిల్‌తో వాటర్‌ ట్యాంకు ఎక్కారు. తమకు న్యాయం చేయాలంటూ ప్రభుత్వానికి వ్యతిరేకంగా నిరసన వ్యక్తం చేశారు. ఈ సంఘటన పంజాబ్‌లోని మొహాలిలో బుధవారం చోటుచేసుకుంది. వివరాల్లోకి వెళితే.. పంజాబ్‌లోని మొహాలికి చెందిన సిప్పీ శర్మ, ఆమె స్నేహితురాలు ప్రైవేట్‌ పాఠశాలలో ఫిజికల్‌ ట్రైనింగ్‌ ఇన్‌ట్రక్టర్లుగా పనిచేస్తున్నారు. ప్రభుత్వ స్కూళ్లలో జాబ్‌ కోసం ప్రయత్నిస్తున్నారు. గత సంవత్సరం ఉద్యోగాల కోసం వాటర్‌ ట్యాంక్‌ ఎక్కి నిరసన వ్యక్తం చేశారు.
ఈ నేపథ్యంలో గత కాంగ్రెస్‌ ప్రభుత్వం ఉద్యోగాలు తప్పకుండా ఇస్తామని హామీ ఇచ్చింది. అయితే, వారు ఆశించినట్లు ఏమీ జరగలేదు. తర్వాత కాంగ్రెస్‌ ప్రభుత్వం పోయి ఆప్‌ ప్రభుత్వం అధికారంలోకి వచ్చింది. ఎన్నికల సమయంలో ఆమ్‌ ఆద్మీ పార్టీ కూడా ఆ ఇద్దరికీ ప్రభుత్వ స్కూళ్లలో ఉద్యోగాలు ఇప్పిస్తామని హామీ ఇచ్చింది. కానీ, అలా జరగలేదు. నెలలు గడుస్తున్నా ఉద్యోగాల ఊసే లేకుండా పోయింది. దీంతో సిప్పీ శర్మ, ఆమె స్నేహితురాలు సహనం కోల్పోయారు. బుధవారం ఊర్లోని ట్యాంక్‌ ఎక్కి నిరసన వ్యక్తం చేశారు. వారి చేతిలో పెట్రోల్‌ బాటిల్‌ కూడా పెట్టుకున్నారు.
Mohali, Punjab | Demanding jobs as physical training instructors (PTI) in government schools for a year now, two teachers again climb a water tank protesting against the state government pic.twitter.com/iqVCZivTHA
— ANI (@ANI) October 5, 2022
ప్రభుత్వం నెలలు గడుస్తున్నా ఉద్యోగాల ఊసెత్తడం లేదని మండిపడ్డారు. తమకు వెంటనే ఉద్యోగాలు ఇప్పించాలని డిమాండ్‌ చేశారు. ఈ సందర్బంగా సిప్పీ మాట్లాడుతూ.. ‘‘ గత కాంగ్రెస్‌ ప్రభుత్వం మాకు జాబ్స్‌ ఇస్తామని హామీ ఇచ్చింది. కానీ, ఒక్క ఉద్యోగం కూడా ఇవ్వలేదు. అలాంటి సమయంలో అధికారంలోకి వస్తే ఉద్యోగాలు ఇస్తామని ఆప్‌ హామీ ఇచ్చింది. కానీ, అధికారంలోకి వచ్చి 7 నెలలు గడుస్తున్నా ఉద్యోగాల ఊసెత్తడం లేదు. మాకు తప్పుడు వాగ్ధానం చేశారు’’ అని పేర్కొన్నారు. ప్రస్తుతం వాటర్‌ ట్యాంక్‌పై పీటీఐ టీచర్ల నిరసనలకు సంబంధించిన వీడియో వైరల్‌గా మారింది.
Physical training instructor teacher Sippy Sharma says, “We were guaranteed jobs by previous Punjab govt, but never got one. At that time, AAP assured us of jobs, but even after 7months of AAP govt,still false assurance being given to us.”
(Source:Selfmade video by Sippy Sharma) pic.twitter.com/oM7aTJLdII
— ANI (@ANI) October 5, 2022
