follow us:
Viral Video: పెద్ద పెద్ద హోల్ సేల్ కిరాణా స్టోర్లకు మనం ఎందుకు పోతాం? అక్కడ తక్కువ ధరకు వస్తువులు దొరుకుతాయి కాబట్టి.. డబ్బులు ఆదా అవుతాయని భావించి వెళతాం. కానీ, అమెరికాలోని మిస్సోరికి చెందిన కొందరు.. కేవలం గొడవ పడటానికే స్టోర్కు వెళ్లినట్లు ఉన్నారు. డజన్ల కొద్ది ఉన్న వారు స్టోర్లో అలజడి సృష్టించారు. వీధి రౌడీల్లా కిందా మీదా పడి కొట్టుకున్నారు. గొడవ పడ్డవారిలో ఆడవాళ్లు, మగవాళ్లు ఇద్దరూ ఉన్నారు. ఈ సంఘటన మంగళవారం చోటుచేసుకోగా ఆలస్యంగా వెలుగుచూసింది. వివరాల్లోకి వెళితే.. మంగళవారం అమెరికా, మిస్సోరిలోని వాల్మార్ట్ స్టోర్కు దాదాపు 20 మంది ఉన్న ఓ గ్రూపు వెళ్లింది. అందులో ఆడ, మగ ఇద్దరూ ఉన్నారు. స్టోర్లో సరుకులు తీసుకుంటుండగా వారిలో వారికే గొడవ మొదలైంది. ఆ గొడవ చినికి,చినికి గాలివాన అయినట్లు పెద్దదైంది. దీంతో ఒకరిపై ఒకరు దారుణంగా దాడి చేసుకున్నారు.
కిందా, మీదా పడి కొట్టుకున్నారు. ఆడ, మగ అన్న తేడా లేకుండా అందరూ చావ చితకొట్టుకున్నారు. ఆఖరికి అక్కడే ఉన్న ఇనుప రాడ్లతో కూడా దాడి చేసుకున్నారు. ఇందుకు సంబంధించిన దృశ్యాలు సీసీ కెమెరాల్లో రికార్డయ్యాయి. ఆ వీడియో ఆధారంగా స్టోర్ నిర్వాహకులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు. వీడియో ఆధారంగా నిందితులను అదుపులోకి తీసుకోవటానికి ప్రయత్నాలు ముమ్మరం చేశారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్గా మారింది. వీడియో చూస్తున్న నెటిజన్లు వాల్మార్ట్ స్టోర్లో గొడవపడ్డ వారిపై ఆగ్రహం వ్యక్తం చేస్తున్నారు. పని,పాటా లేకుండా గొడవపడ్డానికే వచ్చినట్లు ఉన్నారంటూ మండిపడుతున్నారు.
A Walmart fight. Why is this behavior happening so frequently? Is it a result of being soft of crime? pic.twitter.com/n1IaUIwgqO
— Critical Thinck (@critical_thinck) October 12, 2022
