కార్పెంటర్ ప్రతిభ అదిరింది..! మడత పెట్టే వ్రత పీఠం.. ఫిదా అయిన మంత్రి కేటీఆర్

ప్రతిభ ఏ ఒక్కరి సొంతం కాదు. చదువుకుని డిగ్రీలు పుచ్చుకుని ప్రతిభను కనబరచడం పెద్ద విషయమేమీ కాదు. కానీ  ఎలాంటి డిగ్రీలు లేకుండా వారు చేసే వృత్తిపై అంకితభావంతో చాలా మంది అద్భుతాలు సృష్టిస్తారు. ఇంజనీర్లు తమ ఐడియాలతో కొత్త కొత్త ఆవిష్కరణలు ప్రవేశపెడతారు. కానీ సాధారణ జీవితాన్ని అనుభవించే వారు నిత్యజీవితంలో కావలసిన వాటిని తమకు అనుకూలంగా మలుచుకునేందుకు నూతన ఆవిష్కరణలు చేస్తుంటారు. తాజాగా ఓ కార్పెంటర్ సత్యనారాయణ వ్రతం కథ పీఠం తయారు చేశాడు. దానిని సూట్‌కేస్‌లా మడిచి తీసుకెళ్లే విధంగా చేశాడు. దానికి సంబంధించిన పూర్తి వివరాలను తెలుసుకుందాం..

ఓ కార్పెంటర్ ప్రతిభను తన వృత్తిలో నిరూపించుకున్నాడు. సాధారణంగా మన ఇళ్లలో జరిగే సత్యనారాయణ కథకు ఉపయోగించే పీఠం అందరికి తెలుసు. కానీ ఓ వడ్రంగి తన క్రియేటివిటీని ప్రదర్శించి సూట్‌కేస్‌లా మడత పెట్టే విధంగా తయారు చేశాడు. దీనికి సంబంధించిన వీడియోను ఓ వ్యక్తి ట్విట్టర్ లో షేర్ చేశాడు. అది కాస్త సోషల్ మీడియాలో చక్కర్లు కొడుతూ.. తెలంగాణ మంత్రి కేటీఆర్ కంటబడింది. దీనిని చూసి కేటీఆర్ ఫిదా అయ్యారు. ఈ వీడియోలో ఓ వ్యక్తి సూట్‌కేస్‌లా తీసుకువచ్చి ఒక్కొక్క భాగాన్ని సెట్ చేసి సత్యానారాయణ కథ పీఠం చాలా చక్కగా అమర్చాడు. దీనిని ఓ వ్యక్తి ట్వట్టర్ లో పోస్ట్ చేసి మంత్రి కేటీఆర్‌కు ట్యాగ్ చేశాడు. ఇంతటి వృత్తి నైపుణ్యం కలిగిన కార్పెంటర్‌కు ప్రభుత్వం తరపున సాయం అందించాలని మంత్రిని కోరారు.

వీడియో చూసిన నెటిజన్లు కార్పెంటర్ క్రియేటివిటీని మెచ్చుకుంటూ కామెంట్లు పెడుతున్నారు.  గ్రామాల్లో చాలామంది వృత్తి పనులు చేసుకుంటూ జీవించేవారు ఉన్నారు. వారికి చేయూతనందిస్తే మరింత ప్రతిభ కనబరిచే అవకాశం ఉంది.  ప్రభుత్వం తరపున వారికి చేయూతను అందివ్వాలని కోరుతున్నారు. దీంతో వారి నైపుణ్యాలను మెరుగుపరుచుకుంటారు.  ఇంకా బయటికి కనబడని ప్రతిభావంతులు ఎందరో ఉన్నారు.  వారికి సహకారం అందివ్వాలని అంటున్నారు.

Handicrafts Carpenter is a skill.If your Dear KTR @KTRBRS Sir Garu support them.They will do wonders @KTRoffice @TelanganaCMO (As if one could carry it in one hand) “Satyanarayana వ్రత పీఠం”🙏 pic.twitter.com/CQsFqZwjXp

— Ragula.Sampath❄ (@ragulasampath) August 13, 2023