follow us:
WWE: ప్రముఖ ఎంటర్‌టైన్‌మెంట్‌ షో WWE మాజీ మహిళా రెస్లర్‌ సారా లీ కన్నుమూశారు. ఈ విషయాన్ని సారా లీ తల్లి టెర్రీ ధ్రువీకరించారు. గురువారం ఆమె తన సోషల్‌ మీడియా వేదికగా ఓ పోస్టు పెట్టారు. ‘‘బరువెక్కిన గుండెలతో ఈ విషయాన్ని తెలియజేస్తున్నాను. నా కూతరు సారా వెస్టన్‌ దేవుడి దగ్గరకు వెళ్లిపోయింది. సారా ఆకష్మిక మరణంతో మేమంతా షాక్‌లో ఉన్నాము. ఇంకా అంత్యక్రియలకు ఏర్పాట్లు కూడా చేయలేదు’’ అని పేర్కొన్నారు. అయితే, సారా మరణానికి గల కారణాలను ఆమె వెల్లడించలేదు. ఇక, సారా మరణంపై డబ్ల్యూడబ్ల్యూఈ కూడా స్పందించింది. శుక్రవారం సారా మరణంపై ట్విటర్‌లో ఓ పోస్టు పెట్టింది. ‘‘ సారా లీ మరణించిందని తెలిసి డబ్ల్యూడబ్ల్యూఈ చింతిస్తోంది. ఆమె ‘‘టఫ్‌ ఎనఫ్‌’’ విన్నర్‌గా ఎంతో మందికి స్పూర్తిదాయకంగా నిలిచారు.
సారా లీ కుటుంబానికి, మిత్రులకు, అభిమానులకు డబ్ల్యూడబ్ల్యూఈ ప్రగాఢ సానుభూతి తెలియజేస్తోంది’’ అని పేర్కొంది. కాగా, సారా లీ 1992లో అమెరికాలోని, మిచిగాన్‌లో జన్మించారు. 2015లో డబ్ల్యూడబ్ల్యూఈలో రెస్లింగ్‌ కెరీన్‌ను ప్రారంభించారు. పలు రెస్లింగ్‌ కాంపిటీషన్స్‌లో పాల్గొన్నారు. కేవలం ఒక సంవత్సరం మాత్రమే డబ్ల్యూడబ్ల్యూఈలో ఉన్నారు. 2016లో డబ్ల్యూడబ్ల్యూఈ నుంచి బయటకు వచ్చారు. 2017లో మాజీ డబ్ల్యూడబ్ల్యూఈ రెస్లర్‌ వెస్లే బ్లేక్‌ను పెళ్లి చేసుకున్నారు. వీరికి ముగ్గురు సంతానం. 2022 అక్టోబర్‌ 6న ఆమె మరణించారు. అతి చిన్న వయసులోనే సారా ప్రాణాలు కోల్పోటం కుటుంబానికి తీరని లోటని చెప్పాలి. అభిమానులు సైతం ఆమె ఆకస్మిక మరణానికి చింతిస్తున్నారు. సోషల్‌ మీడియా వేదికగా సంతాపాన్ని తెలియజేస్తున్నారు.
WWE is saddened to learn of the passing of Sara Lee. As a former “Tough Enough” winner, Lee served as an inspiration to many in the sports-entertainment world. WWE offers its heartfelt condolences to her family, friends and fans. pic.twitter.com/jtjjnG52n7
— WWE (@WWE) October 7, 2022
