follow us:
రాజకీయ నాయకుల్లో చాలామందికి ప్రజల అవసరాలు తీర్చడం కంటే ఫొటోలు, కెమెరా మీద ప్రేమ ఎక్కువ. రాజకీయాలకు సంబంధించి కొన్ని ఫొటోలు చూస్తే మీకు ఈ విషయం అర్ధమైపోతుంది. ఇలాంటి ఫొటోల వల్ల వారే కొన్నిసార్లు చిక్కుల్లోనూ పడుతుంటారు. ఇప్పుడు పశ్చిమ బెంగాల్ గవర్నర్ కూడా అలానే చేశారు. కష్టపడి కప్పు గెలిచిన కెప్టెన్ నే అవమానించినంత పనిచేశారు. ఇప్పుడు ఈ విషయమే సోషల్ మీడియాలో వైరల్ గా మారింది.
ఇక వివరాల్లోకి వెళ్తే.. భారత్ ఆటంటే గుర్తొచ్చేది క్రికెట్ మాత్రమే. కానీ ఇది కాకుండా ఫుట్ బాల్, హాకీ, కబడ్డీ లాంటి ఆటల్లోనూ మనవాళ్లు సత్తా చూపిస్తుంటారు. తాజాగా కోల్ కతా సాల్ట్ లేక్ స్టేడియంలో దురంద్ కప్ ఫైనల్ మ్యాచ్ జరిగింది. ఇందులో ముంబయి ఎఫ్ సీ జట్టుని ఓడించిన బెంగళూరు ఎఫ్ సీ తొలిసారి ఈ టోర్నీ విజేతగా నిలిచింది. భారత జట్టుకు సారథ్యం వహిస్తున్న సునీల్ ఛెత్రి.. విజేతగా నిలిచిన బెంగళూరు జట్టుకు కెప్టెన్. ఇక మ్యాచ్ ముగిసిన తర్వాత పశ్చిమ బెంగాల గవర్నర్ లా.గణేశన్ చేతుల మీదుగా కప్పు అందుకున్నాడు. అప్పుడే జరిగిన ఓ విషయం వివాదానికి కారణమైంది.
Five seconds that show you everything that’s wrong with Indian sport. It’s seems that they won the Durand Cup, not Sunil Chhetri and Bengaluru FC! https://t.co/NdRsoKuKWK
— Joy Bhattacharjya (@joybhattacharj) September 19, 2022
ఈ ట్రోఫీ బహుకరణ కార్యక్రమంలో గణేశన్ తో పాటు పలువురు రాజకీయ నాయకులు పాల్గొన్నారు.వీరంతా కూడా ట్రోఫీని పట్టుకుని ఫొటోలు దిగేందుకు ఎగబడ్డారు. దీంతో గణేశన్, సునీల్ ఛెత్రి వెనకాలకు వెళ్లిపోయి, కెమెరాకు సరిగ్గా కనిపించలేదు. ఈ విషయాన్ని కెమెరామన్ చెప్పగా.. తన ముందున్న ఛెత్రిని పక్కకు తోసేందుకు ప్రయత్నించారు. ఈ వీడియో ఇప్పుడు దుమారమే రేపుతోంది. ఎందుకంటే పక్కకు జరగమనడంలో తప్పులేదు. కానీ దిగ్గజ ఫుట్ బాలర్ ని పట్టుకుని అలా పక్కకు తోసేయడంతో ఈ వివాదం కాస్త మొదలైంది.
భారత జట్టుకు కెప్టెన్ గా ముందుండి నడిపిస్తున్న సునీల్ ఛెత్రి.. ప్రపంచంలోనే అత్యధిక ఇంటర్నేషనల్ గోల్స్ చేసిన వారిలో సునీల్ ఛెత్రి రెండోవాడు. అలాంటి దిగ్గజ ఆటగాడితో ఇలా ప్రవర్తించడంపై నెటిజన్స్ కూడా తీవ్రంగా విమర్శిస్తున్నారు. అతడి ప్లేస్ లో సినిమా సెలబ్రిటీ, క్రికెటర్ ఉంటే ఇలాచేస్తారా అని కామెంట్స్ పెడుతున్నారు. ఇదిలాఉండగా ఈ విషయాన్ని లైట్ తీసుకున్న సునీల్ ఛెత్రి.. కప్పుతో తీసుకున్న ఫొటోలని ట్విట్టర్ పోస్ట్ చేసి ఆనందం వ్యక్తం చేశారు. మరి సునీల్ ఛెత్రిని గవర్నర్ పక్కకు తోసేయడంపై మీ అభిప్రాయాన్ని కామెంట్స్ లో పోస్ట్ చేయండి.
Two decades is a bit of a wait, but if it meant doing it in the blue of Bengaluru, then it was worth every season of trying. Durand Cup Champions – would have been a shame if an Army kid playing football professionally never had the chance to say this. 😉
Come on, BFC! pic.twitter.com/Uw6itY2JKJ— Sunil Chhetri (@chetrisunil11) September 18, 2022
ఇదీ చదవండి: కొట్టుకు చచ్చిన ఇండియా, ఆఫ్ఘనిస్తాన్ ఫుట్ బాల్ ఆటగాళ్లు.. వీడియో వైరల్!
