ఆ టైమ్ లో చాలా కార్లు అమ్మేశాను! విరాట్ కోహ్లీ ఆసక్తికర వ్యాఖ్యలు..

సాధారణంగా సెలబ్రిటీలు తమకు నచ్చిన వస్తువులను వెంటనే కొనుగోలు చేయడానికి ఎక్కువగా ఇష్టపడుతుంటారు. ఇక సెలబ్రిటీలకు నచ్చే వస్తువుల్లో ఎక్కువగా ఎలక్ట్రానిక్స్ తో పాటుగా ఖరీదైన కార్లు, బైకులే ఉంటాయి. ఇంట్లో అప్పటికే కార్లు ఉన్నాగానీ వారికి నచ్చితే చాలు మరికొన్ని కార్లను కొనడానికి ఆలోచించరు. ఇక టీమిండియా రన్ మెషిన్ విరాట్ కోహ్లీ గ్యారేజ్ లో పలు రకాల ఖరీదైన కార్లు ఉన్న సంగతి మనకు తెలిసిందే. అయితే ఒకానొక దశలో అందులోంచి కొన్ని కార్లను అమ్మాల్సి వచ్చిందని చెప్పుకొచ్చాడు. బోల్డ్ డైరీస్ పేరిట ఆర్సీబీ యాజమాన్యం ఓ వీడియోను తన సోషల్ మీడియాలో పోస్ట్ చేసింది. అయితే ఈ వీడియో ఎందుకు కార్లు అమ్మాల్సి వచ్చిందో చెప్పుకొచ్చాడు విరాట్ భాయ్.

విరాట్ కోహ్లీ.. వరల్డ్ క్రికెట్ లో ఈ పేరు తెలియని అభిమాను ఉండడు అంటే అతిశయోక్తి లేదు. అంతలా ప్రపంచ క్రికెట్ ను తన బ్యాట్ తో శాసిస్తున్నాడు. ప్రస్తుతం ఐపీఎల్ లో ఆర్సీబీ టీమ్ కు కప్ అందించే పనిలో బిజీగా ఉన్నాడు విరాట్. ఏకధాటికగా 15 సీజన్లు ఆర్సీబీ జట్టుకే ఆడుతూ అరుదైన ఘనత సాధించాడు కోహ్లీ. ఈ సీజన్ లో అయిన ఆర్సీబీకి ఐపీఎల్ టైటిల్ అందించాలని భావిస్తున్నాడు. ఈ క్రమంలోనే బోల్డ్ డైరీస్ పేరిట ఓ ఫోటో షూట్ లో పాల్గొన్నాడు కింగ్ కోహ్లీ. ఈ సందర్భంగా తన కార్లు అమ్ముకున్నాను అని, అయితే ఎందుకు కార్లు అమ్ముకోవాల్సి వచ్చిందో చెప్పుకొచ్చాడు.

మీరు చూడగానే కొని, వాటిని వాడకుండా ఉన్న వస్తువులు ఏవైనా ఉన్నాయా? అని యాంకర్ ప్రశ్నించగా.. విరాట్ ఈ విధంగా సమాధానం ఇచ్చాడు. “నేను చూడగానే కొన్న వస్తువుల్లో ఎక్కువగా కార్లే ఉన్నాయి. అయితే వాటిల్లో ప్రయాణించిన సందర్భాలు చాలా తక్కువ. అప్పుడే అనుకున్న ఇది కరెక్ట్ కాదని. దాంతో నా దగ్గర ఉన్న చాలా కార్లను అమ్మేశాను. ప్రస్తుతం నాకు అవసరం అనుకున్న కార్లనే నేను ఉంచుకున్నాను” అంటూ చెప్పుకొచ్చాడు. ఇక ఇదంతా నేను మానసికంగా స్ట్రాంగ్ అవ్వడం వల్లే సాధ్యమైందని కోహ్లీ అన్నాడు.

అదీకాక ప్రాక్టీకల్ కగా ఏది అవసరమో అది మనం తెలుసుకోవాలి అని ఈ సందర్భంగా పేర్కొన్నాడు. ఇక రోనాల్డో, ఫెదరర్, నువ్వు ఒకే టేబుల్ దగ్గర కూర్చుంటే నువ్వేం మాట్లాడతావు అని యాంకర్ ప్రశ్నించాడు. అప్పుడు నేను ఏమీ మాట్లాడను, వారు చెప్పేది నిశ్శబ్దంగా వింటాను. దిగ్గజ ఆటగాళ్లను కలవడం గొప్ప అద్భుతం దాంతో వారి మాటలు విన్నా నాకు సరిపోతుంది అంటూ తనదైన శైలిలో చెప్పుకొచ్చాడు ఈ రన్ మెషిన్.

Behind the Scenes with Virat Kohli at RCB Team Photoshoot

Current playlist, new tattoo, trump cards and more… Know more about the personal side of @imVKohli, on Bold Diaries.#PlayBold #ನಮ್ಮRCB #IPL2023 pic.twitter.com/nCatZhgFAQ

— Royal Challengers Bangalore (@RCBTweets) March 29, 2023