హీరోయిన్‌ను పెళ్లి చేసుకోవాలని కల కనడం ఏంటి.. పెళ్లి చేసుకోవడం ఏంటి. ఇది కోహ్లీకి కాబట్టి సరిపోయింది కానీ మీకూ నాకు అయ్యుంటే సరితూగేది కాదు. ఎదుకంటే మన కలలు అనంతం. మీరూ కలలు కనే ఉంటారు కానీ ఒప్పుకోరు. ఓసారి గుర్తు తెచ్చుకోండి.. ఈ హీరోయిన్‌ మన వశం అయితే ఎంత బాగుంటుందో అనుకున్న రోజులు ఉన్నాయో..? లేవో..?
‘విరాట్ కోహ్లీ..‘ క్రికెట్ ప్రపంచంలో ఈ పేరొక బ్రాండ్. అతడు ఏది చేసినా అది అభిమానులకు ఆనందాన్ని పంచేదే. మైదానంలో ఎప్పుడు చలాకీగా కనిపించే కోహ్లీతో అందరికీ నచ్చేది.. అతనిలోని అగ్రెసివ్‌నెస్. ప్రత్యర్థి జట్లను వణికించాలన్నా, తనను విమర్శించిన ఆటగాళ్లకు బుద్ధి చెప్పాలన్నా అది కోహ్లీకే సాటి. ఇన్నాళ్లు ఈ విషయం గురుంచి అనుమానాలు ఉన్నా, మొన్నటి ఐపీఎల్ మ్యాచులో గంభీర్ కి ఇచ్చిన కౌంటర్ తో ఎవరినీ వదలడని అర్థమైంది. ఈ విషయాలన్నీ కోహ్లీ క్రికెట్ ప్రపంచంలో రాణించాడు కనుక మనకు తెలిశాయి. మరి చిన్నప్పుడు కోహ్లీ ఎలా ఉండేవాడు..? అతని కోరికలు ఎలా ఉండేవి..? అన్నది ఇప్పుడు తెలుసుకుందాం..
బాలీవుట్‌ నటి అనుష్క శర్మతో ప్రేమలో పడ్డ విరాట్ కోహ్లీ.. నాలుగేళ్ళ డేటింగ్ అనంతరం ఆమెను మనువాడాడు. 2017, డిసెంబర్ లో ఇటలీలో అతి కొద్ది సమక్షంలో వీరి పెళ్లి జరిగింది. ప్రస్తుతం ఈ దంపతులకు ఓ చిన్నారి. పేరు.. ‘వామిక’. దేశంలో ఎంతో మంది అందమైన అమ్మాయిలు ఉండగా, కోహ్లీ ఒక నటిని ఎందుకు పెళ్లి చేసుకున్నాడు అన్నది ఇన్నాళ్లు ఎవరికీ తెలియని రహస్యం. హీరోయిన్‌ను మనువాడాలన్నది కోహ్లీ చిన్ననాటి కల అట. ఈ విషయాన్ని కోహ్లీ చిన్ననాటి స్నేహితుడైన షాలజ్ సోంధి తల్లి నేహా సోంధి చెప్పుకొచ్చారు. కోహ్లీ చిన్నప్పుడు ఎలా ఉండేవాడు..? అతని ఆలోచనలు ఎలా ఉండేవి..? ఇలా అన్ని విషయాలను ఆమె ఆర్‌సీబీ సోషల్‌ మీడియా విభాగంతో పంచుకున్నారు.
కోహ్లీ చిన్నప్పుడు చాలా హుషారుగా ఉండేవాడని.. ఎవరి మాటా వినేవాడు కాదని నేహా సోంధి తెలిపారు. అతడి ఆలోచనలు కూడా అందరిలా కాకుండా చాలా ఉన్నతంగా ఉండేవని ఆమె చెప్పుకొచ్చారు. అందుకు ఒక ఉదాహరణగా.. అప్పట్లో జరిగిన ఓ సంఘటనను ఆమె గుర్తు చేసుకున్నారు. “ఒక రోజు ఢిల్లీలోని మదన్‌లాల్ అకాడమీకి నేను, కోహ్లీ, షాలజ్ ముగ్గురం కలిసి వెళ్తున్నాం. అలా వెళ్లే దారిలో ఓ సినిమా పోస్టర్‌ కనిపించింది. అందులో ఒక హీరోయిన్‌ మంచి ఫోజులిస్తోంది. ఆ పోస్టర్‌ వైపు కోహ్లీ తదేకంగా చూస్తున్నాడు. కోహ్లీ అందులో ఏం చేస్తున్నావ్ అని నేను ప్రశ్నించగా.. ‘పెద్దయ్యాక నేను కూడా మంచి గుర్తింపు తెచ్చుకుంటాను. ఓ హీరోయిన్‌ను పెళ్లాడతాను అన్నాడు. అదృష్టం కొద్దీ అలాగే ఎదిగాడు. హీరోయిన్‌(అనుష్క శర్మ)నే పెళ్లి చేసుకున్నాడు..’ అంటూ నేహా సోంధి గుర్తు చేసుకున్నారు.
ఇక కోహ్లీ చిన్ననాటి కోచ్ రాజ్‌కుమార్‌ మాట్లాడుతూ..” కోహ్లీ చిన్ననాటి నుంచే దృఢ సంకల్పంతో ఉండేవాడని, అతని ఆలోచనలకు తగ్గట్లుగా చాలా కఠినంగా ప్రాక్టీస్‌ చేసేవాడని రాజ్‌కుమార్‌ శర్మ గుర్తు చేసుకున్నారు. “కోహ్లీ తొలి రోజు ఇక్కడకి తన తండ్రి, సోదరుడితో కలిసి వచ్చారు. అందరికంటే చాలా చురుగ్గా ఉండేవాడు. పట్టుదల ఎక్కువే. కొంటె చేష్టలు చాలా ఎక్కువే. ఈ విషయం అతడు అకాడమీలో చేరిన కొద్ది రోజులకే నాకు అర్థమైంది. ఏదైనా పూర్తిగా నేర్చుకునే దాకా వదిలిపెట్టేవాడు కాదు. నేను ఏదైనా చేయగలనన్న నమ్మకం, ఆత్మవిశ్వాసం కోహ్లీలో పుష్కలంగా ఉంటాయి. అదే అతనికున్న ప్లస్‌ పాయింట్‌. అంతెందుకు.. అకాడమీలో చేరిన తొలి రోజుల్లోనే ఇతర ఆటగాళ్లను డామినేట్‌ చేసేందుకు ప్రయత్నించేవాడు..’ అని రాజ్‌కుమార్‌ శర్మ చెప్పుకొచ్చారు. ప్రస్తుతం ఈ వీడియో నెట్టింట తెగ వైరలవుతోంది.
Stories from Virat Kohli’s childhood in Delhi
We met Virat’s first coach Rajkumar Sharma, childhood friend Shalaj & his mother, and they tell us beautiful unheard anecdotes from Virat’s early days as a budding cricketer in Delhi, on @HombaleFilms brings to you Bold Diaries.… pic.twitter.com/wzbpeoTxfu
— Royal Challengers Bangalore (@RCBTweets) May 5, 2023
