follow us:
వినోద్ కాంబ్లీ అంటే తెలియని క్రికెట్ అభిమాని ఉండరు. 1990 దశకంలో సచిన్ తో కలిసి వినోద్ కాంబ్లీ సృష్టించిన సంచలన రికార్డు అందరికి తెలిసిందే. భారత క్రికెట్ జట్టులోకి రాకముందే ఉత్తమ బ్యాట్స్ మెన్ గా వినోద్ కాంబ్లీ నిలిచాడు. టీమిండియా తరఫున ఆడిన సమయంలో సచిన్ కన్నా కాంబ్లీనే ఎక్కువ రికార్డులు సాధించాడు. వీరి గురువు రమాకాంత్ ఆచ్రేకర్ సైతం సచిన్ కన్నా కాంబ్లీనే ఎక్కువగా నమ్మేవారు. కానీ అనూహ్యంగా చెడు వ్యసనాలకు బానిసై క్రికెట్‌కు దూరమయ్యారు. ప్రస్తుతం 50 ఏళ్ల వయసులో క్రికెట్ క్లబ్‌కు వెళ్లడానికి ఛార్జీలకు డబ్బులు కూడా లేని దుస్థితిలో ఉన్నారు.
భారత్ క్రికెట్లో గొప్పగా కెరీర్ ను ఆరంభిన అతి తక్కువ మంది ఆటగాళ్లలో వినోద్ కాంబ్లీ ఒకరు. 1993లో అతడి బ్యాటింగ్ స్ట్రైక్ రేట్ 113. ఆ ఏడాదిలో అతడి టాప్ స్కోర్లు 223, 227. ఇదే తరహాలో కెరీర్ మొత్తం ఆడి ఉండుంటే.. సచిన్ లాగే కాంబ్లీ దిగ్గజ క్రికెటర్ అయ్యుండేవారు. కానీ సొంత తప్పిదాలతో చేజేతులు బంగారం లాంటి జీవితాన్ని నాశనం చేసుకున్నారు. ప్రస్తుతం కుటుంబాన్ని పోషించలేని దీనస్థితిలోకి కాంబ్లీ వెళ్లాడు. కాంబ్లీతో కలిసి కెరీర్ మొదలుపెట్టిన అతడి బాల్య మిత్రుడు సచిన్ టెండుల్కర్ మాత్రం ఇప్పుడు ఆర్థికంగానూ తిరుగులేని స్థితిలో ఉన్నాడు.
బీసీసీఐ ఇచ్చే రూ.30 వేల పెన్షన్‌ తో ముంబై మహానగరంలో కాంబ్లీ జీవితాన్ని వెళ్లదీస్తున్నాడు. కుటుంబ పోషణకు ఈ డబ్బులు సరిపోకపోవడంతో.. ఎక్కడైన కోచ్ ఉద్యోగం లభిస్తుందేమోనని ఎదురు చూస్తున్నాడు. క్రికెట్ కబ్ల్ వద్దకు వెళ్తేందుకు తన వద్ద డబ్బులు సైతం లేవు. వాటికోసం స్నేహితుల వద్ద చేతులు చాచాల్సిన పరిస్థితి లో ఉన్నాడు. “నా కుటుంబాన్ని నేను చూసుకోవాలి. నాతో ఏదైనా అవసరం ఉంటే.. నేను పని చేయడానికి సిద్ధంగా ఉన్నానని ఎంసీఏతో చెప్పాను. అది వాంఖడే స్టేడియమైనా, బీకేసీ అయినా ఫర్వాలేదు. ముంబై క్రికెట్ నాకెంతో ఇచ్చింది. నా జీవితాన్ని ఈ ఆటకు అంకితం చేశాను” అని కాంబ్లీ తెలిపాడు. వినోద్ కాంబ్లీ చివరిసారిగా 2019లో టీ20 ముంబై లీగ్ లోని ఓ జట్టుకు కోచ్ గా వ్యవహరించాడు.
యువ క్రికెటర్లతో కలిసి తాను పనిచేయాలని అనుకుంటున్నాని, కోచ్ ఉద్యోగం కోసం తాను ముంబై క్రికెట్ సంఘం సాయం కోరుతున్నానని కాంబ్లీ తెలిపాడు. చిన్ననాటి స్నేహితుడు సచిన్ కు తన ఆర్థిక పరిస్థితి అంత తెలుసని..కానీ అతడి నుంచి తానేం అశించడం లేదన్నాడు. సచిన్ తన అకాడమిలో కోచ్ గా ఉద్యోగం ఇచ్చాడని కాంబ్లీ పేర్కొన్నారు. సచిన్ చాలా మంచి మిత్రుడని, అతడు చాలా సార్లు అండగా నిలిచాడని కాంబ్లీ తెలిపాడు.మరి.. వినోద్ కాంబ్లీపై మీ అభిప్రాయాలను కామెంట్స్ రూపంలో తెలియజేయండి.
