follow us:
టీమిండియా మాజీ కెప్టెన్‌, రన్‌ మెషిన్‌ విరాట్ కోహ్లీకి దారుణమైన బ్యాడ్‌టైమ్‌ నడుస్తున్నట్లు కనిపిస్తుంది. మంచి నీళ్లు తాగినంత ఈజీగా సెంచరీల మీద సెంచరీలు బాదిన కోహ్లీ.. ప్రస్తుతం పరుగులు చేయలేక ఇ‍బ్బంది పడుతున్నాడు. టన్నుల కొద్ది రన్స్‌ కొట్టి టీమిండియాకు ఒంటిచేత్తో విజయాలు అందించిన వాడే ఇప్పుడు జట్టుకు భారంగా మారాడు. బ్యాటింగ్‌లో ఏ మాత్రం ప్రభావం చూపలేకపోతున్నాడు. అయినా కూడా కోహ్లీ దిగ్గజ ఆటగాడని అతని అభిమానులు, కొంతమంది మాజీ క్రికెటర్లు మద్దతు పలుకుతూ.. కోహ్లీ కమ్‌బ్యాక్‌ చేస్తాడంటూ సపోర్ట్‌ ఇస్తున్నారు.
కానీ.. ఇటివల ఇంగ్లండ్‌తో ముగిసిన మూడు వన్డేల సిరీస్‌లోనూ కోహ్లీ రెండు వన్డేల్లో ఆడి దారుణంగా విఫలం అయ్యాడు. దీంతో అతని విమర్శలు మరింత ఎక్కువయ్యాయి. అల్రెడీ కొన్ని నెలలుగా కోహ్లీపై క్రికెట్‌ అభిమానులు, కొంత మంది మాజీ క్రికెటర్లు విమర్శల వర్షం కురిపిస్తునే ఉన్నారు. ఈ నేపథ్యంలో ఇంగ్లండ్‌తో ఆదివారం ముగిసిన చివరి వన్డే తర్వాత కోహ్లీ తన అధికారిక ట్విట్టర్‌ అకౌంట్‌లో ఒక వీడియో పోస్టు చేశాడు. అదే కోహ్లీ చేసిన పాపం అయిపోయింది. ఆ వీడియోపై నెటిజన్లు దారుణంగా రియాక్ట్‌ అయ్యారు.
‘క్రికెట్‌ ఎలాగో సరిగా ఆడలేకపోతున్నావ్‌.. ఇగ నువ్వు ఇందుకే పనికొస్తావ్‌’ అంటూ దారుణంగా ట్రోల్‌ చేస్తున్నారు. నెటిజన్ల ఆగ్రహానికి కారణమైన ఆ వీడియోలో కోహ్లీ ఒక బట్టల బ్రాండ్‌ను ప్రమోట్‌ చేస్తున్నాడు. పైగా దాని గురించి రాసుకొచ్చిన లైన్స్‌ కూడా నెటిజన్లకు మరింత కోపం తెప్పించాయి. ‘వీఆర్‌వెల్‌మ్యాన్‌.. ఆట తాలుకు ఒత్తిడి మన మీద పడనివ్వం.. దానికి బదులుగా ఆటను మార్చుకుంటాం. నా కూపన్‌ కోడ్‌ నాన్‌స్టాప్‌తో కొనుగోలు చేస్తే స్పెషల్‌ ఆఫర్‌’’ అంటూ కోహ్లి ట్వీట్‌ చేశాడు.
అసలే ఫామ్‌లో లేని సమయంలో ఇలాంటి యాడ్‌లు అవసరమా అంటూ క్రికెట్‌ ఫ్యాన్స్‌ కోహ్లీపై ట్రోలింగ్‌కు దిగారు. కాగా ఆదివారం ఇంగ్లండ్‌తో జరిగిన మూడో వన్డేలోనూ కోహ్లి విఫలం కావడంతో ట్రోల్స్‌ మరింత ఎక్కువయ్యాయి. 22 బంతులు ఎదుర్కొని 17 పరుగులు మాత్రమే చేసి అవుట్‌ అయ్యాడు. దీనికి తోడు మ్యాచ్‌ జరిగిన మరుసటి రోజే కోహ్లీ ఈ యాడ్‌ వీడియో షేర్‌ చేసి.. ట్రోలర్స్‌కు మరింత పనిచెప్పాడు. మరి ఈ విషయంపై మీ అభిప్రాయాలను కామెంట్ల రూపంలో తెలియజేయండి.
#WeAreWellman and we don’t let the pressures of the game change us, we change the game instead.
Visit https://t.co/dgAZldfBkQ to claim your #Wellman at a special price from me!
Use Coupon Code “NONSTOP”#vitabiotics #wellmanvitamins #ad pic.twitter.com/daO5qddOut— Virat Kohli (@imVkohli) July 18, 2022
