ఆసియా కప్‌: పసికూన థాయ్‌ల్యాండ్‌ చేతిలో చిత్తుగా ఓడిన పాకిస్థాన్‌!

పసికూన థాయ్‌ల్యాండ్‌ సంచలనం నమోదు చేసింది. పటిష్టమైన పాకిస్థాన్‌ను చిత్తుగా ఓడించి.. ఉమెన్స్‌ ఆసియా కప్‌ 2022 టోర్నీలో తొలి విజయం సాధించింది. కాగా.. థాయ్‌ల్యాండ్‌ చేతలో ఘోర ఓటమితో పాకిస్థాన్‌ మహిళల క్రికెట్‌ జట్టు తీవ్ర విమర్శలు ఎదుర్కొంటుంది. పాక్‌ బ్యాటర్లలో అమీన్‌ హాఫ్‌ సెంచరీతో రాణించినా.. మిగతా బ్యాటర్ల దారుణంగా విఫలం అవ్వడంతో పాక్‌కు ఓటమి తప్పలేదు. బౌలింగ్‌లోనూ థాయ్‌ బ్యాటర్లను పాక్‌ బౌలింగ్‌ విభాగంగా పెద్దగా ఇబ్బంది పెట్టలేకపోయింది. ఒక మోస్తారు లక్ష్యాన్ని ఛేదించిన థాయ్‌ల్యాండ్‌.. ఉమెన్స్‌ క్రికెట్‌లో ఒక చరిత్రను లిఖించింది.

ఇక మ్యాచ్‌ విషయానికి వస్తే.. టాస్‌ గెలిచి తొలుత బ్యాటింగ్‌ చేసిన పాకిస్థాన్‌ నిర్ణీత 20 ఓవర్లలో 5 వికెట్లు కోల్పోయి 116 పరుగుల మాత్రమే చేసింది. ఓపెనర్‌ అమీన్‌ 64 బంతుల్లో 6 ఫోర్లతో 56 పరుగులు చేసి రాణించింది. థాయ్‌ బౌలర్లు కట్టుదిట్టమైన బౌలింగ్‌ వేయడంతో మిగతా పాక్‌ బ్యాటర్లు పెద్దగా స్కోర్‌ చేయలేకపోయారు. కెప్టెన్‌ మారుఫ్‌, ఆయేషా నసీమ్‌, సోహాలీ సింగిల్‌ డిజిట్‌కే పరిమితం అయ్యారు. థ్యాయ్‌లాండ్‌ బౌలర్లలో టిప్పొచ్‌ 4 ఓవర్లు వేసిన కేవలం 20 పరుగులు మాత్రమే ఇచ్చి 2 వికెట్లు పడగొట్టింది. పుత్తావోంగ్‌ కు ఒక వికెట్‌ దక్కింది.

117 పరుగుల స్వల్ప లక్ష్యఛేదనకు దిగిన థాయ్‌లాండ్‌కు ఓపెనర్లు మంచి స్టార్‌ ఇచ్చారు. ఓపెనర్‌ ఛాథమ్‌ 51 బంతుల్లో 5 ఫోర్లు, 2 సిక్సులతో 61 పరుగులు చేసి విజయంలో కీలక పాత్ర పోషించింది. చివర్లో వెంటవెంటనే వికెట్లు కోల్పోయి ఒత్తిడిలోకి వెళ్లినా.. రోసినాన్‌ 9 పరుగులు నాటౌట్‌, బోఛాథమ్‌ 3 నాటౌట్‌ థాయ్‌ల్యాండ్‌ను విజయ తీరాలకు చేర్చారు. పాక్‌ బౌలర్లలో నిదా దర్‌ 2, తబా హసన్‌ 2 వికెట్లు పడగొట్టగా.. కైనత్‌, సంధూ చెరో వికెట్‌ తీసుకున్నారు. హాఫ్‌ సెంచరీతో రాణించిన ఛాథమ్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది. ఈ విజయం థాయ్‌ల్యాండ్‌ టీమ్‌కు ఆసియా కప్‌లో ఎంతో బూస్ట్‌ ఇచ్చినట్లు అయింది.

Thailand creates history in the Women’s Asia Cup 2022 as they beat Pakistan women by four wickets.#PakistanWomen #ThailandWomen #WomensAsiaCup #CricketTwitter pic.twitter.com/pML4jnDbGI

— CricTracker (@Cricketracker) October 6, 2022

Thailand hold their nerve to register a four-wicket win in the final over 👀

They have beaten Pakistan for the first time in Women’s T20Is 👏#WomensAsiaCup2022 | Scorecard: https://t.co/5t6gEvjgSe pic.twitter.com/mLs0wB99vf

— ICC (@ICC) October 6, 2022

ఇది కూడా చదవండి: టీ20 రికార్డులన్నీ బద్దలు! 77 బంతుల్లో డబుల్‌ సెంచరీ చేసిన ‘హల్క్‌’