Suryakumar Yadav: ఆ షాట్‌తో సచిన్‌ను గుర్తుకు తెచ్చిన సూర్యకుమార్‌ యాదవ్‌!

టీమిండియా దిగ్గజ ఆటగాడు సచిన్‌ టెండూల్కర్‌ బ్యాటింగ్‌ స్టైల్‌ యువ క్రికెటర్లకు ఒక గ్రంధం. కచ్చితమైన క్రికెటింగ్‌ షాట్లు ఆడటంలో సచిన్‌ నంబర్‌వన్‌ ప్లేయర్‌. అలాగే డిఫరెంట్‌ షాట్లను కూడా పర్ఫెక్ట్‌ ఆడగాల సత్తా ఉన్న ఆటగాడు. సచిన్‌ కొట్టే స్ట్రేట్‌ డ్రైవ్‌ను అద్భుతంగా ఆడతాడో అదే రేంజ్‌లో అప్పర్‌కట్‌ను కూడా ఆడతాడు. సచిన్‌ అప్పర్‌కట్‌ ఆడుతుంటే చూసేందుకు రెండుకళ్లు సరిపోవు. అలాంటి షాట్‌ను మళ్లీ టీమిండియా యువ క్రికెటర్‌ సూర్యకుమార్‌ యాదవ్‌ ఆడాడు.

వెస్టిండీస్‌తో బుధవారం జరిగిన మూడో టీ20లో సూర్యకుమార్‌ యాదవ్‌ సూపర్‌ ఇన్నింగ్స్‌ ఆడాడు. అందులో భాగంగానే జోసెఫ్‌ వేసిన ఇన్నింగ్స్‌ 10వ ఓవర్‌ చివరి బంతిని అప్పర్‌ కట్‌ షాట్‌తో బౌండరీ కొట్టాడు. మొకాళ్లపై వెనక్కు వాలుతూ.. బంతి మీదకు వచ్చేంతవరకు ఎదురు చూసి.. కరెక్ట్‌ టైమ్‌లో జెస్ట్‌ అలా బ్యాట్‌ ఆనిచ్చాడు. అంతే కీపర్‌ పైనుంచి బంతి బౌండరీ లైన్‌కు పరుగు తీసింది. ఇక ఈ షాట్‌ చూసి క్రికెట్‌ అభిమానులు సచిన్‌ టెండూల్కర్‌ను మళ్లీ చూసినట్లు ఉందని సోషల్‌మీడియాలో పేర్కొంటున్నారు.

సచిన్‌ లాంటి దిగ్గజ ఆటగాడిని చూస్తూ పెరిగిన క్రికెటర్లు ఆయనలా ఆడాలని కలలు కంటారు. సూర్యకుమార్‌ యాదవ్‌ ఆ కలను నిజం చేసుకుంటున్నాడు. ఇక ఈ మ్యాచ్‌లో ఇక ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ నిర్ణీత 20 ఓవర్లలో 5 వికెట్ల నష్టానికి 164 పరుగులు చేసింది. ఓపెనర్‌ కైల్‌ మేయర్స్‌ 50 బంతుల్లో 8 ఫోర్లు, 4 సిక్స్‌లతో 73 రన్స్‌తో చెలరేగగా, బ్రాండన్‌ కింగ్‌ 20 బంతుల్లో 3 ఫోర్లతో 20 పరుగులు చేసి ఓపెనింగ్‌ వికెట్‌కు 57 పరుగులు జోడించి చక్కని ఆరంభాన్ని ఇచ్చారు.

తర్వాత కెప్టెన్‌ పూరన్‌ 23 బంతుల్లో 2 ఫోర్లు, 1 సిక్స్‌తో 22 పరుగుల చేయగా.. మేయర్స్‌ తన ధాటిని కొనసాగించాడు. చివర్లో రోవ్‌మన్‌ పావెల్‌ 14 బంతుల్లో 2 ఫోర్లు, 1 సిక్స్‌తో 23, హెట్‌మైర్‌ 12 బంతుల్లో 2 సిక్సర్లతో 20 పరుగులతో మెరుపులు మెరిపించడంతో భారత్‌ ముందు విండీస్‌ పోరాడే లక్ష్యాన్ని ఉంచింది. టీమిండియా బౌలర్లలో భువనేశ్వర్‌ 2, హార్దిక్‌ పాండ్యా, అర్షదీప్‌ చెరో వికెట్‌ తీశారు. 165 పరుగుల లక్ష్యాన్ని సరిగ్గా 19 ఓవర్లలో ఛేదించింది. 11 పరుగులు చేసిన రోహిత్‌ రిటైర్డ్‌ హర్ట్‌గా వెనుదిరిగాడు.

శ్రేయస్‌ అయ్యర్‌ 24 పరుగులతో పర్వాలేనిపించాడు. పాండ్యా 4 పరుగులు చేసి మరో సారి విఫలం అయ్యాడు. సూర్యకుమార్‌ యాదవ్‌ 74 పరుగులతో చెలరేగగా పంత్‌(33నాటౌట్‌), దీపక్‌ హుడా(10 నాటౌట్‌) విజయ లాంఛానాన్ని పూర్తి చేశారు. ఇక నాలుగో టీ20 శనివారం(ఆగస్టు 6న) జరగనుంది. మరి ఈ మ్యాచ్‌లో సూర్యకుమార్‌ యాదవ్‌ ఆడిన అప్పర్‌కట్‌ షాట్‌పై మీ అభిప్రాయాలను కామెంట్ల రూపంలో తెలియజేయండి.

This elegant knock from @surya_14kumar won India the game. Spectacular batting!

Watch all the action from the India tour of West Indies LIVE, exclusively on #FanCode 👉 https://t.co/RCdQk12YsM@BCCI @windiescricket #WIvIND #INDvsWIonFanCode #INDvsWI pic.twitter.com/Z7XHntlaFS

— FanCode (@FanCode) August 2, 2022