follow us:
గత కొంతకాలంగా పాకిస్థాన్ జట్టు దారుణంగా విఫలం అవుతూ వస్తోంది. టీ20 వరల్డ్ కప్, ఆసియా కప్ లో మంచి ప్రదర్శన కనబర్చినప్పటికీ.. సంప్రదాయమైన టెస్ట్ క్రికెట్ కు వచ్చే సరికి తేలిపోయింది. ఇంగ్లాండ్ తో జరిగిన టెస్ట్ సిరీస్ లో దారుణంగా ఓడిపోయింది పాక్. ప్రపంచ స్థాయి బౌలర్లుగా గుర్తింపు పొందిన పాక్ బౌలర్లను ఊచకోత కోశారు ఇంగ్లాండ్ బ్యాటర్. ఆ దెబ్బ నుంచి ఇంకా పాక్ కోలుకోలేదు. ప్రస్తుతం న్యూజిలాండ్ తో జరిగిన రెండు టెస్ట్ మ్యాచ్ ల్లో కూడా పాక్ జట్టు తేలిపోయింది. రెండు టెస్ట్ లను డ్రాగా ముగించుకుంది. ఈ రెండు టెస్టుల్లో హీరో ఎవరంటే సర్ఫరాజ్ అహ్మద్ అనే చెప్పాలి. ఇక దాదాపు 8 ఏళ్ల తర్వాత సెంచరీ నమోదు చేశాడు ఈ సీనియర్ బ్యాటర్. దాంతో భావోద్వేగానికి గురైంది సర్ఫరాజ్ భార్య. ప్రస్తుతం ఈ వీడియో వైరల్ గా మారింది.
సర్ఫరాజ్ అహ్మద్.. ప్రస్తుతం పాకిస్థాన్ జట్టులో హీరో. తన వీరోచిత పోరాటంతో న్యూజిలాండ్ తో జరిగిన చివరి టెస్ట్ ను డ్రాగా ముగించాడు. సర్ఫరాజ్ లేకపోతే.. ఈ మ్యాచ్ కచ్చితంగా పాక్ ఓడిపోయి ఉండేదే. 319 పరుగుల లక్ష్యంతో బరిలోకి దిగిన పాక్ ఐదవ రోజు ఆట ముగిసే సమయానికి 9 వికెట్లకు 304 పరుగులు చేసి విజయానికి కేవలం 15 పరుగుల దూరంలో నిలిచింది. అయితే ఒకానొక దశలో 0/2 ఓవర్ నైట్ స్కోర్ తో చివరి రోజు ఆటను ప్రారంభిచిన పాక్.. కివీస్ బౌలర్ల దాటికి ఓ దశలో 80 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఈ దశలో సౌద్ షకీల్ తో కలిసి ఇన్నింగ్స్ ను చక్కదిద్దాడు సర్ఫరాజ్. ఈ క్రమంలోనే 6వ వికెట్ కు వీరిద్దరు కలిసి 123 పరుగుల విలువైన భాగస్వామ్యాన్ని నెలకొల్పారు. అనంతరం 32 పరుగుల వ్యక్తిగత స్కోరు వద్ద సౌద్ షకీల్ బ్రాస్ వెల్ బౌలింగ్ లో అవుట్ అయ్యాడు. తర్వాత వచ్చిన ఆఘా ఖాన్(30) తో కలిసి 7వ వికెట్ కు 70 పరుగులు జోడించాడు సర్ఫరాజ్.
Sarfaraz scores a test century after 8 years
What a moment in NSK
His wife is crying pic.twitter.com/G2aVDO9ib2
— ٰImran Siddique (@imransiddique89) January 6, 2023
ఈ క్రమంలోనే 8 ఏళ్ల తర్వాత సెంచరీ నమోదు చేసుకున్నాడు. సుదీర్ఘకాలం కాలం తర్వాత సెంచరీ నమోదు చేయడంతో భావోద్వేగానికి గురైయ్యాడు సర్ఫరాజ్. ఇక భర్త సెంచరీ చూసి కన్నీరు పెట్టుకుంది సర్ఫరాజ్ భార్య. చాలా కాలంలో తర్వాత జట్టులో చోటు దక్కించుకోవడం, తాజాగా జరిగిన రెండు టెస్టుల్లోనూ అద్భుతంగా రాణించడం.. వీటితో పాటుగా 8 సంవత్సరాల తర్వాత సెంచరీ కొట్టడంతో ప్రత్యక్షంగా మ్యాచ్ ను వీక్షిస్తున్న భార్య కన్నీటి పర్యంతం అయ్యింది. సర్ఫరాజ్ కెరీర్ లో నాలుగో సెంచరీని నమోదు చేశాడు. ఈ మ్యాచ్ లో 176 బంతులు ఎదుర్కొని 9 ఫోర్లు, సిక్స్ తో 118 పరుగులు చేశాడు. సర్ఫరాజ్ కీలక ఇన్నింగ్స్ తో మ్యాచ్ డ్రాగా ముగిసింది. ఇక సర్ఫరాజ్ 9వ వికెట్ గా వెనుదిరిగి ఉండకపోతే.. కచ్చితంగా పాకిస్థాన్ గెలిచేదే అని క్రీడాభిమానులు కామెంట్స్ చేస్తున్నారు.
When life gives you another chance, grab it like Sarfaraz Ahmed! What a player 👏 #PAKvNZ pic.twitter.com/h8icazMuwZ
— Farid Khan (@_FaridKhan) January 6, 2023
HE’S DONE IT! 💯
A fourth-innings masterclass from @SarfarazA_54 as he brings up his 4️⃣th Test century 💪#PAKvNZ | #TayyariKiwiHai pic.twitter.com/Vmbh9Ti7zR
— Pakistan Cricket (@TheRealPCB) January 6, 2023
