follow us:
Sarfaraz Ahmed: క్రికెట్ అంటే ఒక విచిత్రమైన ఆట. ఈ ఆటలో ఎవరి దగ్గర ఎంతటి స్కిల్ ఉన్నా.. ఆ సమయానికి ఎవరు తమ బెస్ట్ ఇచ్చారు అన్న దాని మీదే విజయావకాశాలు ఆధారపడి ఉంటాయి. ఈ నేపథ్యంలో ఒక్కోసారి ఛాంపియన్ జట్లు కూడా పసికూనల చేతిలో ఓడిపోతుంటాయి. దిగ్గజ ఆటగాళ్లు కూడా అనామక బౌలర్లుకు తన వికెట్ సమర్పించేసుకుంటూ ఉంటారు. అయితే.. తాజాగా పాకిస్థాన్ మాజీ కెప్టెన్ సర్ఫరాజ్ అహ్మద్‌ కు వింత అనుభవం ఎదురైంది. తన 5 ఏళ్ళ కొడుకే అతనికి తలనొప్పులు తెచ్చి పెట్టాడు. ఆ వివరాల్లోకి వెళ్తే.. పాక్ మాజీ కెప్టెన్, వికెట్ కీపర్ సర్ఫరాజ్ అహ్మద్‌ ప్రస్తుతం ఫామ్ కోల్పోయి ఇబ్బందులు పడుతున్నాడు. ఒకప్పుడు “సర్ఫరాజ్ భాయ్ ఒక్క ఛాన్స్” అంటూ.. అతని చుట్టూ తిరిగిన వారంతా ఇప్పుడు పాకిస్థాన్ క్రికెట్ టీమ్ లో స్టార్స్ అయిపోయారు. ఇక రిజ్వాన్ రాకతో పాక్ టీమ్ కి సర్ఫరాజ్ అవసరం లేకుండా పోయింది. ఓ వైపు సర్ఫరాజ్ తన స్థాయికి తగ్గట్టు పరుగులు చేస్తున్నా.., రిజ్వాన్ లాంటి మోడరన్ ప్లేయర్ ముందు సర్ఫరాజ్ తేలిపోతూ వస్తున్నాడు.
దీంతో.. పాకిస్థాన్ క్రికెట్ ప్రేక్షకులు కూడా కీపర్ సర్ఫరాజ్ ని లైట్ తీసుకుంటూ వస్తున్నారు. పరిస్థితి ఇంత దారుణంగా ఉన్నప్పుడే సర్ఫరాజ్ 5 ఏళ్ళ కొడుకు అతనికి దిమ్మ తిరిగిపోయే పని చేశాడు. పాకిస్థాన్ లో క్రికెట్ కి మంచి క్రేజ్ ఉంటుంది. స్టార్ క్రికెటర్స్ ఎక్కడికి వెళ్లినా వారి చేత లైవ్ క్రికెట్ ఆడించడం అక్కడి ప్రజలకు అలవాటు. తాజాగా సర్ఫరాజ్ కూడా ఫ్యామిలీతో కలిసి పాకిస్థాన్ లోని ఓ లోకల్ ఛానెల్ కి ఇంటర్వ్యూ ఇచ్చాడు. ఆ సమయంలో సర్ఫరాజ్ ను తన కొడుకుతో కలిసి క్రికెట్ ఆడవల్సిందిగా కోరారు నిర్వాహకులు . దీంతో.. సర్ఫరాజ్ బ్యాట్ చేతబట్టగా, అతని 5 ఏళ్ళ కొడుకు అబ్దుల్లా బౌలింగ్ కు దిగాడు.
అంతా చూస్తుండగానే అబ్దుల్లా మెరుపు వేగంతో బంతి విసరగా.. సర్ఫరాజ్ ఆ బంతిని ఎదుర్కోలేక క్లీన్ బౌల్డ్ అయ్యాడు. ఇంత వరకు అంతా బాగానే ఉన్నా.. ఈ వీడియో వైరల్ కావడంతో సర్ఫరాజ్ పై విచిత్రంగా ట్రోల్స్ మొదలయ్యాయి. “5 ఏళ్ళ పిల్లాడి బౌలింగ్ ఆడలేక క్లీన్ బౌల్డ్ అయ్యావు. ఇంకా.. నీకు ఇంటర్నేషనల్ క్రికెట్ ఆడాలన్న ఆలోచన ఉందా? ఇక నువ్వు క్రికెట్ కు గుడ్ బై చెప్పి. నీ కొడుకుని ఓ స్టార్ బౌలర్ గా మార్చు” అంటూ నెటిజన్స్ ట్వీట్ చేయడం మొదలు పెట్టారు. అసలు తనని తాను నిరూపించుకోవాల్సిన క్లిష్ట స్థితిలో ఉన్న సర్ఫరాజ్ కు ఇలా కొడుకు అబ్దుల్లా సూపర్ స్పీడ్ బౌలింగ్ కొత్త తలనొప్పిగా తయారైంది అనమాట. మరి.. ఈ విషయంలో మీ అభిప్రాయాలను కామెంట్స్ రూపంలో తెలియజేయండి.
Shabash Beta Abba ki he wicket he ura di 👏👏🔥 @SarfarazA_54 pic.twitter.com/rpvdxcNUVv
— Thakur (@hassam_sajjad) June 20, 2022
ఇవి కూడా చదవండి : Ind Vs Eng: చరిత్ర సృష్టించడానికి అడుగు దూరంలో భారత్‌.. కానీ, ఆ నలుగురితోనే సవాలు!
