శాంసన్ పై సంగక్కర ప్రశంసలు! అతడు ఏ స్థానంలోనైనా ఆడగలడంటూ!

గత కొంతకాలంగా టీమిండియాలో మారుమ్రోగుతున్న పేరు సంజూ శాంసన్. అద్భుతమైన ఆట, నైపుణ్యం ఉన్నప్పటికీ.. జట్టులో తగినంతగా అవకాశాలు రావడంలేదు. దాంతో అతడి అభిమానులు సైతం శాంసన్ కోసం ఆందోళనలు చేపట్టారు. దాంతో కంటితుడుపుగా అడపాదడపా అవకాశాలు అయితే వచ్చాయి. కానీ శాంసన్ తన ఆటను నిరూపించుకునేన్ని అవకాశాలు మాత్రం రాలేదనే చెప్పాలి. ఈ నేపథ్యంలోనే సంజూ శాంసన్ పై ప్రశంల వర్షం కురిపించాడు శ్రీలంక దిగ్గజ బ్యాటర్, మాజీ ఆటగాడు కుమార సంగక్కర. అతడు ఏ స్థానంలోనైనా బ్యాటింగ్ చేయగల సమర్థుడు అంటూ కొనియాడాడు.

సంజూ శాంసన్.. అద్భుతమైన బ్యాటర్ అయినప్పటికీ.. అందుకు తగినట్లు అవకాశాలు రావట్లేదని ముద్ర పడిన ఆటగాడు. క్రికెట్ లో గొప్ప ఆటగాడికి ఉండాల్సిన అన్ని టెక్నిక్స్ సంజూలో ఉన్నాయి. అయినా కానీ అతడికి జట్టులో చోటు మాత్రం దక్కడం లేదు. దాంతో అతడి అభిమానులు.. సంజూకు జట్టులో చోటు కల్పించాలని ధర్నాలకు దిగి, పెద్ద కటౌట్ లను కూడా పెట్టడం జరిగింది. ఈ క్రమంలోనే సంజూ శాంసన్ పై ప్రశంసలు కురిపించాడు కుమార సంగక్కర. ప్రస్తుతం సంజూ శాంసన్ ఐపీఎల్ లో రాజస్థాన్ రాయల్స్ కు కెప్టెన్ గా వ్యవహరిస్తున్న సంగతి తెలిసిందే.

ఈ నేపథ్యంలోనే రాజస్థాన్ రాయల్స్ జట్టు కోచ్ కుమార సంగక్కర.. సంజూను పొగడ్తలతో ముంచెత్తాడు. ప్రముఖ స్పోర్ట్స్ ఛానల్ తో మాట్లాడుతూ..”సంజూ శాంసన్ లాంటి ఆటగాన్ని నేను ఇంత వరకు చూడలేదు. ఎందుకంటే.. అతడు ఎక్కడైనా, ఏ ప్లేస్ లోనైనా అలవోకగా బ్యాటింగ్ చేయగలడు. ఇలాంటి వాళ్లు క్రికెట్ లో చాలా అరుదుగా ఉంటారు. అతడికి బ్యాటింగ్ పొజిషన్ నెంబర్ తో పనిలేదు. ఎలా ఆడాము అన్నదే ముఖ్యం. నాకు తెలిసినంత వరకు ఇండియాలో ఇలాంటి బ్యాటర్ లేడు” అంటూ సంగక్కర కొనియాడాడు. ప్రస్తుతం సంగక్కర రాయల్స్ జట్టుకు కోచ్ గా వ్యవహరిస్తున్న సంగతి మనందరికి తెలిసిందే.

Where should Sanju Samson bat for India in 2023?#IndianCricketTeam | @KumarSanga2 | @IamSanjuSamson pic.twitter.com/lcdpEhwjZb

— CricTracker (@Cricketracker) January 2, 2023