వాస్తవాలు చూపించాలి! స్టార్‌ స్పోర్ట్స్‌పై రోహిత్‌ శర్మ ఆగ్రహం

టీమిండియా కెప్టెన్‌ రోహిత్‌ శర్మ ప్రముఖ బ్రాడ్‌కాస్టింగ్‌ సంస్థ స్టార్‌ స్పోర్ట్స్‌పై ఆగ్రహం వ్యక్తం చేశాడు. తాను మూడు సంవత్సరాల తర్వాత సెంచరీ చేశానంటూ.. పదే పదే చూపించడంపై అసహనం వ్యక్తం చేస్తూ.. వాస్తవాలు చూపించాలంటూ పేర్కొన్నాడు. న్యూజిలాండ్‌తో మంగళవారం జరిగిన చివరిదైన మూడో వన్డే తర్వాత రోహిత్‌ ఈ విధమైన వ్యాఖ్యలు చేశాడు. ఈ మ్యాచ్‌లో రోహిత్‌ శర్మ సెంచరీతో చెలరేగడంతో పాటు.. టీమిండియా సైతం భారీ స్కోర్‌ సాధించి.. 90 పరుగుల తేడాతో విజయం సాధించింది. దీంతో మూడు వన్డేల సిరీస్‌లో న్యూజిలాండ్‌ను క్లీన్‌స్వీప్‌ చేసింది టీమిండియా. ఈ మ్యాచ్‌లో ఓపెనర్లు రోహిత్‌ శర్మ, శుబ్‌మన్‌ గిల్‌ సెంచరీలు సాధించారు. అయితే.. చాలా కాలంగా వన్డే ఫార్మాట్‌లో రోహిత్‌ శర్మ సెంచరీ చేయలేదు. దాదాపు 1100 తర్వాత మళ్లీ ఇప్పుడు సెంచరీ బాదాడు. 2020లో ఆస్ట్రేలియాతో జరిగిన వన్డే మ్యాచ్‌లో సెంచరీ చేసిన రోహిత్‌.. ఇంత గ్యాప్‌ తర్వాత సెంచరీ సాధించాడు.

రోహిత్‌ అభిమానులతో క్రికెట్‌ ఫ్యాన్స్‌ సైతం హిట్‌మ్యాన్‌ సెంచరీ కోసం చాలా కాలంగా ఎదురుచూస్తున్నారు. రోహిత్‌ సైతం సెంచరీకి దగ్గరగా వచ్చి కూడా కొన్ని సార్లు అవుట్‌ అయ్యాడు. దీంతో.. మంగళవారం చాలా రోజులుగా ఊరిస్తున్న సెంచరీ రావడంతో అంతా సంతోషం వ్యక్తం చేశారు. అయితే.. రోహిత్‌ మూడేళ్ల తర్వాత సెంచరీ చేశాడనే విషయాన్ని నిన్నటి మ్యాచ్‌ను ప్రత్యక్షప్రసారం చేసిన ప్రముఖ బ్రాడ్‌కాస్టింగ్‌ సంస్థ స్టార్‌ స్పోర్ట్స్‌ చూపించింది. సెంచరీ చేసిన వెంటనే అవుటై.. పెవిలియన్‌కు వచ్చి కూర్చున్న రోహిత్‌.. టీవీలో వస్తున్న లైవ్‌ను చూసి.. తాను సెంచరీ చేసి విషయం పక్కన పెట్టి మూడేళ్ల తర్వాత మూడేళ్ల తర్వాతి అని పదేపదే చూపించడం రోహిత్‌కు ఆగ్రహం తెప్పించింది.

ఈ విషయంపై మ్యాచ్‌ తర్వాత స్పందించిన రోహిత్‌.. తాను మూడేళ్ల తర్వాత సెంచరీ చేసిన విషయం వాస్తవమే అయినా.. ఈ మూడేళ్ల కాలంలో తాను ఆడింది కేవలం 12 వన్డేలు మాత్రమే అని.. ఆ విషయాన్ని కూడా చెప్పాలని.. అలా కాకుండా మూడేళ్ల తర్వాత అంటూ చూపించడం సరి కాదని అన్నాడు. మూడేళ్ల అనేది చాలా ఎక్కువ సమయం అని.. కానీ.. ఆ టైమ్‌లో టీ20 వరల్డ్‌ కప్పులు ఉండటంతో తాము వన్డే క్రికెట్‌ ఎక్కువ ఆడలేదని అన్నాడు. ఈ వాస్తవాలు కూడా చూపించాలంటూ అసహనం వ్యక్తం చేశాడు. కాగా.. ఈ మూడేళ్ల కాలంలో రోహిత్‌ సెంచరీ చేయకపోయినా.. కొన్ని మంచి ఇన్నింగ్స్‌లు ఆడాడు. జట్టుకు మంచి ఆరంభం అందించేందుకు వేగంగా ఆడే క్రమంలో కూడా అవుట్‌ అయ్యాడు. మరి రోహిత్‌ శర్మ వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.

We’re done waiting for 1,101 days! It’s an ODI century for @ImRo45🔥😍
He’s powered through his innings and hasn’t given the bowlers even a breather. AMAZING innings!

Tune-in to the Final Mastercard #INDvNZ ODI, LIVE, on Star Sports & Disney+Hotstar.#BelieveInBlue pic.twitter.com/XhZ3wzRV3H

— Star Sports (@StarSportsIndia) January 24, 2023