Rajat Patidar: RCB యువ ప్లేయర్‌ రజత్‌ పటిదార్‌కు బాగా కలిసొస్తున్న 25వ తేదీ!

ఐపీఎల్‌ 2022లో లక్నో సూపర్‌ జెయింట్స్‌, రాయల్‌ ఛాలెంజర్స్‌ బెంగుళూరు మధ్య జరిగిన ఎలిమినేటర్‌ మ్యాచ్‌లో సెంచరీతో మెరిసిన ఆర్సీబీ యువ ఆటగాడు రజత్‌ పటిదార్‌ క్రికెట్‌ ఫ్యాన్స్‌కు సుపరిచితమే. ఒక్క ఇన్నింగ్స్‌తో ఓవర్‌నైట్‌ స్టార్‌ అయిపోయాడు పటిదార్‌. కీలకమైన ఎలిమినేటర్‌లో లక్నోను ఆర్సీబీ చిత్తు చేయడంలో పటిదార్‌ కీలక పాత్ర పోషించాడు. కేవలం 54 బంతుల్లో 12 ఫోర్లు, 7 సిక్సులతో 112 పరుగులు చేసి మ్యాచ్‌ను ఒంటిచేత్తో గెలిపించాడు. మ్యాచ్‌లో అతను ఆడిన ఇన్నింగ్స్‌ కంటే మ్యాచ్‌ జరిగిన తేదీని ప్రముఖంగా చెప్పుకునేలా చేశాడు పటిదార్‌. సరిగ్గా నెల క్రితం అంటే మే 25న లక్నోతో ఎలిమినేటర్‌ మ్యాచ్‌లో సెంచరీతో అదరగొట్టిన రజత్‌.. మళ్లీ జూన్‌ 25న మధ్యప్రదేశ్‌, ముంబై మధ్య జరుగుతున్న రంజీ మ్యాచ్‌లో సెంచరీతో సత్తా చాటాడు. బెంగళూరులోని ఎం చిన్నస్వామి స్టేడియం వేదికగా రంజీ ఫైనల్‌లో నాలుగో రోజు ఆటలో మధ్యప్రదేశ్ ప్లేయర్ రజత్ పటిదార్ సెంచరీ బాదాడు.

తొలుత బ్యాటింగ్ చేసిన ముంబై.. తొలి ఇన్నింగ్‌లో 374 పరుగులకు ఆలౌట్ అయింది. కేప్టెన్ పృథ్వీ షా-47, యశస్వి జైస్వాల్-78, అర్మాన్ జాఫర్-26, సువేద్ పార్కర్-18, సర్ఫరాజ్ ఖాన్-134, హార్దిక్ తమోరె-24, షామ్స్ ములాని-12, తనుష్ కొటియాన్-15, ధవల్ కులకర్ణి-1, తుషార్ దేశ్‌పాండే-6 చేశారు. మోహిత్ అవస్థి-7 పరుగులతో నాటౌట్‌గా నిలిచాడు. మధ్యప్రదేశ్ బౌలర్లు అనుభవ్ అగర్వాల్-3 వికెట్లు తీసుకున్నాడు. సారాంశ్ జైన్-2, గౌరవ్ యాదవ్-4, కుమార్ కార్తికేయ ఒక వికెట్ పడగొట్టారు. తొలి ఇన్నింగ్ ఆరంభించిన మధ్యప్రదేశ్.. ముంబైకి ధీటుగా రాణిస్తోంది. మధ్యప్రదేశ్ ఇన్నింగ్‌లో రెండు సెంచరీలు నమోదయ్యాయి. ఓపెనర్ యశ్ దుబే 122 పరుగులతో క్రీజ్‌లో ఉన్నాడు. వన్ డౌన్ బ్యాటర్ శుభం శర్మ 116 పరుగులు చేశాడు.

Rajat Patidar’s brilliant innings comes to an end.#RajatPatidar #MadhyaPradesh #Final #RanjiTrophy #Cricket #SKY247 #Socialmedia pic.twitter.com/PmBplgje6U

— Sky247 (@officialsky247) June 25, 2022

మరో ఓపెనర్ హిమాంశు మంత్రి 31 పరుగులు చేసి అవుట్ అయ్యాడు. అతని తరువాత క్రీజ్‌లోకి వచ్చిన శుభం శర్మ భారీ షాట్లతో చెలరేగాడు. ఒక సిక్సర్, 15 ఫోర్లతో 116 పరుగులు చేశాడు. అవస్థి బౌలింగ్‌లో వికెట్ కీపర్ తమోరెకు క్యాచ్ ఇచ్చి అవుట్ అయ్యాడు. అతని స్థానంలో బ్యాటింగ్‌కు దిగిన రజత్ పటిదార్ కూడా క్రీజ్‌లో పాతుకు పోయాడు. సెంచరీ సాధించాడు. మధ్యప్రదేశ్ ఇన్నింగ్‌లో ఇది మూడో సెంచరీ. ఈ రెండు రోజుల్లోనే మూడు సెంచరీలు నమోదయ్యాయి. మరి రజత్‌ పటిదార్‌ సూపర్‌ సెంచరీ, రెండు వరుస నెలల్లో ఒక తేదీన సెంచరీ చేయడంపై మీ అభిప్రాయాలను కామెంట్ల రూపంలో తెలియజేయండి.

Rajat Patidar loves playing under pressure💪

📸: IPL/ BCCI#RajatPatidar #RanjiTrophy2022 pic.twitter.com/fFwRTk8Rpa

— CricTracker (@Cricketracker) June 25, 2022