399 వికెట్లు తీసిన బౌలర్‌ 400 మార్క్‌ను చేరడానికి ఏడాది పట్టింది

399 వికెట్లు తీసిన అంతర్జాతీయ టాప్‌ బౌలర్‌కు 400 మార్క్‌ చేరుకువడం పెద్ద విషయం కాదు కానీ.. విశేషం. 400 వికెట్లు తీయడం అనేది ఒక రికార్డ్‌. అలాంటి రికార్డ్‌కు ఒక్క వికెట్‌ దూరంలో ఉండి.. ఆ ఒక్క వికెట్‌ పడగొట్టేందుకు ఏకంగా.. ఏడాది పాటు నిరీక్షించాడు ఆసీస్‌ టాప్‌ స్పిన్నర్‌ నాథన్‌ లయన్‌. ఈ ఏడాది జనవరిలో టీమిండియా.. ఆస్ట్రేలియా పర్యటనలో భాగంగా భారత ఆటగాడు వాషింగ్టన్ సుందర్‌ను ఔట్ చేయడం ద్వారా 399 వికెట్లు తన ఖాతాలో వేసుకున్న లయన్‌. ఆ తర్వాత వికెట్‌ కోసం ఇప్పటి వరకు ఎదురుచూడాల్సి వచ్చింది.

ఎట్టకేలకు.. యాషెస్ సిరీస్‌లో భాగంగా గబ్బా వేదికగా జరిగిన తొలి టెస్ట్‌‌లో ఆ ఒక్క వికెట్‌ తీసి 400 వికెట్ల మైలు రాయిని అందుకుని.. చరిత్ర సృష్టించాడు. ఇంగ్లండ్ రెండో ఇన్నింగ్స్‌లో డేవిడ్ మలన్‌ను ఔట్ చేయడం ద్వారా ఈ ఫీట్ సాధించాడు. దాంతో ఆస్ట్రేలియా తరఫున టెస్టు క్రికెట్లో అత్యధిక వికెట్లు తీసిన మూడో బౌలర్‌గా రికార్డు సృష్టించాడు. దిగ్గజ ఆటగాళ్లు షేన్‌ వార్న్‌ (708 వికెట్లు), గ్లెన్‌ మెక్‌ గ్రాత్‌ (563 వికెట్లు) ఆసీస్‌ తరఫున తొలి రెండు స్థానాల్లో కొనసాగుతున్నారు. ఈ మధ్య కాలంలో ఆస్ట్రేలియా ఎక్కువగా టెస్టులు ఆడకపోవడం.. గాయాలతో లయన్‌ జట్టుకు దూరమవ్వడం.. ఇక తాను ఆడిన రెండు, మూడు టెస్టుల్లోనూ లయన్‌ 33 ఓవర్లపాటు బౌలింగ్‌ చేసినా వికెట్‌ దక్కకపోవడంతో సుదీర్ఘ నిరీక్షణ తప్పలేదు.

400 of the very best from Nathan Lyon! 🐐

He becomes the 17th player to achieve the milestone in men’s Test cricket, joining Shane Warne and Glenn McGrath as the only other Australian players #Ashes pic.twitter.com/hbdIjXVr6F

— Cricket Australia (@CricketAus) December 10, 2021

తాజాగా గబ్బా వేదికగా జరిగిన టెస్ట్ మ్యాచ్‌లో ఫస్ట్ ఇన్నింగ్స్‌లో ఒక్క వికెట్ కూడా తీయని లయన్.. రెండో ఇన్నింగ్స్ ఏకంగా నాలుగు వికెట్లు పడగొట్టి ఈ నిరీక్షణకు తెరదించాడు. ప్రస్తుతం అతను 403 వికెట్లతో టెస్టుల్లో అత్యధిక వికెట్ల వీరుల జాబితాలో 17వ స్థానంలో కొనసాగుతున్నాడు. మరి లయన్‌ సాధించిన రికార్డుపై మీ అభిప్రాయాలను కామెంట్ల తెలియజేయండి.

3️⃣2️⃣6️⃣– The number of days Nathan Lyon has been on 399 Test wickets ⏰

Will he scale 400 on day four? 🤔#Ashes #WTC23 pic.twitter.com/EfISC8cwZJ

— ICC (@ICC) December 10, 2021