సౌతాఫ్రికాతో టెస్ట్.. రక్తం కారుతున్నా బౌలింగ్ చేస్తున్న మిచెల్ స్టార్క్!

క్రికెట్ లో మానసికశ్రమ కంటే.. శారీరక శ్రమ చాలా అవసరం. అందుకే తరచుగా ఆటగాళ్లు గాయాల పాలవుతుంటారు. ఈ గాయాలే ఒక్కోసారి ఆటగాడి కెరీర్ ను కూడా నిర్ణయిస్తాయి అనడంలో ఎలాంటి అతిశయోక్తి లేదు. ఇక ప్రస్తుతం దక్షిణాఫ్రికా జట్టు ఆస్ట్రేలియా పర్యటనలో ఉంది. తొలి టెస్ట్ లో ఘోరంగా ఓడిపోయిన ప్రోటీస్ టీమ్.. రెండో టెస్ట్ లో కూడా ఓటిమి వైపు పయణిస్తోంది. ఇక ఈ టెస్ట్ లో తొలి రోజు ఆస్ట్రేలియా స్టార్ బౌలర్ మిచెల్ స్టార్క్ తీవ్రంగా గాయపడ్డాడు. క్యాచ్ పట్టే క్రమంలో అతడి మిడిల్ ఫింగర్ కు గాయం అయ్యింది. రక్తం కూడా కారింది. దాంతో అతడు మూడో టెస్ట్ కు దూరం అవుతాడు అని అందరు అనుకున్నారు. కానీ గాయం అయ్యి రక్తం కారుతున్నప్పటిక మూడో రోజు బౌలింగ్ కు దిగాడు.

మిచెల్ స్టార్క్.. ఆస్ట్రేలియా బౌలింగ్ దళానికి వెన్నముకగా నిలుస్తూ వస్తున్నాడు. తాజాగా సౌతాఫ్రికాతో జరుగుతున్న టెస్ట్ సిరీస్ లో వికెట్ తీసి 300 వికెట్ల తీసిన బౌలర్ల జాబితాలో చోటు దక్కించుకున్నాడు. ఇక తాజాగా జరుగుతున్న బాక్సింగ్ డే టెస్ట్ లో మెుదటి రోజు ఫీల్డింగ్ చేస్తూ గాయపడ్డాడు స్టార్క్. సౌతాఫ్రికా బ్యాటర్ కొట్టిన బంతిని డైవ్ చేసి అందుకోబోయిన స్టార్క్ గాయపడ్డాడు. అతడి మిడిల్ ఫింగర్ కు గాయం కావడంతో రక్తం కారింది. దాంతో వెంటనే ఫిజియో వచ్చి ప్రథమ చికిత్స చేశాడు. దాంతో అతడు ఈ టెస్ట్ కే కాక సిడ్నీలో జరిగే చివరి టెస్ట్ లో కూడా ఆడటం అనుమానమే అని అందరు అనుకున్నారు.

Cricket Australia initially indicated no dislocation for Mitchell Starc, if true the main concern here is mallet finger (tendon tear on top of the finger). One of the more common causes of the tip of the finger bending like that. Hope that’s not the casepic.twitter.com/V6a8WDKCO9

— NRL PHYSIO (@nrlphysio) December 26, 2022

కానీ అందరి అంచనాలను తలకిందులు చేస్తూ.. రక్తం కారుతున్నప్పటికీ కూడా బౌలింగ్ చేస్తున్నాడు స్టార్క్. రెండో ఇన్నింగ్స్ లో 4 ఓవర్లు వేసిన స్టార్క్ ఓ మెయిడిన్ వేసి 13 పరుగులు ఇచ్చాడు. ఇక తొలి ఇన్నింగ్స్ లో 13 ఓవర్లు వేసి 2 మెయిడిన్లు వేసి 39 పరుగులు ఇచ్చి 2 వికెట్లు తీసుకున్నాడు. తొలి ఇన్నింగ్స్ లో 189 పరుగులకు కుప్పకూలిన సౌతాఫ్రికా.. రెండో ఇన్నింగ్స్ లో వికెట్ నష్టానికి 15 పరుగులతో ఉంది. సౌతాఫ్రికా గెలవాలి అంటే ఇంకా 371 పరుగులు చేయాల్సి ఉంది. ప్రస్తుతం ఆటకు వరుణుడు అడ్డుతగులుతుండటంతో.. మ్యాచ్ ఫలితంపై ఆసక్తి నెలకొంది. ఇక ఆస్ట్రేలియా తొలి ఇన్నింగ్స్ లో 575/8 పరుగుల వద్ద డిక్లేర్డ్ ఇచ్చిన సంగతి తెలిసిందే.

Australia fast bowler Mitchell Starc is in major doubt for the third Test against South Africa in Sydney after damaging his finger in the field on the first day of the Boxing Day Test at the MCG.#starc #CricketTwitter pic.twitter.com/bxdQ7lKmtP

— Ranjesh Gupta (@Fbuzz11_Ranjesh) December 27, 2022