Suryakumar Yadav: విండీస్‌ను చిత్తుచేసిన టీమిండియా! దంచికొట్టిన సూర్య

వెస్టిండీస్‌తో మంగళవారం జరిగిన మూడో టీ20లో టీమిండియా ఓపెనర్‌ సూర్యకుమార్‌ యాదవ్‌ హాఫ్‌ సెంచరీతో అదరగొట్టాడు. 44 బంతుల్లో 76 8 ఫోర్లు, 4 సిక్స్‌లతో విండీస్‌ బౌలర్లపై విరుచుకుపడ్డాడు. చివర్లో రిషబ్‌ పంత్‌ 26 బంతుల్లో 33 నాటౌట్‌, 3 ఫోర్లు, ఒక సిక్సర్‌తో టీమిండియాకు ఈ సిరీస్‌లో రెండో విజయాన్ని అందించారు. దీంతో ఐదు టీ20ల సిరీస్‌లో భారత్‌ 2-1తో లీడ్‌లోకి వచ్చింది. మిగిలిన రెండు మ్యాచ్‌ల్లో ఒక్కటి గెలిచినా సిరీస్‌ మనదే.

ఇక ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ నిర్ణీత 20 ఓవర్లలో 5 వికెట్ల నష్టానికి 164 పరుగులు చేసింది. ఓపెనర్‌ కైల్‌ మేయర్స్‌ 50 బంతుల్లో 8 ఫోర్లు, 4 సిక్స్‌లతో 73 రన్స్‌తో చెలరేగగా, బ్రాండన్‌ కింగ్‌ 20 బంతుల్లో 3 ఫోర్లతో 20 పరుగులు చేసి ఓపెనింగ్‌ వికెట్‌కు 57 పరుగులు జోడించి చక్కని ఆరంభాన్ని ఇచ్చారు. తర్వాత కెప్టెన్‌ పూరన్‌ 23 బంతుల్లో 2 ఫోర్లు, 1 సిక్స్‌తో 22 పరుగుల చేయగా.. మేయర్స్‌ తన ధాటిని కొనసాగించాడు. చివర్లో రోవ్‌మన్‌ పావెల్‌ 14 బంతుల్లో 2 ఫోర్లు, 1 సిక్స్‌తో 23, హెట్‌మైర్‌ 12 బంతుల్లో 2 సిక్సర్లతో 20 పరుగులతో మెరుపులు మెరిపించడంతో భారత్‌ ముందు విండీస్‌ పోరాడే లక్ష్యాన్ని ఉంచింది.

టీమిండియా బౌలర్లలో భువనేశ్వర్‌ 2, హార్దిక్‌ పాండ్యా, అర్షదీప్‌ చెరో వికెట్‌ తీశారు. 165 పరుగుల లక్ష్యాన్ని సరిగ్గా 19 ఓవర్లలో ఛేదించింది. 11 పరుగులు చేసిన రోహిత్‌ రిటైర్డ్‌ హర్ట్‌గా వెనుదిరిగాడు. శ్రేయస్‌ అయ్యర్‌ 24 పరుగులతో పర్వాలేనిపించాడు. పాండ్యా 4 పరుగులు చేసి మరో సారి విఫలం అయ్యాడు. సూర్య చెలరేగగా పంత్‌, దీపక్‌ హుడా(10 నాటౌట్‌) విజయ లాంఛానాన్ని పూర్తి చేశారు. కాగా సోమవారం జరిగిన రెండో టీ20 రెండు గంటలు ఆలస్యం అయిన విషయం తెలిసిందే. దీంతో మరుసటి రోజే జరిగిన ఈ మ్యాచ్‌ను గంటన్నర ఆలస్యంగా ప్రారంభించారు. ఇక నాలుగో టీ20 శనివారం(ఆగస్టు 6న) జరగనుంది. మరి ఈ మ్యాచ్‌లో టీమిండియా ప్రదర్శన, సూర్యకుమార్‌ యాదవ్‌ ఇన్నింగ్స్‌పై మీ అభిప్రాయాలను కామెంట్ల రూపంలో తెలియజేయండి.

7⃣6⃣ off 4⃣4⃣! 👍 👍@surya_14kumar set the stage on fire 🔥 🔥 & bagged the Player of the Match award as #TeamIndia win the third #WIvIND T20I to take 2-1 lead in the series. 👏 👏

Scorecard ▶️ https://t.co/RpAB69ptVQ pic.twitter.com/gIM7E2VbKU

— BCCI (@BCCI) August 2, 2022

3RD T20I. India Won by 7 Wicket(s) https://t.co/t7yu85DgrJ #WIvIND

— BCCI (@BCCI) August 2, 2022

ఇది కూడా చదవండి: ఇండియా vs వెస్టిండీస్ మ్యాచ్ లో వింత! ఒకే జెర్సీలో ముగ్గురు ప్లేయర్స్!

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.