టీమిండియా మాజీ కెప్టెన్‌, రన్‌ మెషీన్‌, ఛేజ్‌ మాస్టర్‌, కింగ్‌ విరాట్‌ కోహ్లీ.. ప్రపంచంలోనే అత్యుత్తమ క్రికెటర్‌గా ఉన్నాడు. ప్రస్తుతం ఉన్న మేటి ఆటగాళ్లలో అగ్రగణ్యుడు. క్రికెట్‌ గాడ్‌ సచిన్‌ టెండూల్కర్‌ తర్వాత అంతటి పేరుప్రఖ్యాతలు పొందుతున్న ఛాంపియన్‌ ప్లేయర్‌. కొన్ని వందల రికార్డులు బద్దలు కొడుతూ.. అంతర్జాతీయ క్రికెట్‌లోకి అడుగుపెట్టినప్పటి నుంచి వెనుదిరిగి చూసుకోకుండా.. శిఖరాగ్రాలకు చేరుకున్నాడు. అలాంటి ఆటగాడితో పోల్చుకోవడానికే చాలా మంది మేటి క్రికెటర్లు సంకోచిస్తున్న తరుణంలో ఒక అనామక పాకిస్థాన్ క్రికెటర్‌ మాత్రం.. విరాట్‌ కోహ్లీ కంటే తానే బెస్ట్ ప్లేయర్‌నంటూ భారీ స్టేట్‌మెంట్‌ వదిలాడు. ప్రస్తుతం అతను చేసిన వ్యాఖ్యలు వైరల్‌గా మారాయి.
ఖుర్రం మంజూర్ అనే పాకిస్థాన్ క్రికెటర్‌.. 2008లో పాకిస్థాన్ తరఫున తొలి అంతర్జాతీయ వన్డే మ్యాచ్‌ ఆడాడు. అప్పటి నుంచి ఇప్పటి వరకు కేవలం 16 టెస్టులు, 7 వన్డేలు, 3 టీ20 మ్యాచ్‌లు మాత్రమే ఆడిన మంజూర్.. ఒక విషయంలో మాత్రం విరాట్‌ కోహ్లీ కంటే తానే గొప్ప క్రికెటర్‌నని.. నిజానికి తాను ప్రపంచ నంబర్‌ వన్‌ ఆటగాడినంటూ పేర్కొన్నాడు. 46 వన్డే సెంచరీలు, 27 టెస్టు సెంచరీలు, ఒక టీ20 సెంచరీతో మొత్తం మీద 74 సెంచరీలతో ప్రపంచంలోనే అత్యధిక సెంచరీలు చేసిన రెండో ఆటగాడి ఉన్నాడు కోహ్లీ. మంజూర్ గణాంకాలకు కోహ్లీ బాదిన పరుగులకు నక్కకు నాగలోకానికి ఉన్నంత తేడా ఉంది. కానీ.. ఒక్క విషయంలో మాత్రం కోహ్లీ తనకంటే వెనుకబడి ఉన్నాడని మంజూర్ చెప్పుకుంటున్నాడు. అదేంటంటే.. లిస్ట్‌-ఏ క్రికెట్‌లో కోహ్లీ కన్వెర్షన్‌ రేట్‌ కంటే తన కన్వెర్షన్‌ రేట్‌ ఎక్కువగా ఉందని మంజూర్ పేర్కొంటున్నాడు. లిస్ట్‌ క్రికెట్‌లో కోహ్లీ యావరేజ్‌గా 6 ఇన్నింగ్స్‌లకు ఒక సెంచరీ బాదితే.. తాను 5.5 ఇన్నింగ్స్‌ల్లో ఒక సెంచరీ బాదిన రికార్డు ఉందని అంటున్నాడు.
ఈ ఒక్క రికార్డులో తాను కోహ్లీ కంటే ముందు ఉన్నానని.. కోహ్లీ కంటే కాదు.. ఈ రికార్డు విషయంలో తాను ప్రపంచ నంబర్‌ వన్‌గా ఉన్నానంటూ మంజూర్ చెబుతున్నాడు. కోహ్లీ తన కెరీర్‌లో 305 లిస్ట్‌-ఏ మ్యాచ్‌లు ఆడి 14,251 పరుగులు సాధించాడు. అందులో 50 సెంచరీలు, 72 హాఫ్‌ సెంచరీలు ఉన్నాయి. అదే మంజూర్ విషయానికి వస్తే.. 166 లిస్ట్‌-ఏ మ్యాచ్‌లు ఆడి 7922 పరుగులు చేశాడు. అందులో 27 సెంచరీలు, 39 హాఫ్‌ సెంచరీలు ఉన్నాయి. అతని బ్యాటింగ్‌ యావరేజ్‌ 53.52, స్ట్రైక్‌రేట్‌ 85.06. లిస్ట్‌-ఏలో కోహ్లీ బ్యాటింగ్‌ యావరేజ్‌ 56.55, స్ట్రైక్‌రేట్‌ 93.78తో ఇలా అన్ని లెక్కల్లో మంజూర్ కంటే కోహ్లీ మెరుగ్గా ఉంటే.. అసలు లెక్కలోకే రాని కన్వెర్షన్‌ రేట్‌ను తీసుకొచ్చి.. కోహ్లీ కంటే తాను బెటర్‌ ప్లేయర్‌నంటూ మంజూర్ నవ్వులు పాలవుతున్నాడు. అయితే.. తనను తాను కోహ్లీతో పోల్చుకోవడం లేదని.. కానీ.. ఒక్క విషయంలో కోహ్లీ కంటే తాను బెటర్‌ అని మంజూర్ పేర్కొన్నాడు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.
Khurram Manzoor who’s 36 made his International debut before Virat Kohli in an interview said
I am not comparing myself with Virat Kohli. Fact is, in 50-overs cricket, whoever are there in the Top 10, I am the world no.1
After me, stands Virat Kohli. pic.twitter.com/II4ZpvswJG— Abhijeet ♞ (@TheYorkerBall) January 25, 2023
