follow us:
బుధవారం జరిగిన కారు ప్రమాదంలో మాజీ క్రికెటర్ తీవ్రంగా గాయపడ్డాడు. ఇక ఈ ప్రమాదంలో తీవ్రంగా గాయపడటంతో.. అతడి భార్య స్పాట్ లోనే మరణించింది.
గతేడాది కారు ప్రమాదంలో టీమిండియా స్టార్ క్రికెటర్ రిషబ్ పంత్ తీవ్రంగా గాయపడ్డ సంగతి తెలిసిందే. ఈ సంఘటనను ఇప్పుడిప్పుడే మరిచిపోతున్నారు అభిమానులు. ఇక ఈ ప్రమాదం మరచిపోకముందే.. మరో కారు ప్రమాదం చోటుచేసుకుంది. ఈ ప్రమాదంలో మాజీ క్రికెటర్ ఫ్యామిలీతో ప్రయాణిస్తున్న కారు యాక్సిడెంట్ కు గురైంది. ఈ ఘోర సంఘటనలో తీవ్ర గాయాలపాలైన మాజీ క్రికెటర్ భార్య స్పాట్ లోనే చనిపోయింది. గాయాల పాలైన మాజీ క్రికెటర్ ను మెకర్ రూలర్ ఆసుపత్రికి తరలించి చికిత్స అందిస్తున్నారు.
మాజీ రంజీ క్రికెటర్, ప్రస్తుతం బంగ్లాదేశ్ క్రికెట్ బోర్డ్ చీఫ్ క్యూరేటర్ ప్రవీణ్ హింగానికర్ ఫ్యామిలీ కారు ప్రమాదానికి గురైంది. ఈ సమయంలో కారులో ప్రవీణ్ తో పాటుగా ఆయన భార్య కూడా ఉన్నారు. బుధవారం మహారాష్ట్రలోని బుల్దానా జిల్లాలో మెకర్ తాలూకా సమీపంలోని సంవృద్ది హైవేపై ఆగిఉన్న ట్రక్ ను ప్రవీణ్ కారు వెనక నుంచి ఢీకొన్నది. ఈ ఘటనలో కారు నుజ్జునుజ్జు అయ్యింది. కాగా తీవ్రంగా గాయపడిన ప్రవీణ్ భార్య సువర్ణ అక్కడికక్కడే మరణించింది. గాయపడిన హింగానికర్ ను మెకర్ రూలర్ ఆసుపత్రికి తరలించారు. సమాచారం అందుకున్న పోలీసులు ఘటనా స్థలికి చేరుకుని విచారణ చేపట్టారు. ఈ సంఘటనకు కారణం డ్రైవర్ నిద్ర మత్తులో ఉండటమే అని పోలీసులు భావిస్తున్నారు.
ఇక ప్రవీణ్ హింగనికర్ కెరీర్ విషయానికి వస్తే.. విదర్భ జట్టు తరపున అతడు రంజీ క్రికెట్ ఆడాడు. 52 మ్యాచ్ ల్లో 1400 పరుగులు చేయడంతో పాటుగా 47 వికెట్లు కూడా తీసుకున్నాడు. ఇక ఆటకు దూరం అయ్యిన తర్వాత పిచ్ క్యూరేటర్ గా విదర్భ క్రికెట్ అసోసియేషన్ స్టేడియానికి వ్యవహరించాడు. ఆ తర్వాత బీసీసీఐ అతడిని బంగ్లా క్రికెట్ బోర్డు కు సిఫార్స్ చేసింది. దాంతో 2018 నుంచి బీసీబీకి ప్రవీణ్ అసిస్టెంట్ పిచ్ క్యూరేటర్ గా సేవలు అందిస్తున్నాడు.
Ranji cricket coach Pravin Hinganikar was injured in an accident at Mehkar taluka near Samruddhi Highway in Buldhana district. In this accident, Hinganikar’s wife Suvarna Hinganikar died on the spot. The injured Hinganikar has been admitted to a hospital for treatment: Buldhana…
— ANI (@ANI) April 19, 2023
