follow us:
అతడు అద్భుతమైన బ్యాటర్. అండర్-19 ప్రపంచకప్ తర్వాత రాత్రికి రాత్రే హీరో అయ్యాడు. భారత్ జట్టుకి ఆడాల్సిన వాడు.. సరైన అవకాశాలు రాకపోవడంతో చాలా చిన్న వయసులోనే రిటైర్మెంట్ ప్రకటించాడు. క్రికెట్ కోసం ఏకంగా అమెరికాకు మకం మార్చాడు. అతడే ఉన్ముక్త్ చంద్. యూఎస్ లో ఆటగాడిగా బిజీ అయిపోయిన ఉన్ముక్త్, ఈ మధ్య గాయపడ్డాడు. ఈ ప్రమాదంతో అతడి ఎడమ కన్ను బాగా వాచిపోయింది. అందుకు సంబంధించిన ఫొటోని ట్విట్టర్ లో షేర్ చేయగా, అది కాస్త వైరల్ గా మారింది. ఇంతకీ ఏం జరిగింది?
ఇక వివరాల్లోకి వెళ్తే.. టీమిండియా తరఫున కెప్టెన్ గా అండర్-19 ప్రపంచకప్ సాధించిన కోహ్లీ, ఎలాంటి పేరు సంపాదించాడో ప్రత్యేకంగా చెప్పాల్సిన పనిలేదు. అలానే అండర్-19 ప్రపంచకప్ సాధించిన ఉన్ముక్త్ చంద్ మాత్రం.. ఈ టోర్నీ తర్వాత జాతీయ జట్టుకు ఎంపిక కాలేకపోయాడు. ఐపీఎల్ లోనూ తక్కవ మ్యాచులే ఆడాడు. దీంతో గతేడాది భారత్ లో క్రికెట్ ఆడటం లేదని, ఇక్కడి క్రికెట్ కు వీడ్కోలు చెబుతున్నట్లు కఠిన నిర్ణయం తీసుకున్నాడు. టీమిండియాకు ఆడాల్సిన ఎంతో మంచి బ్యాటర్ ఇలాంటి డెసిషన్ తీసుకునేసరికి అందరూ షాకయ్యారు. మేజర్ లీగ్ క్రికెట్ తో మూడేళ్ల డీల్ కుదుర్చుకున్నాడు.
మరోవైపు ఆస్ట్రేలియా టీ20 లీగ్ బిగ్ బాష్ లో ఆడిన తొలి భారత క్రికెటర్ గా ఉన్ముక్త్ నిలిచాడు. ఈ ఏడాది ప్రారంభంలో జరిగిన ఈ లీగ్ లో మెల్ బోర్న్ రెనెగేడ్స్ తరఫున ఆడాడు. తాజాగా తన కన్ను వాచిపోయిన ఫొటోలని ట్విట్టర్ లో పోస్ట్ చేశాడు. ‘క్రీడాకారులకు అన్నాక కొన్నిరోజులు విజయాలు సాధిస్తాం. కొన్నిరోజులు గాయలతో ఇంటికొస్తాం. ఓ ప్రమాదం నుంచి కొద్దిలో తప్పించుకున్నాను. నేను కోలుకోవాలని కోరుకున్నవాళ్లకు థాంక్యూ’ అని ఉన్ముక్త్ రాసుకొచ్చాడు. మరి ఉన్ముక్త్ గాయపడిన ఫొటోలపై మీ అభిప్రాయాన్ని కామెంట్స్ లో పోస్ట్ చేయండి.
It’s never a smooth ride for an athlete. Some days you come home victorious, other days disappointed&there are some when you come home with bruises and dents.Grateful to God to have survived a possible disaster. Play hard but be safe. It’s a thin line.
Thanku for the good wishes pic.twitter.com/HfW80lxG1c— Unmukt Chand (@UnmuktChand9) October 1, 2022
