నిలకడగా పంత్ ఆరోగ్యం.. రెండో రోజు హెల్త్ అప్ డేట్స్ ఇవే..!

భారత క్రికెట‌ర్ రిష‌బ్ పంత్ ప్రయాణిస్తున్న కారు ప్రమాదానికి గురైన విష‌యం తెలిసిందే. ప్రమాదంలో తీవ్రంగా గాయ‌ప‌డ్డ అత‌ను ప్రస్తుతం డెహ్రాడూన్‌లోని మ్యాక్స్ ఆసుపత్రిలో చికిత్స పొందుతున్నాడు. రిషికేశ్‌లోని ఎయిమ్స్ డాక్ట‌ర్ ఖామ‌ర్ ఆజ‌మ్ ప్ర‌స్తుతం పంత్‌కు చికిత్స అందిస్తున్నారు. అయితే.. పంత్ ఆరోగ్యం గురుంచి ఢిల్లీ డిస్ట్రిక్ట్‌ క్రికెట్‌ అసోసియేషన్‌ (DDCA) డైరెక్టర్‌ శ్యామ్‌ శర్మ కీలక అప్ డేట్ ఇచ్చారు. పంత్‌ ఆరోగ్యం నిలకడగా ఉందని తెలిపిన ఆయన, అవసరమైతే మెరుగైన చికిత్స కోసం పంత్‌ను ఢిల్లీకి తరలిస్తామని తెలిపారు.

IANSతో మాట్లాడిన శ్యామ్ శర్మ.. “ప్రస్తుతం పంత్ ICUలో చికిత్సపొందుతున్నాడు. ఆరోగ్యం నిలకడగా ఉంది. చిరునవ్వుతో కనిపించాడు. త్వరగా కోలుకుంటున్నాడు. ఇది మంచి విషయమే..” అని తెలిపాడు. కాగా, పంత్ ముఖంపై గాయాలు కావడంతో.. మ్యాక్స్ ఆసుపత్రిలో అతనికి ప్లాస్టిక్ సర్జరీ చేశారు. మెరుగైన చికిత్స కోసం ఢిల్లీకి తరలించాలని అనుకున్నా.. చివరకు మ్యాక్స్ లోనే శస్త్ర చికిత్స చేశారు. మరోవైపు రిషబ్ పంత్ ఆరోగ్య పరిస్థితిని బీసీసీఐ ఎప్పటికప్పుడు ఆరా తీస్తోంది. ఇప్పటికే డెహ్రాడూన్కు వచ్చిన ఢిల్లీ క్రికెట్ అసోసియేషన్ బృందం పంత్ ఆరోగ్య పరిస్థితిని పరిశీలించింది. పంత్ ఆరోగ్యానికి సంబంధించి నివేదికలను తెప్పించుకుంటూ అవసరమైన సహాయ సహకారాలను అందించేందుకు సిద్ధంగా ఉన్నట్లు తెలిపింది.

Uttarakhand | Shyam Sharma, Director of Delhi & District Cricket Association (DDCA) arrived at Max Hospital in Dehradun to meet Cricketer Rishabh Pant, who is admitted there following an accident yesterday pic.twitter.com/nURGexGUyw

— ANI UP/Uttarakhand (@ANINewsUP) December 31, 2022

మరోవైపు.. పంత్ కు ప్రాథమిక చికిత్స అందించిన తర్వాత అతనికి ఎక్స్ రే తీశారు. పంత్‌ కుడి కాలు లిగ్మెంట్‌ కొద్దిగా జరిగినట్లే రిపోర్టులో స్పష్టమైంది. దీనికి తోడు నుదుటి భాగంలో గాయాలయ్యాయి. మరోవైపు మెదడు, వెన్నెముకకు సంబంధించిన ఎంఆర్‌ఐ స్కానింగ్‌లో ఎలాంటి సమస్య లేకపోవడంతో అంతా ఊపిరిపీల్చుకున్నారు. అలాగే.. పంత్ రోడ్డు ప్రమాదానికి గల కారణాన్ని హరిద్వార్ (రూరల్) ఎస్పీ ఎస్‌కే సింగ్ వెల్లడించారు. డ్రైవ్ చేస్తున్నపుడు పంత్‌కు నిద్ర ముంచుకు రావడంతో కళ్లు మూతలు పడ్డాయని, ప్రమాదానికి అదే కారణమని పేర్కొన్నారు. రూర్కీ వెళ్తుండగా నర్సాన్‌కు కిలోమీటరు దూరంలో ఈ ఘటన జరిగినట్టు వివరించారు. ప్రమాదం జరిగినప్పుడు పంత్ ఒక్కడే ఉన్నట్టు తెలిపారు. పంత్ త్వరగా కోలుకోవాలని మనమూ ఆశిద్దాం..

DDCA Director Shyam Sharma said – “Rishabh Pant is very confident and he is smiling and he is talking to everyone very nicely”. (To Sports Tak)

— CricketMAN2 (@ImTanujSingh) December 31, 2022

Shukr alhamdulillah 🤲 Itni Buri Accident ke baad bhi Tum thik ho
Rishabh Pant 🙏

Now i Just Hope Rishabh Pant jaldi se Recover ho jaye ap sabhi Se bhi Dua ki darkhwast!!#RishabhPantAccident #RishabhPant pic.twitter.com/Uo87R7DCF3

— mr Khan (@mr_sany_) December 30, 2022