ఒంటిచేత్తో మ్యాచ్ గెలిపించిన డేవిడ్ వార్నర్.. అయినా విమర్శలు తప్పలేదు!

ఇంగ్లండ్‌తో జ‌రిగిన తొలి వ‌న్డేలో.. ఆస్ట్రేలియా 6 వికెట్ల తేడాతో విజయం సాధించింది. తొలుత బ్యాటింగ్ చేసిన ఇంగ్లాండ్ నిర్ణీత 50 ఓవర్లలో 9 వికెట్ల నష్టానికి 287 పరుగులు చేయగా, అనంతరం ఆసీస్ 46.5 ఓవర్లలో 4 వికెట్లు కోల్పోయి ఆ లక్ష్యాన్ని చేధించింది. ఓపెనర్ డేవిడ్ వార్నర్.. 84 బంతుల్లో 10 ఫోర్లు, ఒక సిక్సర్ సాయంతో 86 పరుగులు చేసిన మ్యాచును ఒంటి చేత్తో శాసించాడు. ఆసీస్ బ్యాటర్లలో హైయెస్ట్ స్కోర్ చేసింది కూడా వార్నరే. అయినప్పటికీ అతడు తీవ్ర విమర్శలు ఎదుర్కోవాల్సి వస్తోంది. అందుకు బలమైన కారణమే ఉంది.

విధ్వంసకర ఓపెనర్ గా పేరున్న డేవిడ్ వార్నర్ చివరి సెంచరీ చేసి నేటికీ (నవంబర్ 17) 1038 రోజులు గడిచాయి. చివరిసారిగా అతడు ఇండియాపై సెంచరీ(128*) చేశాడు. ఇంగ్లండ్‌తో జరిగిన మ్యాచులో ఆ అవకాశం ఉన్న అతడు భారీ షాట్ కు ప్రయత్నించి వికెట్ పారేసుకున్నాడు. దీంతో విమర్శకులు అతడిపై అస్త్రాలు ఎక్కుపెడుతున్నారు. అందులోనూ ఈ విమర్శలు చేస్తోంది విదేశీ అభిమానులు కాదు.. స్వంత అభిమానులే. అయినప్పటికీ వార్నర్ ఇవేమీ పట్టించుకోకుండా ఔట్ అవ్వగానే తలదించుకొని పెవిలియన్ చేరాడు. వార్నర్ ఒక్కడే కాదు.. టీమిండియా మాజీ సారధి విరాట్ కోహ్లీ సైతం ఇలాంటి గడ్డు కాలాన్నే ఎదుర్కొన్నాడు. ప్రస్తుత సారధి రోహిత్ శర్మ కూడా సెంచరీ చేసి నేటికీ (నవంబర్ 17) 1033 రోజులు గడిచాయి.

Two modern-day greats are struggling to get an ODI hundred since January 2020.

Join Our Whatsapp Channel

Who will end the drought first?

#DavidWarner #RohitSharma #AUSvENG #CricketTwitter pic.twitter.com/GSNbVndW6s

— CricTracker (@Cricketracker) November 17, 2022

ఇక మ్యాచ్ విషయానికొస్తే.. తొలుత బ్యాటింగ్ చేసిన ఇంగ్లండ్ నిర్ణీత 50 ఓవర్లలో 9 వికెట్లు కోల్పోయి 287 పరుగులు చేసింది. ఇంగ్లండ్ బ్యాటర్లలో డేవిడ్ మలాన్ మినహా ఎవరూ పెద్దగా రాణించలేదు. ఈ మ్యాచులో మలాన్ సెంచరీతో చెలరేగాడు. 128 బంతుల్లో 12 ఫోర్లు, 4 సిక్సర్ల సాయంతో 134 పరుగులు చేశాడు. ఆస్ట్రేలియా బౌలర్లలో పాట్ కమిన్స్, జంపా తలా మూడు వికెట్లు సాధించగా.. స్టార్క్, స్టోయినిష్ చెరో వికెట్ పడగొట్టారు. అనంతరం 288 పరుగుల లక్ష్యంతో బరిలోకి దిగిన ఆసీస్ 46.5 ఓవర్లలో 4 వికెట్లు కోల్పోయి ఆ లక్ష్యాన్ని చేధించింది. డేవిడ్ వార్నర్ (86), స్మిత్ (80 నాటౌట్), హెడ్ (69) పరుగులతో రాణించారు. ఇంగ్లండ్ బౌలర్లలో డేవిడ్ విల్లీ రెండు, జోర్డాన్, లియామ్ డాసన్ తలా వికెట్ సాధించారు. ఇక ఇరు జట్లు మధ్య రెండో వన్డే సిడ్నీ వేదికగా నవంబర్ 19న జరగనుంది.

David Warner!#AUSvENG pic.twitter.com/0I5N7pKOqp

— RVCJ Media (@RVCJ_FB) November 17, 2022

A nice way to start!

We take the first Dettol ODI by six wickets after fifties to Warner, Head and Smith #AUSvENG pic.twitter.com/Rl8VlBwjS7

— Cricket Australia (@CricketAus) November 17, 2022