“పుష్ప క్రేజ్‌.. తగ్గేదేలే” అంటున్న క్రికెటర్లు

ఐకాన్ స్టార్ అల్లు అర్జున్ పుష్ప సినిమా క్రేజ్ ఏ మాత్రం త‌గ్గ‌ట్లేదు. పుష్ప.. సినీ ప్ర‌పంచాన్నే కాకుండా క్రికెట్ ప్ర‌పంచాన్ని కూడాఓ ఊపు ఊపేస్తోంది. పుష్ప సినిమాలో శ్రీవల్లి పాట‌కు అల్లు అర్జున్ వేసిన డ్యాన్స్ ఎంత పాపులర్‌ అయిందో ప్రత్యేకంగా చెప్పనవసరం లేదు. సాధారణంగా బౌల‌ర్ వికెట్ తీసినప్పుడు త‌నదైన శైలిలో సెల‌బ్రేష‌న్ జ‌ర‌పుకుంటారు. కానీ ప్ర‌స్తుతం బౌల‌ర్లు పుష్ప డైలాగ్‌లు, పాట‌ల‌కు స్టెప్ప‌లేసి సంబరాలు జరుపుకుంటున్నారు.

ప్రపంచవ్యాప్తంగా ఈ పాటకు అభిమానులు పెరుగుతున్నారు. ఇక సోషల్ మీడియాలో ఈ సినిమా పాటలు, డైలాగులు, చూపే బంగారమాయేనే హుక్ స్టెప్ అయితే ఇప్పటికీ ట్రెండింగ్ లోనే ఉన్నాయి. సినిమా జనాలను కాసేపు పక్కనబెడితే క్రికెటర్లకు కూడా ఈ సినిమా బాగా నచ్చినట్టుంది. భారత క్రికెటర్లతో పాటు విదేశీ ఆటగాళ్లు సైతం ఈ సినిమాలోని డైలాగులు, పాటలు, డాన్సులకు ఫ్యాన్స్ అయిపోయారు. వికెట్ తీసినప్పుడు, క్యాచ్ పట్టినప్పుడు అల్లు అర్జున్ ను అనుకరిస్తూ వార్తల్లో నిలుస్తున్నారు.

The Champion, @DJBravo47 channels his inner 𝑷𝒖𝒔𝒉𝒑𝒂 🕺🏼 after sending Mahidul Islam Ankon back to the pavilion! 😍

Catch the West Indian legend in relentless #BBPL2022 action for just ₹5, LIVE on #FanCode 👉 https://t.co/OLCsbLuBGA#BPLonFanCode @alluarjun pic.twitter.com/kVlAlvI2x3

— FanCode (@FanCode) January 25, 2022

బంగ్లాదేశ్‌ ప్రీమియర్‌ లీగ్‌ (బీపీఎల్)లో కామిల్లా విక్టోరియన్స్ ,ఫార్చ్యూన్ బరిషల్ మధ్య జరిగిన మ్యాచులో బ్రావో.. శ్రీవల్లి స్టెప్ వేశాడు. ఇన్నింగ్స్ 18వ ఓవర్ వేసిన బ్రావో బౌలింగ్‌లో మహిదుల్ ఇస్లాం భారీ షాట్‌కు ప్ర‌య‌త్నించాడు. కానీ అది బౌండరీ వద్ద ఫీల్డ‌ర్ చేతిలో పడింది. వికెట్ తీసిన ఆనందంలో బ్రావో.. శ్రీవల్లి పాట‌కు స్టెప్ వేశాడు. ఇందుకు సంబంధించిన వీడియో సోష‌ల్ మీడియాలో వైర‌ల్‌గా మారింది. ఇక టీమిండియా ఆల్ రౌండర్ హార్దిక్ పాండ్యా కూడా తన నాన్నమ్మతో కలిసి శ్రీవల్లి పాటకు డాన్సు చేశాడు. ఈ పాటకు డాన్సు చేయడమే గాక చివర్లో ఇద్దరూ కలిసి ‘తగ్గేదేలే’ అని ఫోజ్ కూడా ఇచ్చారు.

 

View this post on Instagram

 

A post shared by Hardik Himanshu Pandya (@hardikpandya93)

ఇప్పటికే రవీంద్ర జడేజా, సూర్యకుమార్ యాదవ్, ఇషాన్ కిషన్, సురేశ్ రైనాలు ఈ సినిమాలోని పాటలకు స్టెప్పులేశారు. ఇక సినిమా పాటలను అనుకరించడంలో ఎపుడూ ముందుండే ఆస్ట్రేలియా క్రికెటర్ డేవిడ్ వార్నర్ సైతం ‘యే బిడ్దా’.. ‘తగ్గేదేలే’.. ‘చూపే బంగారమాయేనే’ పాటలకు కాలు కదిపాడు. ఇప్పుడు తాజాగా హార్ధిక్ పాండ్యా, విండీస్ క్రికెటర్ డ్వేన్ బ్రావో కూడా ఈ జాబితాలో చేరిపోయారు. ఈ సినిమా క్రేజ్ పై మీ అభిప్రాయాన్ని కామెంట్ రూపంలో తెలియజేయండి.

 

View this post on Instagram

 

A post shared by Suresh Raina (@sureshraina3)

 

View this post on Instagram

 

A post shared by Ravindrasinh jadeja (@ravindra.jadeja)