follow us:
సాధారణంగా తండ్రి ఏ రంగంలో అయితే స్థిర పడ్డాడో.. అదే రంగంలోకి కొడుకు రావాలనుకుంటాడు. మరికొందరు వేరే రంగంలో తమ కుమారుడు రాణించాలి అనుకుంటాడు. ఇక క్రికెట్ లో చాలా మంది క్రీడాకారులు తమ తండ్రుల వారసత్వాన్ని కొనసాగిస్తూ.. క్రికెట్ లోకి అడుగుపెడుతున్నారు. చరిత్రలో ఇప్పటికే చాలా మంది స్టార్ క్రికెటర్లు తమ తండ్రి వారసత్వాన్ని కొనసాగించి తమదైన ముద్రవేశారు. చందర్ పాల్ కొడుకు, సచిన్ కొడుకు ఇప్పటికే క్రికెట్ లోకి అడుగు పెట్టగా.. తాజాగా న్యూజిలాండ్ డాషింగ్ బ్యాటర్, మాజీ క్రికెటర్ బ్రెండన్ మెక్ కల్లమ్ కొడుకు రీలే మెక్ కల్లమ్ క్రికెట్ లోకి అడుగు పెట్టాడు. కొడుకు మ్యాచ్ ఆడుతుంటే కల్లమ్ దంపతులు చూస్తూ.. మురిసిపోతున్న ఫోటో నెట్టింట వైరల్ గా మారింది.
న్యూజిలాండ్ దిగ్గజ క్రికెటర్, ఇంగ్లాండ్ బ్యాటింగ్ కోచ్ బ్రెండన్ మెక్ కల్లమ్ పుత్రోత్సాహంలో మునిగితేలుతున్నాడు. న్యూజిలాండ్ లో అండర్-19 టోర్నమెంట్ జరుగుతోంది. ఈ టోర్నమెంట్ లో నార్తెర్న్ డస్ట్రిక్ తరపున బరిలోకి దిగాడు రీలే మెక్ కల్లమ్. ఇక ఈ టోర్నమెంట్ లో తాజాగా జరిగిన మ్యాచ్ లో 48 పరుగులు చేసి ఆకట్టుకున్నాడు. అదీకాక ఈ మ్యాచ్ లో ఓ వికెట్ ను సైతం తీసి తొలి మ్యాచ్ లోనే అద్భుతమైన ప్రదర్శన కనబరిచాడు. ఇక ఈ మ్యాచ్ ను ప్రత్యక్షంగా వీక్షించారు మెక్ కల్లమ్ అతడి భార్య ఎలిసా. వీరిద్దరు అక్కడి గ్రౌండ్ లో పచ్చ గడ్డిపై సేద తీరుతూ.. తమ కుమారుడి ఆట చూస్తూ.. మురిసిపోయారు.
ప్రస్తుతం వారిద్దరికి సంబంధించిన ఫోటోలు నెట్టింట వైరల్ గా మారాయి. ప్రస్తుతం వారు పుత్రోత్సాహంలో మునిగితేలుతున్నారు. గతంలో ఓటాగోకు ఆడారు మెక్ కల్లమ్ అతడి తమ్ముడు నాథన్ మెక్ కల్లమ్. ప్రస్తుతం వీరి ఫ్యామిలీ నార్తెర్న్ డిస్ట్రిక్ కు మారడంతో.. ఈ జట్టు తరపునే బరిలోకి దిగాడు. అయితే ఈ మ్యాచ్ లో రీలే మెక్ కల్లమ్ ఆట అచ్చుగుద్దినట్లే.. బ్రెండన్ ను తలపించింది. సేమ్ టూ సేమ్ అతడి ఫుట్ వర్క్ నే దింపేశాడు కొడుకు. ఇక తన తండ్రి తనకు ఏం చెప్పాడో వెల్లడించాడు. “నువ్వు బ్యాటింగ్ గురించి ఎక్కువగా ఆలోచించకు. నువ్వు రన్స్ కొట్టకున్నా.. పరుగులు అవే వస్తాయి. నువ్వు క్రీజ్ లో ఉంటే చాలు అంతే” అని మెక్ కల్లమ్ చెప్పినట్లుగా పేర్కొన్నాడు.
