follow us:
ఆస్ట్రేలియా టూర్ ఆఫ్‌ శ్రీలంక– 2022లో టీ20 సిరీస్‌ గెలుచుకుని.. వన్డే సిరీస్‌ కోల్పోయిన ఆస్ట్రేలియా ప్రస్తుతం టెస్టు సిరీస్‌ పై కన్నేసింది. అందులో భాగంగా తొలి టెస్టులో శ్రీలంకపై 10 వికెట్ల తేడాతో భారీ విజయం నమోదు చేసింది. తొలి ఇన్నింగ్స్‌ లో 212 పరుగులకు శ్రీలంక ఆలౌట్‌ కాగా.. ఆస్ట్రేలియా తొలి ఇన్నింగ్స్‌ లో 321 పరుగులకు ఆలౌట్‌ అయ్యింది. ఆ తర్వాత శ్రీలంక రెండో ఇన్నింగ్స్‌ లో కేవలం 113 పరుగులే చేయగా.. 4 పరుగుల లక్ష్యంతో ఆస్ట్రేలియా బ్యాటింగ్‌కు దిగింది. డేవిడ్‌ వార్నర్‌ నాలుగు బంతుల్లో ఫోర్‌, సిక్సర్‌ కొట్టడంతో తొలి టెస్టులో ఆస్ట్రేలియా 10 వికెట్ల తేడాతో విజయం సాధించింది.
ప్రస్తుతం తొలి టెస్టుకు సంబంధించి ఓ వీడియో సోషల్ మీడియాలో వైరల్ గా మారింది. అది ఆస్ట్రేలియా కెప్టెన్‌ పాట్ కమ్మిన్స్‌ కొట్టిన భారీ సిక్సర్‌ వీడియో. ఆస్ట్రేలియా తొలి ఇన్నింగ్స్‌ లో శ్రీలంక స్పిన్నర్‌ జెఫ్రీ వాండర్సే వేసిన 69వ ఓవర్‌లో పాట్ కమ్మిన్స్‌ ఓ భారీ సిక్సర్‌ బాదాడు. అది ఎంత భారీ అంటే కమ్మిన్స్‌ కొట్టగానే బాల్‌ ఏకంగా స్టేడియం దాటి రోడ్డుపై పడింది. ఆ షాట్‌ చూసి బౌలర్‌, ఫీల్డర్లే కాదు.. ఆస్ట్రేలియా ఆటగాళ్లు సైతం ఆశ్చర్యపోయారు. ప్రస్తుతం ఆ వీడియో సోషల్ మీడియాలో వైరల్ గా మారింది. పాట్ కమ్మిన్స్‌ కొట్టిన ఈ భారీ సిక్సర్‌ పై మీ అభిప్రాయాలను కామెంట్స్‌ రూపంలో తెలియజేయండి.
Who’s going to find the ball Pat Cummins just hit out of Galle? 😆
Massive 😳😳😳😳
#SLvAUS pic.twitter.com/eiLQbblykn— ༒𝐵𝑒𝑖𝑛𝑔 𝑆𝒉𝑜𝑎𝑖𝑏 ✭✰(𝑲𝒌𝒓 𝑳𝒐𝒗𝒆𝒓 💜) (@drewmaccynt2) June 30, 2022
