వీడియో: పవర్​ఫుల్ డెలివరీ దెబ్బకు విరిగిన బ్యాట్.. హ్యాండిల్ కూడా ఊడటంతో..!

క్రికెట్​లో స్పీడ్​స్టర్లకు ఉంటే ప్రాధాన్యతే వేరు. మంచి పేస్, లైన్ అండ్ లెంగ్త్​తో బౌలింగ్ చేస్తే బ్యాట్స్​మెన్ ఎదుర్కోవడం చాలా కష్టం. కొందరు పేసర్లు స్వింగ్ మీద ఆధారపడితే, ఇంకొందరు మాత్రం వేగాన్ని ఆయుధంగా చేసుకుంటారు. పిచ్, పరిస్థితులను బట్టి పేస్, స్వింగ్​ చేస్తూ బౌలింగ్ చేసేవారికి వికెట్లు ఎక్కువగా దొరుకుతాయి. కొందరు బౌలర్లు మాత్రం ఇవేవీ పట్టించుకోకుండా కేవలం స్పీడ్​ మీదే దృష్టి పెడతారు. బౌన్సర్లు, యార్కర్లతో బ్యాట్స్​మెన్​ను వణికిస్తారు. ఈ క్రమంలో ఒక్కోసారి బ్యాటర్లకు గాయాలవుతుంటాయి. బ్యాట్లు కూడా విరుగుతుంటాయి. తాజాగా అలాంటి ఓ ఘటన చోటుచేసుకుంది. న్యూజిలాండ్​-శ్రీలంక మధ్య జరుగుతున్న టీ20 మ్యాచ్​లో ఇది చోటుచేసుకుంది. లంక-కివీస్ మధ్య జరుగుతున్న రెండో టీ20లో న్యూజిలాండ్ గెలుపొందింది.

తొలుత బ్యాటింగ్​కు దిగిన శ్రీలంక 19 ఓవర్లలో 141 రన్స్​కే ఆలౌట్ అయింది. ధనంజయ డిసిల్వా (37), కుశాల్ పెరీరా (35) రాణించారు. ఆడమ్ మిల్నె 5 వికెట్లతో ప్రత్యర్థి భరతం పట్టాడు. ఒక మోస్తరు లక్ష్యాన్ని న్యూజిలాండ్ 14.4 ఓవర్లలో వికెట్ నష్టానికి ఛేదించింది. ఈ జట్టులో టిమ్ సీఫర్ట్ (79) రన్స్​తో ఆకట్టుకున్నాడు. అయితే లంక ఇన్నింగ్స్ సమయంలో ఓ ఆసక్తికర ఘటన చోటుచేసుకుంది. కివీస్ బౌలర్ ఆడమ్ మిల్నె సంధించిన ఓ బాల్ ధాటికి పాథుమ్ నిశ్చంక బ్యాట్ విరిగిపోయింది. బ్యాట్ హ్యాండిల్ నిశ్చంక చేతికి వచ్చింది. మిల్నె వేసిన స్ట్రయిట్ డెలివరీని నిశ్చంక డిఫెన్స్ ఆడాడు. బ్యాట్​ను అడ్డుపెట్టాడు. పిచ్ మీద పడి లేచిన బాల్.. బ్యాట్ పైఅంచుకు తాకింది. దీంతో వెంటనే హ్యాండిల్ ఊడి చేతికొచ్చింది. బ్యాట్ విరిగిన వీడియో నెట్టింట వైరల్ అవుతోంది.

🚨 BROKEN BAT 🚨
Adam Milne with a ☄️ breaking Nissanka’s bat 😮

Join Our Whatsapp Channel

Watch BLACKCAPS v Sri Lanka live and on-demand on Spark Sport #SparkSport #NZvSL pic.twitter.com/F2uI6NiUni

— Spark Sport (@sparknzsport) April 5, 2023