ITDP: 2019లో TDP గెలిచుంటే..? సోషల్ మీడియాలో వైరల్ అవుతున్న ఐటీడీపీ పోస్ట్!

ITDP: ఏపీలో రాజకీయ వేడి రోజురోజుకు పెరుగుతోంది. ప్రజల్లోకి వెళ్లటానికి అధికార వైఎస్సార్‌ సీపీ, ప్రతిపక్ష టీడీపీలు పోటాపోటీగా అడుగులు ముందుకు వేస్తున్నాయి. ఇందుకోసం సోషల్‌ మీడియాను ప్రధాన అస్త్రంగా చేసుకుంటున్నాయి. ఎప్పటి కప్పుడు అప్‌డేట్లు ఇస్తూ.. సోషల్‌ మీడియా ద్వారా ప్రజల్లోకి దూసుకెళ్తున్నాయి. ఇక, ప్రతిపక్ష టీడీపీ సోషల్‌ మీడియాలో చాలా యాక్టివ్‌గా ఉంటుంది. ప్రభుత్వాన్ని ఇరకాటంలో పెట్టే విధంగా పోస్టులు పెడుతూ ఉంటుంది. తాజాగా, టీడీపీ అధికార ట్విటర్‌ ఖాతా ఐటీడీపీ చేసిన ఓ పోస్టు సోషల్‌ మీడియాలో వైరల్‌గా మారింది. ఆ పోస్టులో.. 2019 అసెంబ్లీ ఎన్నికల్లో టీడీపీ గెలిచి ఉంటే ఏం జరిగి ఉండేదో రాసుకొచ్చింది.

• 1. పేదల ఫించను మొదటి రోజు నుంచే మూడు వేల రూపాయలు అయ్యేది.
• 2. మందు ధరలు పెరిగేవి కావు.
• 3. మంచి బ్రాండ్ల మద్యం దొరికి ఆరోగ్యాలు బాగుండేవి.
• 4. విధ్యుత్‌ చార్జీలు పెరిగేవి కావు.
• 5. విద్యుత్‌ కోతలు ఉండేవి కావు.
• 6. ఇసుక రేటు పెరిగేది కాదు. ఇళ్లు కట్టుకునే వారి ఖర్చు తగ్గేది.
• 7. ఇసుక బాగా అందుబాటులో ఉండి నిర్మాణ పనులు పెరిగేవి. కూలి పని చేసే వారికి మరింత పని దొరికేది.
• 8. ఆంధ్ర రాష్ట్రం అంతా నిర్మాణ పనులు బాగా జరుగుతూ ఉండేవి. నిర్మాణ రంగంపై ఆధార పడ్డ వారికి కాస్త ఆదాయం పెరిగేది.
• 9. రహదారులు బాగుండేవి.
• 10. ప్రభుత్వం ఖర్చు మొత్తం భరించి టిడ్కో ఇళ్లు పేద వారికి ఉచితంగా ఇచ్చేది.

ఇలా ఆ పోస్టులో మొత్తం 30 పాయింట్స్‌ ఉన్నాయి. ఆ 30 పాయింట్స్‌ ద్వారా ప్రభుత్వం ఏం చేయలేకపోయిందో.. తమ నేత చంద్రబాబు నాయుడు అధికారంలోకి వచ్చుంటే ఏం చేసేవాడో విపులంగా ఐటీడీపీ రాసుకొచ్చింది.

• ఇవి కూడా చదవండి: గడప గడపకు ప్రభుత్వం కార్యక్రమాన్ని ప్రశంసించిన వెంకయ్య నాయుడు