follow us:
ఇండియన్ బాక్సాఫీస్ ని సౌత్ ఇండియన్ సినిమాలు షేక్ చేస్తున్న సంగతి తెలిసిందే. కొన్నేళ్లుగా బాలీవుడ్ టైం బాగాలేకో లేక ట్రెండ్ కి వెనకుండిపోయారో గానీ, పెద్ద సినిమాల నుండి చిన్న సినిమాల వరకు బాక్సాఫీస్ వద్ద ఘోరంగా విఫలమవుతూ వస్తున్నాయి. ఇటీవల బాలీవుడ్ మిస్టర్ పర్ఫెక్ట్ ఆమిర్ ఖాన్ నటించిన ‘లాల్ సింగ్ చడ్డా’ మూవీ అదే కోవలో చేరింది. ఎప్పుడూ మంచి సబ్జెక్టు ఎంచుకుని సినిమాలు చేసే ఆమిర్.. ‘థగ్స్ ఆఫ్ హిందూస్తాన్’ దెబ్బకు పంథా మార్చి ‘లాల్ సింగ్ చడ్డా’ మూవీ చేశాడు. ఇది హాలీవుడ్ ‘ఫారెస్ట్ గంప్’ చిత్రానికి రీమేక్ గా తెరకెక్కింది.
ఆమిర్ ప్రధానపాత్రలో నటిస్తూ నిర్మించిన ఈ రీమేక్ సినిమా కోసం ఏకంగా రూ. 180 కోట్లు వెచ్చించినట్లు తెలుస్తుంది. అందులోనూ ఫారెస్ట్ గంప్ చిత్రాన్ని రీమేక్ చేయాలని భావించి.. రీమేక్ హక్కుల కోసం దాదాపు 9 సంవత్సరాలు కష్టపడ్డానని చెప్పాడు ఆమిర్. అలాగే ఎంతో సీరియస్ గా సినిమాను భారీ బడ్జెట్ లో తీసి పాన్ ఇండియా స్థాయిలో రిలీజ్ చేశాడు. ఈ సినిమాతోనే టాలీవుడ్ హీరో అక్కినేని నాగచైతన్య బాలీవుడ్ డెబ్యూ చేశాడు. అయితే.. అనూహ్యంగా లాల్ సింగ్ చడ్డా బాక్సాఫీస్ వద్ద ఘోరపరాజయాన్ని చవిచూసింది. ఎందుకంటే.. సినిమా లెన్త్, ఎంగేజింగ్ గా లేని స్క్రీన్ ప్లే, ఇండియన్ కల్చర్ లోపించడంతో సినిమా పోయిందని టాక్.
ఇదిలా ఉండగా.. లాల్ సింగ్ చడ్డా మూవీని థియేటర్స్ లో విడుదలైన 6 నెలల తర్వాతే ఓటిటిలో రిలీజ్ చేస్తానని చెప్పాడు ఆమిర్. కానీ.. సినిమా అప్పటికి రిలీజ్ కాలేదు.. ఇప్పుడు విడుదలై ఫలితం తారుమారు అయిపోయేసరికి తన ఆలోచన మార్చుకున్నట్లు బాలీవుడ్ వర్గాలు చెబుతున్నాయి. లాల్ సింగ్ చడ్డా ఓటిటి హక్కులను ‘నెట్ ఫ్లిక్స్’ సంస్థ దక్కించుకుంది. తాజా సమాచారం ప్రకారం.. ఈ సినిమా అక్టోబర్ 20 నుండి స్ట్రీమింగ్ కాబోతుందని తెలుస్తుంది. అంటే.. 6 నెలలకు అన్న సినిమా 50 రోజులకే ఓటిటిలో రిలీజ్ అవుతోంది. ఈ విషయాన్నీ స్వయంగా ప్రముఖ ఫిలిం క్రిటిక్ గిరీష్ జోహార్ ట్విట్టర్ లో తెలిపారు. మరి లాల్ సింగ్ చడ్డా ఓటిటి రిలీజ్ పై మీ అభిప్రాయాలను కామెంట్స్ లో తెలియజేయండి.
As per trade buzz… to minimise losses .. the OTT premiere of #LaalSinghChaddha will be on 20th Oct on #Netflix instead of the post 6months theatrical release, as announced by #AamirKhan earlier ! @AKPPL_Official pic.twitter.com/iyWHg5mlCt
— Girish Johar (@girishjohar) September 6, 2022
