follow us:
బిగ్ బాస్ అంటే గొడవలు ఎంత కామనో.. జోడీలు కూడా అంతే కామన్. తెలియని వాళ్లయితే మాట్లాడి, కెమిస్ట్రీ వర్కౌట్ చేసుకోవడానికి చాలా టైమ్ పడుతుంది. కానీ హౌసులో రాకముందే తెలుసుంటే మాత్రం ఆ పని చాలా సులభమైపోతుంది. ఈ షోలో జోడీలు అనే ప్రస్తావన వస్తే రాహుల్-పునర్నవి, షన్ను-సిరి జోడీలే ముందు గుర్తొస్తాయి. ఇప్పుడు వాళ్ల జాబితాలోకి చేరాలని.. ఈ సీజన్ లోని ఓ జోడీ తెగ ప్రయత్నిస్తోంది. ఇంతకీ ఎవరా వాళ్లు.. ఏంటా కథ!? ఇక వివరాల్లోకి వెళ్తే.. ఒకే న్యూస్ ఛానెల్లో కలిసి పనిచేసిన ఆర్జే సూర్య, ఆరోహి, ఈసారి బిగ్ బాస్ హౌసులో కంటెస్టెంట్స్ గా అడుగుపెట్టారు.
View this post on Instagram
తొలివారం.. ఆర్జే సూర్య-ఆరోహి చాలా నార్మల్ గానే ఉన్నారు. ఓవైపు సూర్య, కీర్తి భట్ తో పులిహోర కలిపే ప్రయత్నం చేశాడు. స్పూన్ తో భోజనం తినిపించడం, ఆమె ఏదైనా చెబుతుంటే వినడం లాంటివి చేశాడు. అది వర్కౌట్ కాకపోయేసరికి సూర్య-కీర్తి పులిహోరకు అప్పుడే పుల్ స్టాప్ పడింది. మరోవైపు ఆరోహి కూడా.. 20 ఏళ్లు ఒంటరిగానే బతికానని, ఈ లవ్వులు గట్రా తనకు పడవని గట్టిగానే చెప్పింది. కట్ చేస్తే.. సూర్య-ఆరోహినే ప్రస్తుతం జోడీ అయిపోయారు. హౌసులో తెగ కెమిస్ట్రీ పండించడానికి ట్రై చేస్తున్నారు.
ఇక శుక్రవారం ఎపిసోడ్ లో సూర్య-ఆరోహి సరసాలు పీక్స్ కి చేరాయి. వాళ్ల కవ్వింపులు, అర్ధరాత్రి ముచ్చట్లు చూస్తుంటే.. గత సీజన్ లో షన్ను-సిరినే గుర్తొస్తున్నారు. అలానే సూర్య.. ఫుడ్ కోసం దొంగతనం చేయడం, చాటుగా వంట చేసుకుని తినడం కాస్త సిల్లీగా అనిపించింది. ఓ సందర్భంలో.. ‘సూర్య నువ్వు మారిపోయావ్. బయట నువ్వు అరిస్తే సారీ చెప్తావ్.. ఇక్కడ సారీ చెప్పట్లే మరిచిపోయావ్’ అని ఆరోహి అంటుంటే సిరి-షణ్ముక్ నే గుర్తొస్తున్నారు. మరి వీళ్లు, ఆ జోడీని మరిపించేలా ఆడతారా.. మధ్యలోనే డ్రాపవుతారా అనేది చూడాలి. మరి సూర్య-ఆరోహి ట్రాక్ గురించి మీ అభిప్రాయాన్ని కామెంట్స్ లో పోస్ట్ చేయండి.
View this post on Instagram
ఇదీ చదవండి: ఆరోహీని హర్ట్ చేసిన ఆర్జే సూర్యా.. ఏం చేశాడంటే..?
