follow us:
భారతీయ చిత్ర పరిశ్రమలో అన్ని ఇండస్ట్రీస్‌లో వరుస విషాదాలు చోటు చేసుకుంటున్నాయి. క‌న్న‌డ నటుడు, జాతీయ అవార్డు గ్ర‌హీత సంచారి విజయ్ (37) బ్రెయిన్-డెడ్ అయిన‌ట్లు వైద్యులు ప్ర‌క‌టించారు. జూన్ 12న ఫ్రెండ్‌ను క‌లుసుకొని, బైక్‌పై ఇంటికి తిరిగివెళ్తున్న స‌మ‌యంలో యాక్సిడెంట్‌కు గుర‌య్యాడు విజయ్. తీవ్ర గాయాల‌తో అప‌స్మార‌క స్థితిలోకి వెళ్లిన ఆయ‌న‌ను వెంట‌నే బెంగ‌ళూరులోని అపోలో హాస్పిట‌ల్‌కు త‌ర‌లించారు. రిపోర్టుల ప్ర‌కారం ఆయ‌న మెద‌డులోని కుడిభాగానికీ, తొడ ప్రాంతంలోనూ తీవ్ర గాయాల‌య్యాయి. ఇంటెన్సివ్ కేర్ యూనిట్‌లో ఉంచి చికిత్స అందిస్తున్న వైద్యులు జూన్ 14 ఆయ‌న బ్రెయిన్ డెడ్ అయిన‌ట్లు ప్ర‌క‌టించారు. ఆయ‌న అవ‌య‌వాల‌ను దానం చేయ‌డానికి కుటుంబ‌స‌భ్యుల నిర్ణ‌యించుకున్నారు.
విజ‌య్‌కు మ‌ధ్యాహ్నం 12.25 గంట‌ల‌కు ఓసారి, రాత్రి 7.50 గంట‌ల‌కు మ‌రోసారి అప్నియా టెస్టుల‌ను నిర్వ‌హించారు. వీటిలో పాజిటివ్ అని తేలింది. దాన‌ర్థం ఆయ‌న బ్రెయిన్ పూర్తిగా దెబ్బ‌తింది. ఆయ‌న బ్రెయిన్ డెడ్ అయ్యాడు. ఆయ‌న అవ‌య‌వాల‌ను భ‌ద్ర‌ప‌ర‌చి ప్రోటోకాల్స్ ప్ర‌కారం వివిధ హాస్పిట‌ల్స్‌లో అవ‌స‌ర‌మైన వారికి అవ‌య‌వ మార్పిడి చేస్తారు.
విజయ్ యిపార్థివ‌దేహాన్ని బెంగ‌ళూరులోని ర‌వీంద్ర క‌ళాక్షేత్ర‌లో ఉద‌యం 8 గంట‌ల నుంచి 10 గంట‌ల వ‌ర‌కు ప్ర‌జ‌ల సంద‌ర్శ‌నార్థం ఉంచుతారు. అనంత‌రం ఆయ‌న స్వ‌స్థ‌లం పంచ‌న‌హ‌ళ్లిలో రాష్ట్ర ప్ర‌భుత్వ లాంఛ‌నాల‌తో అంత్య‌క్రియ‌లు నిర్వ‌హించ‌నున్నారు. హీరో కిచ్చా సుదీప్ తన సోషల్ మీడియా అకౌంట్ ద్వారా లాంటి విషాద వార్తను చెప్పడానికి మాట రావడం లేదంటూ భావోద్వేగానికి గురయ్యారు.
‘రంగ‌ప్ప హోగ్‌బిత్న’ (2011) అనే సినిమాతో క‌న్న‌డ ఇండ‌స్ట్రీలో అడుగుపెట్టిన సంచారి విజయ్ అనంత‌రం హిట్ సినిమాల్లో న‌టించాడు. ‘హరివూ’, ‘ఒగ్గరానే’ సినిమాలతో మంచి నటుడిగా గుర్తింపు తెచ్చుకున్నారు. ట్రాన్స్‌జెండర్‌గా నటించిన ‘నాను అవనల్ల.. అవలు’ సినిమాకు జాతీయ అవార్డును సైతం అందుకున్నారు. విజయ్ చివరిసారిగా ‘యాక్ట్‌ 1978’ చిత్రంలో నటించారు.
Very very disheartening to accept that Sanchari Vijay breathed his last.
Met him couple of times just bfr this lockdown,,,, all excited about his nxt film,, tats due for release.
Very sad.
Deepest Condolences to his family and friends.
RIP 🙏🏼— Kichcha Sudeepa (@KicchaSudeep) June 14, 2021
